Politike

Basha takohet me parodistët e Vlorës, deklaratata e tyre: Bujarin e duan se ka bërë për Vlorën! Bravo të qoftë, të uroj edhe për listat, ke qenë shumë i kujdesshëm

VIDEO
Në bisedën e tyre që patën me kryetarin Basha, ata ngritën problemet e ndryshme që e kanë zënë vendin, në çdo fushë të tij.
Featured image of article: Basha takohet me parodistët e Vlorës, deklaratata e tyre: Bujarin e duan se ka bërë për Vlorën! Bravo të qoftë, të uroj edhe për listat, ke qenë shumë i kujdesshëm Lulzim Basha

VLORË– Kryetari i Partisë Demokratike, Lulzim Basha gjatë qëndrimit në Vlorë ka zhvilluar një takim dhe me parodisët e njohur, Mane Lumani dhe Afrim Agalliu. Në bisedën e tyre që patën me kryetarin Basha, ata ngritën problemet e ndryshme që e kanë zënë vendin, në çdo fushë të tij.


Mane Lumani tregoi: “Ka 9 vjet vite që ka dalë në pension. Merr një pension minimal dhe nuk e kanë vlerësuar për një pension të veçantë me kontributin e tij që ka një jetë tërë. Dhe kjo është për të ardhur keq sepse Manja ka një kontribut të jashtëzakonshëm pavarësisht fatkeqësisë që ka për këtë që ka ndodhur para 15 vjetësh.”

Kurse Afrim Agalliu tha: “Një gjё tjetër, përveçse asaj kategorie njerëzish qё duhet tё shikohen me përparësi, duhet tё jenë edhe pensionistët. Sepse nuk ёshtё thjesht pensioni i Manes, flasim pёr njё kategori njerëzish tё cilët kanё dhёnё kontributin kanё dhёnё jetën, kanё dhёnё shpirtin e tyre. Pas ’93 – ’94 rriteshin nga një cikë, pensionistët gëzonin, por është rritur ama. Kështu që në këtë drejtim jam i bindur që edhe ti Mane.

Mua më ka bërë përshtypje një gjë tek ju, personalisht. Ajo që keni thënë që, nëse unë nuk realizoj ato që kam thënë në mandatin e parë, unë nuk kërkoj mandat të dytë. Asnjë nuk e ka bërë këtë. Je i vetmi që e bën, bravo të qoftë dhe të uroj edhe për listat, ke qenë shumë i kujdesshëm. Vlora për të përgjërohet, për çdo edhe pa bindje, pa bindje, të majtë, të djathtë Bujarin e duan se ka bërë për Vlorën. Dhe unë nipit tim i thashë: pse je futur në politikë? Për interes apo për kontribut? Për kontribut! – Vazhdo!- i thashë. Unë nuk jam marrë me politikë. Unë kam qenë dhe do të jem edhe kur ju të jeni kryeministër, oponencë e juaja.”

Në fjalën e tij Basha tha se 8 vitet e fundit janë një ngecje e Shqipërisë në të gjitha fushat e saj. Ai u zotua se qeveria e ardhme, si fillim do të punojë që të sjell normalitetin vendit dhe me vënien në zbatim të programeve të Partisë Demokratike do t’i vij në ndihmë çdo shtrese të shoqërisë.

Për më shumë bëhu pjesë e grupit më viral në Facebook, Dosja.al

FJALA E BASHËS:

Është e tmerrshme që ne nuk gjejmë, nuk kanë gjetur kohën se paratë janë dhe respektin për artistët. Paratë janë, por paratë i çojnë atje ku u do qejfi atyre, tek xhepat e tyre edhe xhepat e ortakëve të tyre. Unë ju jap fjalën që kjo do të jetë një nga gjërat e para që do të ndryshojë. Fillimisht do të kemi për artin dhe kulturën aktual dhe për artistët që i kanë dhënë jetën artit dhe kulturës të njëjtin trajtim që kanë artistët nё rajon. Nuk ka artist nё rajon qё tё jetë nёpёrkёmbur, përdhosur. Duke hequr duart nga drejtësia, duke bёrё reformon nё drejtësi dhe jo reformë fallco, duke mundësuar gjyqtarëve dhe prokurove jo vetёm t’i mbrojnë, por t’i çojnë para drejtësisë politikanët e korruptuar dhe njerëzit qё kanё futur duart nga xhepat e shqiptarëve. Pa luftuar korrupsionin Shqipёria nuk bën dot përpara dhe pёr kёtё do tё keni vullnetin tim tё hekurt. Prandaj 25 prilli ёshtё njё garanci mё shumë sepse duke votuar pёr ndryshimin do tё votoni qё tё çlirohet Shqipёria nga kapja politike do tё votoni qё gjyqtarët dhe prokurorët tё bёjnё punën pёr tё cilën janё betuar para kushtetutёs.

E ndjej dhimbjen e tyre e prek vuajtjen e tyre njësoj edhe si minatorëve të Bulqizës dhe të gjithë të vuajturve të tjerë të këtyre 8 viteve qeverisje. Po nuk e ndjeve vuajtjen e njerëzve, po se kuptove çdo të thotë mos kesh ushqim për fëmijët, po se kuptove pasigurinë e atyre që kanë një vend pune por mund ta humbasin nesër, dëshpërimin e atyre që s’kanë punë dhe nuk dinë nga t’ja mbajnë, nuk mund të ndërtosh politika, nuk mund të zbatosh politika. Ndaj plani ynë është plan pune, jo premtime boshe. Dhe me këtë plan pune është krejtësisht e mundur t’ju vijmë në ndihmë të gjithë atyre që janë goditur, edhe naftëtarëve, edhe minatorëve. Sepse legjenda e fundit që ka ngritur ky regjim është ku do ti gjeni lekët?

Lekët do ti gjejmë tek buxheti i shtetit. Aty ku gjen lekët Edi Rama për të paguar oligarkët, aty ku gjen lekët Edi Rama për të vjedhur paratë e shqiptarëve në kohë pandemie, aty ku gjen lekët Edi Rama për të vjedhur lekët e rindërtimit në kohë pandemie. Një qeveri e përgjegjshme me vullnet, siç e the, se është vullneti politik i pari dhe me një zemër dhe një fytyrë njerëzore, ato para që sot vidhen dhe shpërdorohen, që sipas Kontrollit të Lartë të Shtetit janë 7.2 miliardë në 8 vite, ato para do ti kthehen qytetarëve shqiptarë. Lekët janë por ka munguar dëshira, lekët janë por ka munguar vullneti sepse vullneti dhe dëshira e këtyre 8 viteve ka qenë për një grusht njerëzish por Shqipëria nuk është kurrë e një grushti njerëzish, Shqipëria është e të gjithë shqiptarëve. Shqipëria është e të gjithë shqiptarëve!

(A.B)/Dosja.al

Shto Koment