Aktualitet

Braktisi vajzën 17 vjeçare në Kosovë, arrestohet gruaja 50 vjeçare nga Kukësi

Polica e Kukësit apelon për të gjithë shtetasit që të mos braktisin fëmijët në vende të tjera, për asnjë lloj arsyeje, pasi për çdo rast do identifikohen dhe ndëshkohen personat përgjegjës.
Featured image of article: Braktisi vajzën 17 vjeçare në Kosovë, arrestohet gruaja 50 vjeçare nga Kukësi Policia e Kukësit

KUKËS– Një grua nga qyteti i Kukësit është arrestuar nga policia pasi ka braktisur vajzën e saj 17 vjeçare në Kosovë.

Shtetasja 50 vjeçare me inicialet SH.B la vajzën e saj të mitur në Kosovë. Vajza është kthyer tashmë në Shqipëri ndërkohë që po procedohet nëna e saj.

Njoftimi i policisë:

Për më shumë bëhu pjesë e grupit më viral në Facebook, Dosja.al

Kukës/ Procedohet penalisht një shtetase, për veprën penale “Braktisja e të miturit”. Specialistët e Seksionit për Hetimin e Trafikut të Paligjshëm dhe Narkotikëve në DVP Kukës proceduan në gjendje të lirë shtetasen Sh. B., 50 vjeçe, banuese në Kukës. Procedimi ndaj saj filloi pasi ka braktisur në Kosovë, vajzë e saj të mitur 17 vjeçe. Falë bashkëpunimit të DVP Kukës dhe Policisë Kufitare Morinë me Policinë e Kosovës është bërë i mundur lokalizimi, gjetja dhe kthimi i 17-vjeçares në Shqipëri. Materialet i kaluan Prokurorisë së Rrethit Gjyqësor Kukës, për veprime të mëtejshme. Polica e Kukësit apelon për të gjithë shtetasit që të mos braktisin fëmijët në vende të tjera, për asnjë lloj arsyeje, pasi për çdo rast do identifikohen dhe ndëshkohen personat përgjegjës.

(a.b)/dosja.al

Shto Koment