Bota

Britania e Madhe ka në plan të vendos vaksina kundër Covid-19 në dispozicion për të gjithë personat mbi 18 vjeç deri në fund të muajit janar

Organizata e Shëndetësis (NHS), ka thënë se nësë një vaksinë aprovohet, dozat e para pritet të vihen në dispozicion muajin tjetër dhe së pari do t'u jepen njerëzve që jetojnë në shtëpitë e kujdesit dhe kujdestarëve që kujdesen për ta. Më pas, do vendoset me përparësi sipas moshës dhe shëndetit të përgjithshëm, për personat nën 50 vjeç.
Featured image of article: Britania e Madhe ka në plan të vendos vaksina kundër Covid-19 në dispozicion për të gjithë personat mbi 18 vjeç deri në fund të muajit janar Foto ilustruese

ANGLI-Vaksinat kundër koronavirusit mund të jenë në dispozicion për të gjithë personat mbi moshën 18 vjeç në Mbretërinë e Bashkuar, deri në fund të muajit janar.

Sipas DaiyMail, Organizata e Shëndetësis (NHS), ka thënë se nëse një vaksinë aprovohet, dozat e para pritet të vihen në dispozicion muajin tjetër dhe së pari do t’u jepen njerëzve që jetojnë në shtëpitë e kujdesit dhe kujdestarëve që kujdesen për ta.

Më pas, do vendoset me përparësi sipas moshës dhe shëndetit të përgjithshëm, për personat nën 50 vjeç. Sakaq, bëhet e ditur se edhe ata në grupin me rrezikun më të ulët mund të jenë në gjendje të fillojnë të vaksinohen brenda vetëm dy muajsh nëse gjithçka shkon sipas planit.

Mësohet se ky fakt varet nga mbërritja e furnizimeve, ku deri në shtatë milionë doza priten muajin tjetër. Gjithashtu në planet e NHS-së, është miratimi i të paktën një vaksinë deri në fund të vitit, ku aktualisht pritet të jetë Pfizer i pari që do të marrë një licencë.

Për më shumë bëhu pjesë e grupit më viral në Facebook, Dosja.al

Britania e Madhe ka porositur 40 milion doza të vaksinës së Pfizer  me grupin e parë të vendosur për të mbërritur muajin tjetër dhe pesë milion te Moderna, të cilat pritet të vijnë në pranverë të vitit të ardhshëm.

Sipas planeve vaksina mund të vihet në dispozicion për të gjithë të rriturit në Mbretërinë e Bashkuar deri në fund të janarit, por pjesa më e madhe e moshës 18 deri 50 vjeç ka të ngjarë të vaksinohen në mars.

Ndërkohë që prej fillimit të pandemisë në Britaninë e Madhe janë regjistruar 1,473,508 persona dhe kanë ndërruar jetë 54,286 pacientë.

(k.a/dosja.al)

Shto Koment