Sport

‘Air Albania’ fut në sherr Dukën me Braçen/ Presidenti: Paguaj lekët t’i vemë emrin tënd. I sulet zv.kryeministri: Ke paranë kult, se meriton Qemal Stafën!

Presidenti i Federatës Shqiptare të Futbollit, Armand Duka iu është përgjigjur akuzave që kanë ardhur në drejtim të tij, dhe vendosi të tallej me Braçen kur tha se nëse do të paguante ai, stadiumi mund të mbante edhe emrin e tij. Braçe nuk e lë pa përgjigje. Zv.kryeministri: Paraja për Dukën, heroina e kombit.
Featured image of article: ‘Air Albania’ fut në sherr Dukën me Braçen/ Presidenti: Paguaj lekët t’i vemë emrin tënd. I sulet zv.kryeministri: Ke paranë kult, se meriton Qemal Stafën! Armando Duka, Air Albania dhe Erion Braçe
Përditësuar:

TIRANE-  “Air Albania Stadium” është tema e momentit për të cilin po flasin  të gjithë sportdashësit por edhe shqiptarët. Tifozët e futbollit, por edhe dashamirësit e historisë, kundërshtojnë faktin që stadiumi të mos mbajë më emrin e Heroit “Qemal Stafa”, por emrin e një kompanie fluturimi private. 

Tema ka sjellë një përplasje edhe mes presidentit të FSHF-së, Armando Duka dhe zv.kryeministrit Erion Braçe. 

Presidenti i Federatës Shqiptare të Futbollit, Armand Duka iu është përgjigjur akuzave që kanë ardhur në drejtim të tij, dhe vendosi të tallej me Braçen kur tha se nëse do të paguante ai, stadiumi mund të mbante edhe emrin e tij.

“Nëse do flisja me mendimin e karriges do flisja ndryshe. Komercializimi është gjëja më optimale e mundshme. Nuk dua të bëjë replikë me asnjë. Në kushtet që jemi, ky stadium është ndërtuar me donacion nga UEFA. Financimi i UEFË-s është 10 milionë euro + TVSH që qeveria na ka mbajtur padrejtësisht. Është një hall më i madh për ta mirëmbajtur në të njëjtën gjendje. Është e pamundur nëse nuk komercializojmë gjërat e mundshme. Është një model që e ndjek e gjithë Europa. Edhe unë mund ta doja që të ishte një emër sportisti, por jemi të detyruar se kemi nevojë për burime financiare. Nëse zv.kryeministri flet nga karrigia, mund të hedhë ato lek dhe ne i vejmë emrin e tij”, është shprehur Armando Duka.

Por siç edhe pritej, Braçe nuk e ka lënë pa përgjigjie. Në një reagim në Instagram, zv.kryeministri e nisi ditën me një shembull britanik, sesi anglezët ata që shpikën futbollin, i nderuan heronjtë e tyre me nga një emër stadiumi për secilin. Më tej, ai thotë se Duka nuk ka si të njohë heroin Qemal Stafa, pasi ai ka “paranë” heroinën e kombit, dhe njeh vetëm kultin e parave. 

Reagimi i plotë i Erion Braçes:

HERONJTE JANE TE KOMBIT!
TREGTARET NUK KANE
PER TA KUPTUAR KURRE KETE! 
KETA JANE ANGLEZET,
ATA QE SHPIKEN FUTBOLLIN!
SHIHNI SI I NDERUAN ATA
HERONJTE E TYRE, DJE,
NE CDO STADIUM FUTBOLLI,
NE TE GJITHE ANGLINE! 
Po e nis diten me nje leksion britanik,
i neveritur pa fund nga darka e djeshme, ku ne nje emision futbolli,
injoraca epike shkelqeu edhe nje here
si perhere!

Për më shumë bëhu pjesë e grupit më viral në Facebook, Dosja.al

Arroganca e privates qe po mund kombin, mund te tregetoje gjithcka,
por minimalisht duhet ta qepe gojen;
Te mos ngreje ne qiell kultin e parase,
si vlere te re te kombit,
Te mos fyeje ne emer te kultit te parase, heronjte e kombit!

