KUKËS- Kryetari i Partisë Demokratike, Lulzim Basha, gjatë vizitës së sotme në Kukës, është ndalur dhe te familja e Myrteza Iseberit. Familjes në fjalë i janë larguar tre djem në Angli, ndërkohë kreu i opozitës ka bërë një bisedë telefonike me njërin prej tyre.
Basha në një postim që ka bërë në rrjetet sociale, teksa ka publikaur një pjesë të bisedës me emigrantin ku mes të tjerash sipas Bashës, i ka thënë se mezi pret për ta larguar me votë atë që e detyroi që të largohej nga vendi bashkë me vëllezërit e tij.
Postimi i Bashës:
Në Kukës u ndala në familjen e Myrteza Iseberit, të cilës i janë larguar të tre djemtë në emigrim. Blerimi, djali i kësaj familjeje, nga Anglia gjatë një bisede në telefon më shprehu padurimin për të larguar me votë atë që e detyroi që të largohej nga vendi bashkë me vëllezërit e tij. Të rinj si Blerim Iseberi dhe vëllezërit e tij meritojnë një qeveri që e zhvillon vendin dhe e bën më të begatë, jo një qeveri që mendon për vete. Për shtatë vite, Edi Rama dhe miqtë e tij e kanë lënë në baltë rininë shqiptare me premtime të pambajtura dhe me shkatërrimin e ekonomisë.
Është koha ta ndryshojmë Shqipërinë dhe të sjellim shpresë të re për të rinjtë dhe vendin.
(a.k.dosja.al)
