Politike

Bllokimi në kufij i shqiptarëve/ Cakaj sqaron qytetarët: Kemi diskutuar me autoritetet greke, kur të keni probleme me ambasadat, shkruani në adresën e ministrisë

Cakaj është shprehur se për këtë çështje, së bashku me Ramën kanë diskutuar me autoritetet greke.
Featured image of article: Bllokimi në kufij i shqiptarëve/ Cakaj sqaron qytetarët: Kemi diskutuar me autoritetet greke, kur të keni probleme me ambasadat, shkruani në adresën e ministrisë Gent Cakaj dhe foto ilustruse

Tiranë- Ministri në detyrë për Europën dhe Punët e Jashtme, Gent Cakaj në emisionin  “Real Story”, në News24, ka deklaruar se bashkë me kryeministrin Edi Rama kanë diskutuar me autoritetet greke për çështjen e bllokimit të shqiptarëve në kufi. Cakaj thekson se ky problem nuk është zgjidhur, por rastet do të trajtohen një nga një.

” Ne kemi marrë një varg masash për t’u ballafaquar me këtë situatë. Ambasadat tona kanë zgjidhur shumë halle të njerëzve tanë jashtë. Unë i kuptoj të gjithë shqiptarët që janë të mërzitur me ne. Ju bëj thirrje se Ministria e Jashtme ka ngritur ekipin e emergjencave për t’iu përgjigjur të gjithëve. Në momentin kur kanë probleme me ambasadat, kanë adresën e ministrisë. Listat nuk kanë vend për të gjithë, por kjo nuk do të thotë që nuk e kemi vëmendjen te të gjithë. Tjetër element është bashkëpunimi me vendet e tjera që të mos ketë penalitete për shqiptarët që iu kalon afati i kthimit. E vërteta është se ne jemi në një situatë pothuajse lufte, në një gjendje të jashtëzakonshme. Nuk po themi që ka hapësirë për të qenë të lumtur të gjithë qytetarët, por po shfyrtëzojmë të gjitha hapësirat për të zgjidhur problemet. Kemi bërë një punë të jashtëzakonshme. Sot unë dhe kryeministri kemi qenë në komunikim të vazhdueshëm me kolegët grekë dhe e kemi diskutuar edhe këtë problem. Nuk them që ky problem është zgjidhur njëherë e përgjithmonë, por ne do i trajtojmë problemet e tyre një nga një. Ne jemi duke punuar intensivisht me të gjitha vendet, deri tani kemi arritur suksese të jashtëzakonshme.“, u shpreh Cakaj.

Për më shumë bëhu pjesë e grupit më viral në Facebook, Dosja.al

 

Një ditë më parë, rreth 300 shqiptarë u bllokuan në zonën neutrale mes kufirit grek e atij shqiptar në doganën e Kakavijës, pasi nuk u lejuan nga autoritetet që të hynin në vendin e tyre. Deri më tani e vetmja përgjigje që kanë marrë, ka qënë një e-mail nga ambasada shqiptare në Athinë, e cila u ka sqaruar se nga dita e djeshme nuk kthehen dot më në atdhe.

J.V/Dosja.al 

Shto Koment