Bota

Bota në ‘luftën’ e ashpër me Covid-19/ Karantinë e detyrueshme në Britani për banorët që kthehen nga Franca, izolohet një tjetër qytet në Australi

Prej më shumë se 7 muajsh i gjithë globi po përballet me pandeminë Covid-19 që shpërtheu në Kinë prej në fund të dhjetorit të 2019. Tashmë Covid-19 vijon të jetë ende një kërcënim për botën. Deri më tani në gjithë globin janë infektuar 21,072,125 persona. Ndërkohë 757,471 të tjerë kanë humbur jetën. Lajm i mirë është se betejën me COVID-19 e kanë fituar 13,924,364 qytetarë.
Featured image of article: Bota në ‘luftën’ e ashpër me Covid-19/ Karantinë e detyrueshme në Britani për banorët që kthehen nga Franca, izolohet një tjetër qytet në Australi Foto ilustruese

Shtetet e Bashkuara të Amerikës janë ndër vendet më të prekura nga pandemia. Aktualisht në Shtetet e Bashkuara të Amerikës janë 5,415,66 të infektuar dhe janë shënuar 170,415 vikitma. COVID-19 po përhapet me shpejtësi edhe në Indi.

India ka raportuar një bilanc të lartë të të infektuarëve  ditën e sotme, ndërsa numri i vdekjeve nga Covid-19 ka shkuar mbi 48,153. Tashmë numërohen rreth 2.4 milion të infektuar deri më sot, është shprehur ministria e shëndetësisë në Indi.

Shqetësuese është situata edhe në Meksikë ku numri i viktimave në këtë shtet ka shkuar në 55,293, ku vetëm në 24 orët e fundit kanë vdekur 627 pacientë me Covid-19.
Gjithashtu edhe Brazili është në gjendje shumë të rënduar, pasi shifrat janë shumë të larta për çdo ditë. Deri më tani numërohen 105,564 viktima dhe 3,229,621 milionë të infektuar.

Edhe Rusia po përballet me raste të shumta të pacientëve me koronavirus, ndërsa numri i viktimave ka shkuar në 15,384.Ndërkohë në Kinë janë rikthyer sërish rastet e reja me Covid-19. Deri më sot Kina numëron 4.634 viktima dhe 84,786 të infektuar që prej fillimit të shpërthimit, ku në 24 orët e fundit raportohen 30 raste të reja.

Sa i përket Europës, në Itali janë shënuar 35,231 viktima dhe në Francë 30,388, ndërsa qeveria ka vendosur të lehtësojë masat e izolimit, sakaq në Spanjë kanë humbur jetën 28,605.

Për më shumë bëhu pjesë e grupit më viral në Facebook, Dosja.al

Për shkak të shtimit të rasteve të reja me Covid-19, Britania ka vendosur karantinë të detyrueshme për të gjithë pushuesit në Francë që kthehen në vend. Gjithashtu edhe në Australi situata e Covid-19 nuk është aspak e qetë pasi me shtimin e rasteve të reja, qeveria ka izoluar sërish qy tetin Auckland, deri në momentin kur shifrat të ulen dhe situata të jetë më e qetë.

Sa i përket kësaj situate kreu i OBSH është shprehur se teksa numri i të infektuarëve ka shkuar mbi 20 milionë, ende ekziston rreziku i një shpërthimi tjetër i pandemisë Covid-19. Deri më tani teksa ka kaluar gjysëm viti me pandeminë e Covid-19, vetëm një ditë më parë është aprovuar për vaksina e parë kundër virusit vdekjeprurës, dhe është pikërisht Rusia shteti që ka arritur të prodhojë i pari në një kohë që shumë shtete të tjera po punojnë për krijimin e saj. Por disa dokumenteve zyrtare kanë vërtetuar se vaksina kundër koronavirusit, e miratuar të martën në Rusi, është testuar vetëm në 38 persona dhe shkakton disa efekte anësore, si temperaturë, ethe, dhimbje dhe ënjtje.

