Politike

Bushati denoncon PS në Shkodër: Kërkojnë të blejnë votat e 350 të burgosurve në Reç 

Në një deklaratë për shtyp Bushati tha se PS-në e ka kapur paniku i humbjen dhe se po kërkon që të blejë votat e 350 të burgosurve.
Featured image of article: Bushati denoncon PS në Shkodër: Kërkojnë të blejnë votat e 350 të burgosurve në Reç  Helidon Bushati

SHKODËR- Kandidati i PD-së për deputet në Shkodër, Helidon Bushati ka denoncuar PS-në dhe kandidantin për deputet Paulin Sterkaj për blerje votash. Në një deklaratë për shtyp Bushati tha se PS-në e ka kapur paniku i humbjen dhe se po kërkon që të blejë votat e 350 të burgosurve. Ai ka thënë se ky veprim minos demokracinë shqiptare, dhe u shpreh se PD-ja do të jetë në krah të shqiptarëve për siguruar një proces të të rregullt dhe të ndershëm zgjedhor.

Fjala e Helidon Bushatit:

Bandën në ikje e ka kapur paniku i humbjes së thellë dhe përballjen me drejtësinë pas 25 Prillit, prandaj po mundohen me çdo formë të ndryshojnë rezultatin e zgjedhjeve. Por nuk do ia dalin. Skemat e shitblerjes së votës të inspiruara nga Edi Rama dhe të ekzekutuara nga segmente kriminale do të përballen me forcen e ligjit pas 25 Prillit.

I bëjmë thirrje Policisë së Shtetit, të mos bëhët palë me krimin elektoral, por të rreshtohet në krah të interesave të qytetarit. Kurrë nuk është vonë. Partia Demokratike Dega Shkodër ka informacione për shitblerjen e votës dhe presionin ndaj administratës shtetërore nga ana e kësaj strukture kriminale.

Për më shumë bëhu pjesë e grupit më viral në Facebook, Dosja.al

Konkretisht. Sipas një informacioni mësohet se:

Në ambjentet e brendshme te I. E. V. P. Reç në rrethin M. Madhe, ndodhet nje minimarket, lokal, në administrimin shtetasi Ylli Sterkaj, i cili në bashkëpunim edhe me drejtuesit e kësaj I. E. V. P-je janë përfshirë në aktivitetin e blerjes se votës. Konkretisht të lartëpërmendurit po shpërndajnë vlera monetare “lek” me qëllim blerjen e votave ne favor të kandidatit te PS. Paulin Sterkaj.

Nga të dhenat mësojmë se numri i personave që vuajnë dënimet në këtë I. E. V. P. është rreth 350 te burgosur. Nuk ka bandë qe minos demokracinë. Nuk ka bande qe do e deformojë vullnetin e qytetarëve me 25 Prill. Partia Demokratike është dhe do të jetë në krah të qytetarëve për të mbrojtur një proçes të rregullt dhe të ndershëm zgjedhor.

(I.A/dosja.al)

Shto Koment