BotaKuriozitete

BEFASOHEN mjekët: Fëmijët në Australi zhvillojnë antitrupa Covid-19 pa qenë asnjëherë pozitiv, si u zbulua 

Në një studim të botuar të martën në revistën mjekësore ‘Nature Communications’, studiuesit sollën si shembull një familje me pesë anëtarë, në të cilën të dy prindërit u prekën nga Covid-19 pasi morën pjesë në një martesë pa fëmijët e tyre në muajin mars.
Featured image of article: BEFASOHEN mjekët: Fëmijët në Australi zhvillojnë antitrupa Covid-19 pa qenë asnjëherë pozitiv, si u zbulua  Foto Ilustruese

AUSTRALI– Fëmijët australianë zhvillojnë antitrupa COVID-19 pa u testuar ndonjëherë pozitivisht për virusin.

Të gjithë e dimë se kur një virus sulmon një trup, trupi prodhon antitrupa për të luftuar virusin, i cili na mbron nga patogjenët jo një herë, por gjatë gjithë jetës. E njëjta gjë do të ndodhte në rastin e njerëzve që testojnë për COVID-19 dhe më vonë shërohen.  Por një rast të veçantë dhe krejt i pabesueshëm ka ndodhur tek fëmijët australianë.

Në një studim të botuar të martën në revistën mjekësore ‘Nature Communications’, studiuesit sollën si shembull një familje me pesë anëtarë, në të cilën të dy prindërit u prekën nga Covid-19 pasi morën pjesë në një martesë pa fëmijët e tyre në muajin mars. E gjithë familja u testua me koronavirus, ku pozitiv dolën prindërit por fëmijët edhe pse kishin pasur afrimitet të vazhdueshëm me ta dolën negativ.

Sipas mediave të huaja, fëmijët  të moshës gjashtë, shtatë dhe nëntë morën testin COVID-19 dhe rezultatet ishin negative.

Për më shumë bëhu pjesë e grupit më viral në Facebook, Dosja.al

“Është mahnitëse sepse fëmijët kishin kaluar një javë e gjysmë me ne, ndërsa ishim pozitivë me Covid.” – tha nëna Leila Sawenko.

Të dy djemtë, nëntë dhe shtatë vjeç, filluan të shfaqnin simptoma të lehta si rrufë dhe e gjithë familja u testua përsëri. Edhe një herë, testet e fëmijëve përsëri dolën negativë.

Fëmija më i vogël, një vajzë pesë-vjeçare, mbeti tërësisht asimptomatike gjatë gjithë ngjarjes, pavarësisht nga kontakti i vazhdueshëm i ngushtë me prindërit, përfshirë gjumin në të njëjtin shtrat.

(A.k.dosja.al)

Shto Koment