Burimi: TheGuardian 

A.C/Dosja.al

  • 12:47

    Mbi gjysmë viti në luftë me pandeminë/ Kreu i OBSH-së: 375 miliardë dollarë në muaj i kushton ekonomisë botërore COVID-19

    Kreu i OBSH-së, Adhanom Ghebreyesus

    Shpërëthimi i pandemisë COVID-19 i kushton afërsisht 375 miliardë dollarë për çdo muaj ekonomisë botërore. Ky lajm është bërë me dije nga Drejtori i Organizatës Botërorë të Shëndetësisë, Adhanom Ghebreyesus, i cili ka theksuar se ky njoftim vjen në bazë  të informacione ve nga Fondi Monetar Ndërkombëtar.  “FMN vlerëson se pandemia i kushton ekonomisë globale në muaj 375 miliardë dollarë dhe parashikohet një humbje kumulative e ekonomisë globale në dy vite me mbi 12 trilionë dollarë amerikanëBota tashmë ka shpenzuar trilionë dollarë për t’u përballë në periudhë afatshkurtër me pasojat e pandemisë.”- ka thënë ai.  Prej më shumë se 7 muajsh i gjithë globi po përballet me pandeminë Covid-19 që shpërtheu në Kinë prej në fund të dhjetorit të 2019. Tashmë Covid-19 vijon të jetë ende një kërcënim për botën. Deri më tani në gjithë globin janë infektuar 21,072,125 persona. Ndërkohë 757,471 të tjerë kanë humbur jetën. Lajm i mirë është se betejën me COVID-19 e kanë fituar 13,924,364 qytetarë.

  • 12:29

    Putini aprovoi vaksinën kundër Covid-19/ Mjeku rus jep dorëheqjen: Kjo punë nuk është bërë siç duhet, parimet e mjekësisë janë shkelur rëndë

    Presidenti rus, Vladimir Putin dhe mjeku, Alexander Chuchalin,

    Vaksina ruse që u konfirmua pak ditë më parë si e sigurtë dhe efektive për pacientë e infektuar me COVID-19 ka ngjallur shumë debate, pasi shtetet e tjera nuk besojnë të jetë testuar si duhet. Ndërkohë që të gjithë janë  vënë kundër Putin për vaksinën e parë kundër koronavirusi, mjeku drejtues i sëmundjeve respiratore në Rusi ka dhënë dorëheqjen për shkak të shkeljeve të mëdha të etikës mjekësore që u bënë përmes vaksinës së re ruse.  Bëhet fjalë për profesor, Alexander Chuchalin, i cili braktisi këshillin e Ministrisë së Shëndetësisë pasi bëri një sulm të ashpër ndaj ilaçit të ri “Sputnik V” që thuhet se mund të ndikojë në kurën ndaj koronavirusit. Chuchalin ka akuzuar dy mjekët kryesorë që janë përfshirë në studim, duke thënë se nxituan në prodhimin e vaksinës. Më tej ai përmendi emrin e Profesorit Alexander Gintsburg, drejtor i Qendrës së Kërkimeve Gamaleya për Epidemiologji dhe Mikrobiologji, dhe Profesorin Sergey Borisevich, kolonel mjekësor dhe virolog i lartë i ushtrisë Ruse, të cilët ishin akademikët kryesorë që ndihmuan në zhvillimin e vaksinës. “A i keni kaluar të gjitha rrugët e nevojshme të aprovuara nga legjislacioni i Federatës Ruse dhe bashkësia shkencore ndërkombëtare? Jo! Kjo punë nuk është bërë siç duhet. Kështu që, një nga parimet etike të mjekësisë është shkelur rëndë.”- është shprehur Chuchalin para se të largohej nga detyra.

  • 11:58

    Gjithë bota skeptike ndaj vaksinës ruse, ish-ministri kosovar e provon: Jam i lumtur që nuk ka asnjë efekt anësor

    Ish-ministri i Zhvillimit Ekonomik në Kosovë, Valdrin Lluka

    Vaksina ruse ka ngjallu shumë debat në mbarë botën, pasi nuk besohet të jetë 100% efektive dhe sigurtë për kurimin e Covid-19, por siç duket ish-ministri i Zhvillimit Ekonomik në Kosovë, Valdrin Lluka përmes një postimi në rrjetin social Twitter ka bërë me dije se e ka përdorur këtë vaksinë. Më tej ai ka thënë se është i lumtur që e ka provuar këtë vaksinë e cila nuk i ka shkaktuar asnjë efekt anësor.  “Unë dhe familja ime morëm vaksinën ruse për COVID19 dhe nëse keni frikë se nuk është testuar, e provova dhe jam i lumtur të raportoj se nuk ka asnjë efekt anësor.”- ka shkruar Lluka.

