Bota

Bashkëthemeluesi i ‘Apple’, Steve Wozniak: Gjeni një mënyrë dhe braktiseni përfundimisht Facebook-un

Bashkëthemeluesi i “Apple”, Steve Wozniak ka bërë një thirrje për të gjithë njerëzit që të heqin dorë njëherë e mirë nga Facebook, pasi me përdorimin e tij përhapen gjithmonë e më shumë problemet e privatësisë. Ai tha se nuk është i sugurt celulari i askujt në ditët e sotme.
Featured image of article: Bashkëthemeluesi i ‘Apple’, Steve Wozniak: Gjeni një mënyrë dhe braktiseni përfundimisht Facebook-un Steve Wozniak

Steve Wozniak, bashkëthemeluesi i “Apple”, ka bërë një reagim duke rekomanduar të gjithë përdoruesit e Facebook-ut që të heqin dorë nga ky rrjet pasi shqetësimet mbi privatësinë janë përhapur shumë.

68-vjeçari nuk ka më një adresë të tijën në Facebook, sepse e fshiu që pas skandalit të ‘Cambridge Analytica’ në vitin 2018.

Pyetjes nëse celularët tanë na përgjojnë, Wozniak u përgjigj: “Unë jam i shqetësuar për gjithçka. Unë nuk mendoj se ju mund ta ndaloni këtë gjë. Kush e di nëse telefoni im nuk po përgjohet tani”-shtoi ai.

Sipas bashkëthemeluesit të “Apple”  njerëzit nuk janë të mbrojtur, dhe shpjegon se bisedat që cdo njeri mund t’i mendojë sei shuëm private në celular, në fakt nuk janë të tilla.

“Ne e shohim çdo ditë tani me çdo shkelje të të dhënave, çdo shkelje të privatësisë, lajme të rreme pafund duke nxitur mllef ndaj njerëzve në kombe të ndryshme. Në rrjet ka vetëm mrekulli të rreme në këmbim të përfitimeve personale”-përfundoi Wozniak.

Marrë dhe përshtatur nga Makeit

A.C.Dosja.al

Shto Koment