Bota

BE-ja mund të vendosë sanksione ndaj Turqisë në Samitin e dhjetorit/ Charles Michel: Loja e “maces me miun” duhet të marrë fund

Kreu i Këshillit Evropian Charles Michel. Charles ka paralajmëruar se në samitin e 10 dhjetorit, krerët e shteteve evropiane do të diskutojnë paketën e sanksioneve dhe kështu sipas tij loja e "maces dhe miut", duhet të marrë fund. 
Featured image of article: BE-ja mund të vendosë sanksione ndaj Turqisë në Samitin e dhjetorit/ Charles Michel: Loja e “maces me miun” duhet të marrë fund Charles Michel

BRUKSEL-Bashkimi Evropian mund të vendosë brenda pak ditësh, sanksione ndaj Turqisë. Sipas mediave të huaja, këtë e deklaruar kreu i Këshillit Evropian Charles Michel. Charles ka paralajmëruar se në samitin e 10 dhjetorit, krerët e shteteve evropiane do të diskutojnë paketën e sanksioneve dhe kështu sipas tij loja e “maces dhe miut”, duhet të marrë fund.

“Vlerësimi për përparimin e bërë për kërkesat e tetorit nuk është pozitiv. Loja e “maces me miun” duhet të marrë fund. Javën tjetër do të mblidhemi me krerët e 27 shteteve anëtare për të diskutuar hapat e radhës. Turqia duhet të ndalojë provokimet e saj, retorikën e saj armiqësore,“-ka thënë ai.

Për më shumë bëhu pjesë e grupit më viral në Facebook, Dosja.al

Bashkimi Evropian i ka bërë thirrje Turqisë të hedhë të gjitha hapat e nevojshëm për zgjidhjen e mosmarrëveshjeve për ujërat e diskutueshme territoriale me Greqinë, që rrezikojnë të përfshijnë dy anëtarët e NATO-s në një konflikt të armatosur të paprecedentë. Por, Turqia ka vazhduar me provokimet duke dërguar anijen e saj Oruç Reis për kërkime. Vendimi për kthmin e anijes në port është marrë 4 ditë më parë.

(k.a/dosja.al)

Shto Koment