    Postimi i Llukës ne Twitter

    Prej ditës kur presidenti rus, Vladimir Putin u shpreh se shkencëtarët rusë kanë zbuluar vaksinën e parë të sigurt dhe efektive në botë për Covid-19, menjëherë erdhën reagimet nga shkencëtarë, mjekë e zyrtarë të lartë në botë. Madje edhe SHBA nuk ka fshehur shqetësimin dhe skepticizmin e saj, sa i përket vaksinës ruse.

  • 09:54

    Shifra të frikshme në Indi/ Vdesin mbi 1 mijë njerëz dhe infektohen 66,999 të tjerë me Covid-19

    Foto ilustruese

    Koronavirusi po bën kërdinë në mbarë botën, ku ditë pas dite po shënohen shifra të frikshme të viktimave dhe rasteve të reja me Covid-19. Mes 200 shteteve të prekura nga ky virus edhe India është një prej vendeve më të goditura ku numri i të vdekurëve është teje i lartë.  Në 24 orët e fundit mediat e huaja kanë raportuar të paktën 1.007 viktima dhe 66.999 raste të reja me Covid-19 duke e çuar në 2.461.190 nurmin e përgjithshëm të të sëmurëve me COVID-19 që nga fillimi i shpërthimit të pandemisë.  Gjithashtu edhe numri i të vdekurëve ka shkuar në 48.040 që prej fillimit të pandemisë në Indit. Ndërkohë sipas Ministrisë së Shëndetësisë India është vendi i tretë në botë, pas Shteteve të Bashkuara të Amerikës dhe Brazilit për numrin e viktimave dhe të sëmurëve nga koronavirusi. Ndërkohë më shumë se 661,595 raste aktualisht janë aktive, por lajmi i mirë është se numri i përgjithshëm i pacientëve të shëruar në Indi është më shumë se 1.7 milion.

  • 9:14

    Britanikët në garë për t’u kthyer nga Franca, para se të vendoset masa e karantinës në Britaninë e Madhe

    Foto ilustruese

    Shtimi i rasteve të reja në vendet e prekura nga koronavirusi ka krijuar sërish një gjendje të vështirë, duke detyruar shtetet të shtojnë masat dhe të vendosin për herë  të dytë karantinën. Megjithatë teksa kanë kaluar më shumë se 7 muaj që prej shpërthimi të pandemisë së koronavirusit, Britania e Madhe ditët e fundit ka deklaruar se të gjithë qytetarët britanikë që kanë kaluar  pushimet e kësaj vere në Francë, do të duhet të qëndrojnë në karantinë pasi Franca është një ndër vendet  më të prekura nga virusi,  dhe mundësia e infektimit nga virusi është e lartë.  Aeroportet dhe portet e Mbretërisë së Bashkuar u përgatitën për kaosin e udhëtimit gjatë ditës së sotme, ndërsa disa nga qindra mijëra pushues britanikë në Francë po kthehen në shtëpi përpara se të nisin rregullat e reja të karantinës.  Operatorët turistikë kanë paralajmëruar mbrëmjen e së enjte se udhëtimet e së premtes ishin të rezervuara plotësisht dhe se nuk do të ishte e lehtë për t’u kthyer.  “Ne thjesht nuk kemi planfikuar për të realizuar udhëtime për mijëra pushues që papritmas  dëshirojnë të kthehen.”- ka thënë John Keefe, drejtori i punëve publike në Getlink.

  • 8:52

    Mishi i pulës në Kinë rezulton me Covid-19/ OBSH: Nuk ka prova që koronavirusi transmetohet përmes ushqimit

    Drejtori ekzekutiv i programit të emergjencave të OBSH, Mike Ryan.

