Bota

Me ‘hije’ nga koronavirusi/ Takoi shoqen kineze që sapo ishte kthyer nga Italia, burrin nga Lituania e zë paniku, mbyll në banjo gruan

Mësohet se efektivët e policisë kanë hyrë në shtëpi dhe kanë nxjerrë gruan, për ta dërguar më pas në spital. Atje ajo ka bërë të gjitha analizat për të konfirmuar nëse ajo ishte e pekur nga koronavirusi.
Featured image of article: Me ‘hije’ nga koronavirusi/ Takoi shoqen kineze që sapo ishte kthyer nga Italia, burrin nga Lituania e zë paniku, mbyll në banjo gruan Foto Ilustruese

LITUANI- Frika nga koronavirusi, po shtyn njerëzit të bëjnë veprime të papritura. I tillë është rasti i një burri në Lituani, i cili ka mbyllur gruan në banjo për disa ditë rresht, pasi dyshoi se ishte e prekur nga koronavirusi.

Sipas mediave vendase burri e bëri këtë veprim, pasi gruaja e tij ishte takuar me një grua kineze, e cila vinte nga Italia.

Por megjithatë pas disa ditësh qëndrimi në tualet, gruaja arriti që të njoftonte Policinë që të vinin e ta nxirrnin. Mësohet se efektivët e policisë kanë hyrë në shtëpi dhe kanë nxjerrë gruan, për ta dërguar më pas në spital. Atje ajo ka bërë të gjitha analizat për të konfirmuar nëse ajo ishte e prekur nga koronavirusi.

Për më shumë bëhu pjesë e grupit më viral në Facebook, Dosja.al

Pas nënshtrimit të testimeve fatmirësisht ajo rezultoi negative. Ndërkohë burri u përpoq të justifikohej përpara policisë duke thënë se ka zbatuar këshillat e mjekëve.

Në rang global koronavirusi vijon të marrë jetë. Deri më tani janë regjistruar 3200 viktima dhe afro 93.129 njerëz janë infektuar nga koronavirusi në botë. Italia e quajtur ndryshe edhe si vatra e koronavirusit në Europë, ka shënuar 79 viktima dhe mbi 2.200 mijë të infektuar. Greqia ka mbyllur 28 shkolla për të shmangur koronavirusin, në Kinë së fundmi ka vdekur edhe një mjek, ndërsa rastet po shtohen shumë edhe në SHBA, ku Trump po merr masa të forta. Shqipëria nuk e ka pasur ende rastin e parë të infektuar. OBSH njofton se ka një mungesë globale pajisjeve mjekësore, ndërsa Banka Botërore ka dhuruar 12 miliardë dollarë në ndihmë të zhdukjes së koronavirusit. Në Shqipëri s’ka ende asnjë rast të konfirmuar.

(A.K.Dosja.al)

Shto Koment