Aktualitet

Belgjika i refuzon kërkesën për azil, Babalja do ekstradohet drejt Shqipërisë

Autoritetet belge nuk kanë pranuar kërkesën për azil të Veliut dhe së shpejti do të nisin procedurat e ekstradimit.
Featured image of article: Belgjika i refuzon kërkesën për azil, Babalja do ekstradohet drejt Shqipërisë Albert Veliu

BELGJIKË– Albert Veliu, ose i njohur si Babalja, pritet që të ekstradohet nga Belgjika. Mësohet se kërkesa për azil e Veliut nuk është pranuar nga autoritete belge dhe së shpejti do të nisin procedurat e ekstradimit.

Lajmi është dhënë nga prokurori i çështjes, i cili kërkoi nga Gjykata të merrte informacion në rrugë zyrtare për këto procedura, duke bërë që procesi të shtyhet për në një datë tjetër.

Albert Veliu, u largua nga vendi pak kohë pas publikimit të audio përgjimit, kur PD pretendoi se Veliu fliste me vëllain e ish-ministrit të Brendshëm, Fatmir Xhafës, Geron Xhafën, për një rast të trafikut të drogës.

Çështja e Babales vijon të gjykohet në Gjykatën e Tiranës.

Çfarë është dosja “Babale”? 

Pranverën e 2018-ës, PD botoi 2 audioregjistrime, përmes së cilave supozonte se vëllai i ministrit të Brendshëm aso kohe, Fatmir Xhafaj, Agroni ishte i përfshirë në trafikimin e lëndëve narkotike. E tërë çështja u emërua “Babalja”, pasi dëshmitari X i Partisë Demokratike, i cili ishte i përfshirë në audioregjistrime, thirrej në to me pseudonimin Babale.

Krimet e Rënda lëshuan urdhër-arreste për protagonistët e audiopërgjimit, Albert Veliu, i njohur ndryshe me nofkën “Babalja” dhe kunatin e tij, Fredi Alizoti. Nga ekspertiza që i është bërë kampionit të zërit, ai që dëgjohet në audio është i Agron Xhafajt, por i Alizotit, i cili pranonte se kishte imituar zërin e vëllait të ministrit, pasi iu ishin premtuar 200 mijë euro nga deputeti me mbiemrin Salianji.

Ai u shpreh se kishte vendosur të tregonte të vërtetën pasi “Babalja” nuk i kishte dhënë pjesën e parave që i detyrohej.  Në datë 6 mars të këtij viti prokuroria mori të pandehur ish-deputetin e Partisë Demokratike Ervin Salianji për dosjen ‘Babale’.

Salianji është marrë i pandehur, pasi rezultoi si personi që kontaktoi me Albert Veliun dhe nëpërmjet gazetarit Jetmir Olldashi publikuan në selinë e PD audio-përgjimin e rremë. Ndërkohë, vëllai i ish-ministrit të Brendshëm Fatmir Xhafa, Agron Xhafa la kampionin audio të zërit të tij në prokurori dhe u largua për t’u dorëzuar drejtësisë në Itali ku kishte për të vuajtur edhe 4 vite burg.

(a.m/dosja.al)

Shto Koment