Politike

Bushati: Krimi qarkullon 1.5 miliard $ në vit, s’ka asgjë të keqe që në pronat e sekuestruara të futen të prekurit nga tërmeti

Bushati ka deklaruar se nuk ka asgjë të keqe që në pronat e sekuestruara të futen të prekurit nga tërmeti.
Featured image of article: Bushati: Krimi qarkullon 1.5 miliard $ në vit, s’ka asgjë të keqe që në pronat e sekuestruara të futen të prekurit nga tërmeti Ervin Bushati

Tiranë- Deputeti i Partisë Socialiste  Ervin Bushati në mbledhjen e sotme të Komisionit të Ekonomisë, ku u diskutua për ndryshimet e reja në ligjin për pronat e sekuestruara, ka deklaruar se është shumë e nevojshme goditja e pasurisë së krimit të organizuar. Ai u shpreh se krimi i organizuar qarkullon 1.5 miliard dollarë në vit dhe se nuk ka asgjë të keqe që në pronat e sekustruara të futeshin personat që u prekën nga tërmeti i 26 nëntorit.

“Krimi i organizuar nuk është pasion. Kriminelët e bëjnë për fitime financiare. Duke i marrë pronën patjetër që e ndalon krimin. Sekuestrimi i pronave duhet të shikohet si shpërndarje. Shoqërisë duhet t’i rikthehen këto prona. Krimi i organizuar në Shqipëri mund të shkoje në 1.5 miliard dollar në vit aktivitet. Krimi administron prona dhe aktivitetet të shumta. Nuk ka kthim prapa në këtë pjesë. Këtu flasim për përmasa shumë të mëdha. Janë më shumë se dëmet e tërmetit. Ca të keqeje kishte që këto prona të futeshin personat që nuk kanë shpi. Nuk duhet parë si shpronësim por shpërndarje me ligj e pronave. Duhen goditur se kriminalizojnë vendin, ka vrasje dhe vepra penale. Duhen ndjekur edhe ata që janë në burgje nëpër Evropë dhe kanë prona në Shqipëri. Patjetër që duhen t’i shpërndahen.”, u shpreh Bushati. 

Për më shumë bëhu pjesë e grupit më viral në Facebook, Dosja.al

Ka kaluar më shumë se një javë që prej momentit kur OFL ka nisur goditjen dhe sekuestrimin e emrave të njohur të botës së krimit. OFL dërgoi formularin tek Suel Cela dhe Plarent Dervishaj, Dash Gjoka, Emiljano Hysenaj, Lulzim Berisha, Edlir Hysenaj, Altin Hajri, Ardian Capja, grupi i Dukagjinit, Saimir Taullau, Ben Qimja, Durim Bami, Landi Muharremi, Bardhok Pllanaj, Alberto Lamaj, Dritan Dajtit,  Kreshnik Mujës, personit me iniciale E.SH. Xhevdet Troplinit, Emiljano Shullazit, dhe Gjergj Cukali, i cili përflitet se është mik i afërt me të.

J.V/Dosja.al 

Shto Koment