Bota

Britania e Madhe nuk gjen qetësi, regjistrohen 2,988 raste të reja me Covid-19 në 24 orët e fundit

Në 24 orët e fundit në Britani janë regjistruar 2.988 raste të reja të personave të infektuar nga koronavirusi. Ky është numri më i lartë i raportuar në një ditë të vetme që nga 22 maji dhe një rritje prej 1,175 të shtunën, sipas të dhënave zyrtare të publikuara nga qeveria britanike.
Featured image of article: Britania e Madhe nuk gjen qetësi, regjistrohen 2,988 raste të reja me Covid-19 në 24 orët e fundit Sekretari i Shëndetësisë në Britani, Matt Hancock.

BRITANI E MADHE- Pandemia e koronavirusit nuk po zhduket lehtë nga Britania e Madhe, pasi ditë pas dite po shënohen raste të shumta të viktimave dhe të të vdekurëve nga ky virus.  Në 24 orët e fundit në Britani janë regjistruar 2.988 raste të reja të personave të infektuar nga koronavirusi, tregojnë të dhënat e qeverisë.

Ky është numri më i lartë i raportuar në një ditë të vetme që nga 22 maji dhe një rritje prej 1,175 të shtunën, sipas të dhënave zyrtare të publikuara nga qeveria britanike. Sekretari i Shëndetësisë Matt Hancock tha se ai ishte “i shqetësuar” për një rritje të rasteve “kryesisht midis të rinjve”.

Ndërkohë janë regjistruar dy vdekje brenda 28 ditëve duke e çuar numrin e përgjithshëm të viktimave në 41,551 në të gjithë territorin e Britanisë së Madhe.

“Është shumë e rëndësishme që të gjithë të bëjnë pjesën e tyre dhe të ndjekin distancimin shoqëror sepse nuk ka rëndësi sa vjeç jeni, sa i prekur mund të jeni nga kjo sëmundje, ju mund t’ua transmetoni sëmundjen të tjerëve. Pra, mos ua transmetoni sëmundjen gjyshërve tuaj nëse jeni një person i ri, të gjithë duhet të respektojnë distancimin social.”-   ka thënë Z. Hancock.

Për më shumë bëhu pjesë e grupit më viral në Facebook, Dosja.al

Pavarësisht nga rritja e ndjeshme e rasteve, Z. Hancock tha se qeveria ka të drejtë të rihapë shkollat për shkak të ndikimit tek fëmijët duke shtuar se vendet e punës të cilat janë rihapur janë “të sigurta për Covid”.

Burimi: BBC

A.C/Dosja.al

Shto Koment