Bota

Britania kritikon Fauçin për deklaratat në lidhje me aprovimin e vaksinës anti-Covid

Zëdhënësi i Kryeministrit, Johnson u shpreh se deklaratat e Fauçit janë të nxituara pasi Agjencia Rregullatore e Barnave dhe Produkteve Shëndetësore (MHRA) është lider botërorë në fushën e saj dhe në lidhje me këtë rast ka ndjekur të gjitha standartet ndërkombëtare në lidhje me vlerësimin e vaksinës
Featured image of article: Britania kritikon Fauçin për deklaratat në lidhje me aprovimin e vaksinës anti-Covid Boris Johnson

ANGLIA-Britania e Madhe ka kritikuar ditën e sotme epidemiologun amerikan, Anthony Fauçi në lidhje me deklaratat që ai bëri për aprovimin e shpejt të vaksinës anti-Covid. Zëdhënësi i Kryeministrit, Johnson u shpreh se deklaratat e Fauçit janë të nxituara pasi Agjencia Rregullatore e Barnave dhe Produkteve Shëndetësore (MHRA) është lider botërorë në fushën e saj dhe në lidhje me këtë rast ka ndjekur të gjitha standartet ndërkombëtare në lidhje me vlerësimin e vaksinës. Ai gjithashtu përmendi faktin se Fauçi i ka tërhequr të gjitha komentet që ka bërë dhe se ka kërkuar falje publike për deklaratën e tij.

“Ju do të keni parë që Dr. Fauçi tani ka tërhequr ato komente dhe ka kërkuar falje. Unë thjesht do të theksoja faktin se MHRA është një lider botëror në fushën e saj dhe ka ndjekur standarde rigoroze ndërkombëtare në lidhje me vlerësimin e saj të vaksinës për t’u siguruar që plotëson standardet e sigurisë dhe efektivitetit dhe cilësisë,” tha ai.

Këto deklarata kanë ardhur pas fjalëve që tha Fauçi se Britania është nxituar në lidhje me aprovimin e vaksinës anti-Covid. Ai gjithashtu tha se nëse nuk merren masat e duhura për vaksinën atëherë njerëzit nuk do të pranojnë të vaksinohen.

Për më shumë bëhu pjesë e grupit më viral në Facebook, Dosja.al

“Nëse nuk merren masat e duhura për vaksinën as njerëzit nuk do të duan të vaksinohen. Ne kemi standardin e artë të qasjes rregullatore të Administratës së Ushqimit dhe Barnave(FDA). Mbretëria e Bashkuar nuk veproi me aq kujdes. Ata e patën disa ditë më  para vaksinën po kjo nuk mendoj se kjo bën shumë ndryshim,” tha Fauçi.

Vaksina anti-Covid e Pfizer dhe BioNTech u miratua para 2 ditëve në Angli nga Agjencia Rregullatore e Barnave dhe Produkteve Shëndetësore (MHRA) për përdorim emergjent. Anglia është bërë kështu vendi i parë në botë që ka miratuar një vaksinë anti-Covid për përdorim masiv, por kjo ka marrë shumë kritika nga vendet e tjera pasi cilësohet si verpim i nxituar.

(I.A/dosja.al)

Shto Koment