Aktualitet

Bojkoti/ Pas kërkesës drejtuar MASR, studentët e Juridikut nisin nesër mësimin në godinë tjetër

Ditën e djeshme dekani i Fakultetit të Drejtësisë, Artan Hoxha i drejtoi një kërkesë Ministrisë së Arsimit ku kërkohej që të merreshin masat që studentët të nisin mësimin edhe në një godinë të marrë me qira.
Featured image of article: Bojkoti/ Pas kërkesës drejtuar MASR, studentët e Juridikut nisin nesër mësimin në godinë tjetër
Përditësuar:

TIRANE– Pas një ndërprerje që ka zgjatur gati 2 muaj, studentët e Fakultetit të Drejtësisë pritet t’i rikthehen nesër mësimit. Ky vendim është marrë nga Ministria e Arsimit, pas kërkesës që dekani i Fakultetit të Drejtësisë, Artan Hoxha i drejtoi dje këtij institucioni. (Lexo këtu)

Hoxha ka thënë sot se pritet një përgjigje tjetër nnga MASR lidhur me gjimnazin ku pritet të zhvendosen studentët. “Nuk e dimë se në cilin gjimnaz do të zhvendosemi, ende po presim një përgjigje nga ministria e Arsimit,”- tha Hoxha.

Studentët e Fakultetit të Drejtësisë po kërkojnë prej 3 javësh të rikthehen në mësim. Por përballë tyre është një tjetër grup studentësh që vijon bojkotin. Grupi i studentëve bojkotues ka bllokuar të gjitha hyrjet për në auditore duke nxjerrë banka dhe karrige.

Për më shumë bëhu pjesë e grupit më viral në Facebook, Dosja.al

Ngujimi i studentëve në fakultete vjen 3 javë pasi mbylljes së protestës së  studentëve, një lëvizje studentore e zhvilluar përgjatë gjithë muajit dhjetor, që u finalizua me ndryshimin e gjysmës së kabinetit qeveritar Rama 2 dhe me publikimin e Paktit të Universitetit.

Pakti për Universitetin është një paketë e hartuar nga qeveria që synon t’ju japë zgjidhje problemeve të arsimit të lartë në Shqipëri. Nga ana tjetër, pedagogët kundërshtojnë Paktin dhe kërkojnë shfuqizimin e Ligjit për Arsimi e Lartë, i miratuar në 2016.

Shto Koment