Politike

Basha viziton Shkodrën në ditën e fundit të fushatës! Pavarësisht shiut, qytetarët e presin me tollumbace dhe brohorima

VIDEO
  • Basha THIRRJE në Lezhë: Gjithë punonjësit e administratës mos kini frikë!
  • Basha u shpreh para qytetarëve se shiu i perëndisë paralajmëron bereqetin e fitores që e pret Shkodrën dhe Shqipërinë.
    Featured image of article: Basha viziton Shkodrën në ditën e fundit të fushatës! Pavarësisht shiut, qytetarët e presin me tollumbace dhe brohorima Lulzim Basha

    SHKODËR– Kryetari i Partisë Demokratike, Lulzim Basha ndodhet ditën e sotme në Shkodër. Pavarësisht motit të keq, ai është pritur nga qytetarët që kanë dalë në shesh me flamuj të PD-së dhe me çadra.

    Basha u shpreh para qytetarëve se shiu i perëndisë paralajmëron bereqetin e fitores që e pret Shkodrën dhe Shqipërinë.


    “Ky është shiu i perëndisë që paralajmëron bereqetin e fitores më të thellë që pret Shkodrën dhe Shqipërinë, ditën e diel me votën tuaj për numrin 9. Shkodra e qytetarisë, që mbarë kombit ia ka ngritur kokën edhe në ditët e veta më të zeza. Fitorja e së dielës do të fillojë nga Shkodra, do të nisë nga maja e Kelmendit e do zbresë deri në jug, e do jetë fitorja më e bukur, e çdo shkodrani e shkodraneje.

    Për më shumë bëhu pjesë e grupit më viral në Facebook, Dosja.al

    Tetë vite premtime të pambajtura, varfëri, shtypje, korrupsion e banda do marrin fund. Ju i keni prirë përherë ndryshimit, ju do i prini fitores. Qeveria e zgjedhjeve të 25 prillit do jetë e të gjithë shqiptarëve. Vetëm 12 orë na ndajnë nga heshtja elektorale, dy ditë e 12 orë na ndajnë nga fitorja. Siç nuk ndalet uji i Bunës, mos ndalni punën tuaj, duke votuar për ndryshimin, që do të vijë në Shkodër, në Vlorë, Korçë, në Durrës, Tiranë dhe gjithë Shqipërinë. Shkodra është prijëse e demokracisë dhe e fitores, ora po vjen që ta tregojë këtë gjë”, deklaroi Basha.

    (a.b)/dosja.al

    Shto Koment