Politike

Nderimi me bust i Vasil Shahinit, PDIU thirrje qeverisë: Hiqni “syzet e errëta” dhe hapni sytë në mbrojtje të sovranitetit e mos shkelni Kushtetutën

Në një reagim zyrtar, PDIU shprehet se nderimi i anti-shqiptarit dhe vendosja e bustit për Shahinin, bie në kundërshtim me direktivat e BE-së dhe se po tregon për shkelje sistematike të ligjeve dhe Kushtetutës.
Featured image of article: Nderimi me bust i Vasil Shahinit, PDIU thirrje qeverisë: Hiqni “syzet e errëta” dhe hapni sytë në mbrojtje të sovranitetit e mos shkelni Kushtetutën
Përditësuar:

TIRANË– Partia për Drejtësi, Integrim dhe Unitet ka reaguar pas vendosjes së bustit të Vasil Shahinit në Derviça, i njohur si drejtues i organizatës terroriste “MAVI”, e krijuar për lirimin e Vorio-Epirit. Në një reagim zyrtar, PDIU shprehet se nderimi i anti-shqiptarit dhe vendosja e bustit për Shahinin, bie në kundërshtim me direktivat e BE-së dhe se po tregon për shkelje sistematike të ligjeve dhe kushtetutës.

PDIU thekson se tashmë janë të përsëritura “betejat” për tabelat që duhet të shkruhen në dy gjuhë, e në krye në gjuhën Shqipe, tensionet në varrezat e Bularatit, apo rasti i Kacifasit, që për shkak të lëshimeve dhe vendosjes së “syzeve te errta”  të institucioneve të Shtetit Shqiptar, po cënojnë dhe integritetin territorial dhe bashkekzistencën ndër- etnike .

Deklarata e plotë PDIU-së

PDIU proteston me forcë për vendosjen e bustit, e nderimin e anti–shqiptarit, Vasil Shahini, në Derviçan, i njohur nga historia dhe shqiptarët si organizator  i masakrave në Jugun e Shqipërisë, themelues dhe drejtues i organizatës terroriste “MAVI”, e krijuar për lirimin e Vorio-Epirit, një term irredentist e pa asnjë bazë historike dhe e paqenë. Krijimi i Bashkive minoritare në kundërshtim me direktivat e BE-së, pikërisht për të mos u kthyer në enklava të ndasive, por në respekt reciprok e bashkëjetese, po tregon për shkelje sistematike të ligjeve dhe kushtetutës. PDIU thekson se tashmë janë të përsëritura “betejat” për tabelat që duhet të shkruhen në dy gjuhë, e në krye në gjuhën Shqipe, tensionet në varrezat e Bularatit, apo rasti i Kacifasit, që për shkak të lëshimeve dhe vendosjes së “syzeve të errëta ”  të institucioneve të Shtetit Shqiptar, po cënojnë  integritetin territorial dhe bashkekzistencën ndër etnike .

Për më shumë bëhu pjesë e grupit më viral në Facebook, Dosja.al

I bëjmë thirrje Qeverisë Shqiptare, organeve ligj zbatuese, SHISH, Ministrisë së Brendshme, Prokurorisë së Përgjithshme, e mbi të gjitha Kryeministrit, që të heqin “syzet e errëta” e të hapin fort sytë në mbrojtje të sovranitetit e integritetit territorial, e dinjitetit të shtetit dhe shqiptarëve. Të hapë sytë fort “pa syze të errëta”, për të parë e kuptuar që shkelja sistematike e Kushtetutës e ligjeve, mbajtja në këmbë e Ligjit të Luftës nga Greqia, ngritja e varrezave të  ushtareve grekë, të ardhur si pushtues e që po mbjellin tokën shqiptare në kufijtë imagjinarë të Vorio-Epirit, (kur shumë mirë mund t’u ktheheshin familjareve), heshtja për të drejtat e shqiptarëve të Çamërisë, e diskutimi me palën greke për heqjen e emrit Çamëri nga tekstet e historisë së Shqipërisë, lëshimet e rrezikshme e të pa kuptimta në procesin e “CENSUSIT 2020” janë këmbana alarmi, e do të na kushtojnë shumë kur të shpërndahet e të na dalë “Tymi i Hashashit” si shqiptarë.

Vasil Shahini, i konsideruar si kreu i agjenturës greke në Shqipëri, njëkohësisht themelues i organizatës terroriste MAVI, është nderuar me bust nga Bashkia e Dropullit. Bashkia e Dropullit ka vendosur bustin e ekstremistit grek në qendër të fshatit Derviçan, që është i përbërë nga minoriteti grek, një ditë më parë.

(f.m/dosja.al)

Shto Koment