Eshte e tepert qe une te pres nga Presidenti i FSHF te dije se
kush eshte Qemal Stafa;
Jam i bindur qe ai e di thjeshte stadium!
Stadiumin e vjeter qe e ka zevendesuar me stadiumin e ri, te cilit, Ai,
Presidenti i gjithepushtetshem i ve dhe emrin tim nese une i paguaj parate,
650 mije euro!!!! E kuptoni se cila eshte mendesia e ketij Presidenti dhe haurit qe ai drejton?! Mos kerkoni vlera tek keta,
as morale, as kombetare, as sportive,
zero, zero, zero,
e tregon futbolli i ketyre;
Paraja per ta eshte
heroina e re e kombit!
Ke para, e meriton stadiumin,
ke para, e meriton edhe emrin ne stadiumin KOOOOMBEEEEETAAAAAR!

Po ngjitem ne fillim edhe nje here;
Imagjinoni te drejtonin keta ne Angli!
Ca eshte kjo mo lla,
ca ceremonie dun kta para neshjes?
Na duhet ai minuti per reklama mo lla, leke leke, ca guerrilsi e guerilsash dun keta te nerojme ne-do keshillonte gazetari i tij i paditur;
Ca eshte kjo President,
c’eshte ky emer Qemal Stafa qe kerkojne keta?;
Pse Anglia, Franca, Gjermania, Italia, Austria, Spanja jemi ne;
Leke leke, duam leke se ata kane leke,
ne nuk kemi leke-do keshillonte drejtori i tij i kultivuar e i fishkur. 
Ky eshte sistemi i vlerave qe kane,
asgje me shume se kaq;
E kane te tyren, Federaten, Kombetaren,
pastaj Stadiumin, Garen, Arbitrin, Topin,
madje dhe fituesin, kupen,
madje madje edhe rezultatin,
magjistare-doni tu bejne fitues, ju bejne,
doni humbes, ju bejne prape!
E dini perse?
Per para, para, para!
Si ato 8 milion eurot per te bere zyra!

Keni te drejte;
Clidhje keni ju me Qemal Stafen?!
Ju nuk e meritoni Qemal Stafen!!

Që prej të shtunës një valë debati ka nisur në rrjetet sociale, që ka kulmuar me përplasjen Braçe-Duka. Stadiumi i ri, i cili është ndërtuar mbi atë të vjetrin që mbante emrin “Qemal Stafa”, do të quhet “Air Albania Stadium”, dhe kompania fluturuese do të paguajë 650 mijë euro në vit për të mbajtur emrin në stadium. Dashamirësit e historisë kundërshtojnë këtë fakt duke sjellë rastet paralele të stadiumeve në Evropë, të cilat sipas tyre nuk i janë dhënë privatit e drejta për të vënë emrin e një kompanie. Ndërkohë që FSHF e argumenton si një domosdoshmëri financiare. Stadiumi kaloi dje testin final, para atij të 17 nëntorit ku UEFA do të jetë prezente në ndeshjen Shqipëri-Francë. Stadiumi kushtoi në total 75 milionë euro dhe ka 22 mijë vende.

(F.g/dosja.al)

Një Koment në “‘Air Albania’ fut në sherr Dukën me Braçen/ Presidenti: Paguaj lekët t’i vemë emrin tënd. I sulet zv.kryeministri: Ke paranë kult, se meriton Qemal Stafën!

  1. Ugjeti si nje fshat qe donin ti nderronin emrin,qe e quanin morras. Dhe u negrit nje me I zgjuar I fshatit dhe imblodhi ti gjith burrat e fshatit dhe u tha .Nesr esht dit e re dhe qe nga neser do te mblidhemi nga fillimi I fshatit deri ne fund dhe ashtu ben dhe kur vnjten ne fund te fshatit harrigan perse u mblodhe. Dhe po shikonin njrin tjetrin, ungrit njeri prej tyre dhe tha #####) hngrem pim sa u dhjem morras is him morras mbetem

Shto Koment