Aktualitet

Do vlerësojnë procesin zgjedhor 2021/ Betohen 8 anëtarët e Kolegjit Zgjedhor (EMRAT)

Betohen 8 anëtarët e Kolegjit Zgjedhor, të cilët janë Sokol Ibi, Manjola Xhaxho, Edlira Petri, Emona Muci, Asim Vokshi, Gentian Medja, Esmeralda Ceka dhe Alma Kolgjoka.
Featured image of article: Do vlerësojnë procesin zgjedhor 2021/ Betohen 8 anëtarët e Kolegjit Zgjedhor (EMRAT) Ceremonia e betimit të gjqytarëve pranë KLGJ

TIRANË- Ditën e sotme janë betuar 8 anëtarët e Kolegjit Zgjedhor, të cilët u përzgjodhën para dy ditësh. Mësohet se janë betuar: Sokol Ibi, Manjola Xhaxho, Edlira Petri, Emona Muci, Asim Vokshi, Gentian Medja, Esmeralda Ceka dhe Alma Kolgjoka.

Tetë gjyqtarët pritet të shqyrtojnë mosmarrëveshjet, të cilat mund të lindin mes palëve pas zgjedhjeve të 25 prillit të vitit 2021.

Cili është roli i Kolegjit Zgjedhor?

Të gjitha partitë që kanë ankesa dhe kundërshti për elementë të caktuar të procesit zgjedhor, depozitojnë një ankesë pranë Komisionit të Ankesave në KQZ. Kjo ankesë merret në shqyrtim nga KQZ, e cila shprehet me një vendim për të.

Për më shumë bëhu pjesë e grupit më viral në Facebook, Dosja.al

Nëse partia, ose individi që ka bërë ankimin, e sheh si të padrejtë vendimin e KQZ, atëherë ka të drejtë ta ankimojë atë në Kolegjin Zgjedhor.

Kolegji Zgjedhor është i vendosur në Gjykatën e Apelit, me një trupë të posaçme prej 8 anëtarësh, të cilët vendosin të shprehen për pretendimin e një pale, ose personi.

J.V/Dosja.al

Shto Koment