Bota

Bilanc i zi në Brazil/ Regjistrohen 541 viktima dhe mbi 25 mijë raste të reja brenda 24 orëve të fundit

Bilanci i viktimave në Brazil ka shkuar në 94.104 që prej fillimit të shpërthimit të pandemisë. 
Featured image of article: Bilanc i zi në Brazil/ Regjistrohen 541 viktima dhe mbi 25 mijë raste të reja brenda 24 orëve të fundit Foto ilustruese

BRAZIL-Brazili është një ndër vendet më të goditura nga koronavirusi deri më tani, ku ditë pas dite po rriten ndjeshëm shifrat e të vdekurëve dhe të sëmurëve.

Në 24 orët e fundit sipas mediat të huaja mësohet se në të gjithë territorin e Brazilit kanë vdekur si shkak i pandemisë të paktën  541 persona dhe janë infektuar  25.800 persona të tjerë duke e çuar në 2.733.677 numrin e përgjithshëm të të sëmurëve me COVID-19 në vend.

Ndërsa bilanci i viktimave në Brazil ka shkuar në 94.104 që prej fillimit të shpërthimit të pandemisë.

Mësohet se rajoni Sao Paulo me një popullsi prej rreth 46 milionë banorësh, është rajoni më i prekur në vend nga pandemia me 558.685 raste dhe 23.317 vdekje nga COVID-19.

Për më shumë bëhu pjesë e grupit më viral në Facebook, Dosja.al

Lajmi i mirë është se numri i personave të shëruar nga virusi ka arritur në 1.883.677.

Një vend me popullsi prej 211 milionë banorësh, Brazili cilësohet si “epiqendra e pandemisë” në Amerikën Latine.

Burimi: TheGuardian 

A.C/Dosja..al

Shto Koment