Showbiz

Besa Kokëdhima largohet, në “Këngën Magjike” vjen këngëtarja italiane Anna Oxa

Këngëtarja italiane,Anna Oxa, e ka parë të arsyeshme t’i  bashkohet kesaj nisme me artistët shqiptarë, duke ardhur natën e parë në Tiranë, të blejë një biletë dhe do të jetë e pranishme në sallë.
Featured image of article: Besa Kokëdhima largohet, në “Këngën Magjike” vjen këngëtarja italiane Anna Oxa Besa Kokedhima dhe Anna Oxa

TIRANË- Këtë fundjavë  duke  marrë shkas edhe nga ngjarja tragjike e 26 nëntorit, shumë programe televizive paralajmëruan se nuk do jenë  në transmentim duke i lënë vend  lajmit të fundit, apo paneleve ku flitej për tërmetin tragjik që u mori jetën 51 njerëzve dhe plagosi 900 të tjerë.

Në emisionin e fundjavës  ‘E diela Shqiptare’ në Tv  Klan, moderatori  i njohur  Ardit Gjebrea  ia dedikoi të gjithë orarin rastit  fatkeq që preku banorët e Durrësit, Thumanës dhe Lezhës.

Marrë shkas edhe nga largimi i Besa Kokëdhimës nga Kënga Magjike, për shkak se  nuk e ndihej  më mirë të këndonte pas këtij rasti tragjik që  preku vendin tonë, Arditi  ka  treguar se ka  qenë  bashkëshortja e tij Anila, ajo e cila e ka inspiruar për të marrë një vendim për  të çuar para nisëm nën hashtagun #këndojpërtëndërtuar.

Sëbashku me Gjebrean nuk janë bashkuar vetëm artistët shqiptarë, por edhe ato  të huaj.

Përmes një telefonate këngëtarja e madhe e muzikës italiane Anna Oxa ka biseduar me Gjebrea, ku përveçse kanë  folur  për situatën aktuale në vendin tonë, Gjebrea i ka treguar këngëtares se këtë vit ‘Kënga Magjike’ nuk do të jetë një konkurs për këngën  më të mirë  por një mbështetje e të gjithë këngëtarëve  për të ndërtuar shtëpitë e humbura.

E në këtë çast këngëtarja italiane, Oxa, e ka parë të arsyeshme t’i  bashkohet kesaj nisme me artistët shqiptarë, duke ardhur natën e parë në Tiranë, të blejë një biletë dhe do të jetë e pranishme në sallë.

A.C/Dosja.al

Shto Koment