Politike

“Belinda Balluku është për burg”, Gazment Bardhi: Zyrat e Kadastrës janë vënë në dispozicion të shtabit elektoral të saj, blenë vota me legalizimet

VIDEO
Në biseda flitet për legalizime banesash që sipas Bardhit janë bërë një muaj para zgjedhjeve të 25 prillit, në këmbim të votës.
Featured image of article: “Belinda Balluku është për burg”, Gazment Bardhi: Zyrat e Kadastrës janë vënë në dispozicion të shtabit elektoral të saj, blenë vota me legalizimet

TIRANË– Sekretari i Përgjithshëm i Partisë Demokratike Gazment Bardhi ka denoncuar sërish minister Belinda Balluku. Në një video të publikuar nga vetë Bardhi shihetn biseda të shkëmbyera në Whatsapp mes disa numrave tëlefoni që sipas PD-së janë stafi i ministers Balluku.

Në biseda flitet për legalizime banesash që sipas Bardhit janë bërë një muaj para zgjedhjeve të 25 prillit, në këmbim të votës.

Belinda Balluku mund të mashtrojë për 1 ditë, por nuk e mashtron dot SPAK, që ka në dorë provat e blerjes së votave përmes legalizimeve. Një drejtësi pa ndikim nga qeveria duhet ta çojë Belinda Ballukun pas hekurave të burgut.

Faktet janë kokëforta:

Shtabi elektoral i Belinda Ballukut, me në krye drejtuesen e shtabit, Laureta Omeri mbledhin të dhënat e banorëve të zonës elektorale të Belinda Balkukut për të kryer legalizimin para zgjedhjeve. Ky është përdorim i  burimeve shtetërore për qëllime partiale dhe elektorale dhe ndëshkohet me burg.

Për më shumë bëhu pjesë e grupit më viral në Facebook, Dosja.al

Zyrat e Kadastrës janë vënë në dispozicion të shtabit elektoral të Belinda Ballukut për të bërë legalizime në masë deri të premten para zgjedhjeve.

Belinda Balluku nuk u shërben qytetarëve, por blen vota me legalizimet në kundërshtim me ligjin. Në 24 prill grupi i krijuar për legalizimet në Kombinat u shpërbë pa patur më interes për gjoja shërbimin ndaj qytetarëve. Ky i Belinda Ballukut është një krim elektoral, që ka deformuar vullnetin e qytetarëve. Votat e blera edhe me mënyra të tjera nuk do ta shpëtojnë Belinda Balkukun nga drejtësia!”– shkruan Bardhi.

Edhe mëngjesin e sotëm, Sekretari i Përgjithshëm i Partisë Demokratike, Gazment Bardhi ka denoncuar të njëjtën mënyrë për blerjen e votave gjatë fushatës elektorale të zgjedhjeve parlamentare të 25 prillit. Me foto dhe video, Bardhi ka prezantuar detaje nga grupi i “WhatsApp”, ku pjesë është edhe këshilltarja ministres Belinda Balluku, Laureta Omeri. Sipas Bardhit, vota për zgjedhjet jepet në këmbim të legalizimit të banesave.

(f.m/Dosja.al)

Shto Koment