    Organizata Botërore e Shëndetit ka reaguar pas rastit të  konfirmuar se krahët e pulave të imoprtuara nga Brazili janë me koronavirus. Sipas OBSH thuhet se akoma nuk ka asnjë provë që koronavirusi transmetohet përmes ushqimit. “Nuk ka prova se ushqimi ose zinxhiri ushqimor po merr pjesë në transmetimin e këtij virusi. Njerëzit nuk duhet të kenë frikë nga ushqimi, ose nga paketimi, nga përpunimi ose shpërndarja e tij. Ushqimi është shumë i rëndësishëm.”– u shpreh Dr.Mike Ryan, drejtori ekzekutiv i programit të emergjencave të OBSH.  Të paktën 3 qytete në Kinë kanë raportuar prezencën e virusit në sipërfaqen e ushqimit të ngrirë, të importuar gjatë katër ditëve të fundit, duke ngritur shqetësime se virusi mund të kalohet përmes ushqimit, që rrjedhimisht mund të shkaktojë një shpërthim të rasteve të reja me virus.

    Por zyrtarët e OBSH-së u shprehën se autoritetet shëndetësore kineze kanë testuar disa mijëra mostra të ushqimit të ngrirë dhe shumë pak teste kanë dalë pozitive. Edhe nëse virusi transmetohet përmes ushqimit, që nuk ka ende prova për ta konfirmuar, ai mund të vritet para se njerëzit ta hanë atë, deklaron Organizata Botërore e Shëndetit. “Nëse virusi është në të vërtetë tek ushqimi dhe ne nuk e dimë si është futur ky virus, ndërsa dikush ka konsumuar një produkt ushqimor, viruset mund të vriten kur mishi zihet, apo çdo lloj ushqimi tjetër që përgatitet. Njerëzit tashmë janë mjaft të frikësuar nga pandemia. Është e rëndësishme që ne të gjurmojmë zbulimet si këto dhe është e rëndësishme që të mos i fshehim provat kur t’i zbulojmë. Po ashtu është e rëndësishme që njerëzit ta vazhdojnë jetën pa frikë.”- u shpreh Dr.Ryan

  • 8:17

    Studimi i ri britanik: Arsyet pse disa njerëz sëmuren më rëndë nga COVID-19, ndërsa të tjerët jo

    Foto ilustruese

    Pandemia e koronavirusit po shkakton në mbarë botën një situatë aspak të qetë pasi ditë pas dite po shënohen raste të shumta të të infektuarëve me Covid-19 dhe numri i viktimave është ende i lartë. Ndërkohë në të njëjtën kohë po punojnë edhe shumë grupe të ekspertëve të shëndetësisë dhe shkencëtarëve për krijimin e një vaksine kundër virusit vdekjeprurës. Por sëfundmi disa studiues të universitetit britanik të Stanford kanë deklaruar se kanë zbuluar arsyen, pse disa pacientë sëmuren më rëndë nga infeksioni i COVID-19 e disa të tjerë e kalojnë më lehtë. Studimi i publikuar në revistën shkencore “Science” thuhet se devijimet imunologjike dhe mangësitë brenda një mostre bëjnë dallimin mes rasteve të rënda dhe atyre më të buta të koronavirusit të ri. Sipas studimit thuhet se dallimi ka të bëjë kryesisht me sistemin e lindur imunitar evolucionar të pacientit, i cili është përgjegjës për pikasjen dhe eliminimin e viruseve apo patogjenëve të dëmshëm dhe rrjedhimisht reagimin ndaj infeksionit COVID-19. Zbulimet tregojnë sesi sistemi imunitar keqfunksionon gjatë infeksionit të koronavirusit dhe kjo shkakton gjendje të rëndë të sëmundjes.”- ka thënë autori i studimit Bali Pulendran, profesor patologjie e mikrobiologjie në Stanford. Mësohet se për realizimin e këtij studimi janë kryer ekzaminimet e reagimeve imunitare të 76 njerëzve të infektuar me koronavirus dhe 69 individëve të shëndetshëm. “Rastet e rënda të sëmundjes COVID-19 pacientët zotëronin nivele të larta molekulash që nxisin inflamacionet. Tre nga këto molekula janë lidhur me sëmundjet inflamatore të mushkërive, por sipas studimit nuk ishin dokumentuar më parë në infeksionin e COVID-19.”- thanë studiuesit.

Shto Koment