Aktualitet

Bashkëshortja e Havzi Nelës thirrje SPAK për zbardhjen e vrasjes: Pa i parë kriminelët para drejtësisë nuk jam e qetë

Bashkëshortja e poetit të vrarë 32 vjet më parë, Havzi Nela, ka kërkuar nga SPAK që të hapë dosjet dhe të zbardhë krimin, Lavdije Nela shprehet, se nuk mund të jetojë e qetë, pa i parë personat që urdhëruan vrasjen e tij, të përgjigjen para drejtësisë.
Featured image of article: Bashkëshortja e Havzi Nelës thirrje SPAK për zbardhjen e vrasjes: Pa i parë kriminelët para drejtësisë nuk jam e qetë Lavdije Nela

KUKËS -Lavdije Nela, bashkëshortja e poetit Havzi Nela, i cili u var në litar nga regjimi komunist 32 vjet më parë, kërkon nga SPAK të zbardhë krimin. Në një deklaratë për mediat, ajo ka kërkuar çuarjen para drejtësisë, të personave që urdhëruan vrasjen e bashkëshortit të saj.

Ajo është shprehur, se poeti kërkoi vetëm të drejtat themelore të njeriut, prandaj u var në litar.

Unë kërkoj nga SPAK nëse është për të gjithë popullin të na japi drejtësi, duhet ti cojë para drejtësisë, të marrin dënimin e merituar. Se mka lan në rrugë të madhe, sot jetoj në rrugë të madhe, sot jetoj në vetmi pa burrë pa fëmi me lot në sy. Tan jetën në demokraci. E kërkoi poeti nuk e gëzoi, kërkoi lirinë në litar përfundoi, vetëm që kërkoi të drejtat themelore të njeriut. Se plaga ime është  e madhe nuk shërohet. Unë nuk e kam dinjitetin, nuk jetoj, se pa i pa kriminelët para drejtësisë nuk jam e qetë”, u shpreh ajo.

Për më shumë bëhu pjesë e grupit më viral në Facebook, Dosja.al

Poeti u shpall armik i pushteti komunist dhe pas shumë vitesh burgim, u vendos që ai të vritej.  Më 10 gusht 1988, ai u ekzekutua me varje në mes të qytetit të Kukësit. Pasi u ekspozua gjatë gjithë ditës më 10 gusht, 1988, në mesnatë terroristët komunistët e morën trupin e tij dhe e futën atë vertikalisht në një vrimë të krijuar nga heqja e një shtyllë druri. Ai ishte i privuar nga mundësia për tu shtrirë si të gjithë të vdekurit. Ai qëndroi në këmbët e tij për pesë vjet dhe dhjetë ditë, deri më 20 gusht 1993. Pas përpjekjeve të shumta nga qeveria demokratike e Shqipërisë, kjo ishte dita që u bë e mundur që të gjendej vendi, i mbuluar me gurë dhe shkurre pranë fshatit Kolsh, dy kilometra larg nga Kukësi. Me dekretin presidencial të Presidentit të Republikës së Shqipërisë, Sali Berisha, Havzi Nelës i është dhënë titulli “Dëshmor i Demokracisë.”

(g.sh./dosja.al)

Shto Koment