Virale

BATUTA/ “Në Vlorë do dalin të shajnë virusin nga motra”, Rama: Ju jap mbështetjen time si deputet i juaji, bëjeni nga ballkoni, mos guxoni të dilni nga shtëpia

Kryeministri shprehu keqardhjen që s'mund t'ju bashkohej vlonjatëve në atë që ai e quajti "ritual luftarak", por shtoi se ata nuk duhet të dalin nga shtëpia, por ta shajnë virusin nga ballkoni. 

TIRANË- Nga shtëpia e tij në Surrel ku prezantoi ligjin e Luftës që hyn në fuqi që nga ora 13:00 e kësaj të shtune, kryeministri Edi Rama bëri edhe disa batuta me ndjekësit e tij. Në fjalën live në Facebook, Rama komentoi barcaletën virale se në Vlorë, banorët do të dalin në orën 19:00 të shajnë virusin. Rama iu u ka nisur një mesazh si deputet i zonës bashkë me një kusht.  “Më shkruajnë nga Vlora se paskan vendosur të dalin sot në orën 7 në ballkon të shajnë virusin nga motra. Çudi në fakt si duruan ka gjatë që nuk u morën me motrën e kompetentit që po çmend botën.

Si do qoftë në pamundësi që tju bashkohem sot në këtë ritualin  e tyre luftarak iu jap të gjithë mbështetjen time si deputet i Vlorës me kusht që  nuk duhet që të dalin nga shtëpia ta bëjnë nga ballkoni.

Për më shumë bëhu pjesë e grupit më viral në Facebook, Dosja.al

Dhe kur as vlonjatët nuk mund ta bëjnë siç duhet atë ritualin e lashtë , ne të tjerët të gjithë duhet të  gjithë duhet të bëjmë ate ritualin e ri  ku të gjithë kemi hyrë dhe të lusim zotin e madh të shqiptarëve të na ndihmojë që t’u tregojmë vendin këtyre tradhtarëve të kësaj pakice të vogël që po na prish gjithë punën  dhe ti japin patjetër njeri-tjetrit gjithë ndihmën e nevojshëm si motra dhe vëllezër, rrugë tjetër nuk ka, kush kërkon rrugë tjetër le ti bjerë murit me kokë e të mos dalë nga shtëpia””– tha Rama.

Deklarata e kryeministrit u bë pas mbylljes së afatit zyrtar për lëvizjen e lejuar të qytetarëve që është ora 13:00. Kryeministri prezantoi ligjin e luftës, që ndalon lëvizjen duke ia kaluar ushtrisë të drejtën për të garantuar rendin dhe për të mos lëvizur qytetarët.

(F.g/dosja.al)

Shto Koment