DiasporaRajoni

Bilanci në Kosovë/ Ulet ndjeshëm numri i të infektuarve, shënohen 101 raste dhe 4 viktima

Gjatë kësaj kohe janë regjistruar edhe 101 raste të reja të infektuara me këtë virus.
Featured image of article: Bilanci në Kosovë/ Ulet ndjeshëm numri i të infektuarve, shënohen 101 raste dhe 4 viktima Covid ne Kosove

KOSOVË– Në 24 orët e fundit në Kosovë janë raportuar edhe 4 viktima si pasojë e virusit COVID-19.

Gjatë kësaj kohe janë regjistruar edhe 101 raste të reja të infektuara me këtë virus.

Një gjë e tillë është bërë e ditur nga Instituti Kombëtar i Shëndetit Publik.

Njoftimi i IKSHPK-së:

421 TË SHËRUAR DHE 101 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 2.052 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 101 raste pozitive.

Për më shumë bëhu pjesë e grupit më viral në Facebook, Dosja.al

Brenda 24 orëve janë raportuar 4 raste të vdekjes me SARS CoV-2 pozitiv.

Rastet e vdekjes janë nga komunat: Gjilan 1 rast (82 vjeç), Prizren 1 rast (63 vjeç), Suharekë 1 rast (59 vjeç), Vushtrri 1 rast (78 vjeç).

Numri total i rasteve pozitive është 105.636 raste nga 541.762 persona të dyshimtë në virusin SARS-CoV-2 dhe 2.187 raste të vdekjes.

Gjatë 24 orëve të fundit, janë shëruar 421 pacientë derisa numri i përgjithshëm i të shëruarve deri më sot është gjithsej 95.466 raste, kurse numri i rasteve aktive është 7.983.

Rastet pozitive janë nga komunat: Prishtinë 33 raste, Gjilan 9 raste, Prizren 9 raste, Gjakovë 8 raste, Ferizaj 6 raste, Mitrovicë 6 raste, Fushë-Kosovë 5 raste, Obiliq 5 raste, Pejë 5 raste, Deçan 4 raste, Podujevë 4 raste, Lipjan 3 raste, Rahovec 2 raste dhe me nga një rast komunat Kaçanik dhe Vushtrri.

(d.a/dosja.al)

Shto Koment