Sport

Bologna përmbys Interin, Lautaro shpërdoron nga pika e bardhë

Skuadra e trajnerit Conte pati një mundësi për të shkuar një pikë larg vendit të dytë (Lazio), por e shpërdoroi atë. Kjo ishte një humbje me përmbysje për zikaltrit
Featured image of article: Bologna përmbys Interin, Lautaro shpërdoron nga pika e bardhë Lautaro Martinez

Askush nuk e priste të ndodhte kështu, por ndodhi. Interi sot humbi 2-1 përballë Bologna në shtëpi në javën e 30-të të Serie A.

Skuadra e trajnerit Conte pati një mundësi për të shkuar një pikë larg vendit të dytë (Lazio), por e shpërdoroi atë. Kjo ishte një humbje me përmbysje për zikaltrit.

Lukaku shënoi golin e parë të takimit në minutën e 22-të. Kështu u mbyll dhe pjesa e parë. Interi luajti me një lojtar më shumë nga minuta e 57-të, pas kartonit të kuq që mori Soriano. Rasti ideal për të mbyllur takimin ishte në të 62′, kur Lautaro provoi një penallti. Sulmuesi argjentinas e humbi atë dhe kjo u pasua nga disfata e Interit.

Për më shumë bëhu pjesë e grupit më viral në Facebook, Dosja.al

Bologna barazoi në të 64′ me Juwara dhe 16 minuta më pas, pas disa sulmesh drejt portës zikaltër, realizoi përmbysjen me Barrow. Në minutën e 80-të, Bastoni ishte lojtari tjetër i larguar nga fusha (mori dy kartonë të verdhë).

Skuadra e ish-trajnerit të Milanit, Mihajlovic, e sheh veten në vendin e 9-të pas kësaj fitoreje, vetëm pesë pikë larg zonës europiane.

M.P. / Dosja.al

Shto Koment