Politike

Basha takim me drejtuesen e Misionit të Bankës Botërore: Konsumi është në minimumin historik, ekonomia e zhytur në kolaps

Kreu i opozitës shton se konsumi është në minimumin historik dhe rënia rekord e besimit në ekonomi nga qytetarët dhe biznesi e bën vitin 2020 akoma dhe më të veshtirë se ai që lamë pas.
Featured image of article: Basha takim me drejtuesen e Misionit të Bankës Botërore: Konsumi është në minimumin historik, ekonomia e zhytur në kolaps Takimi i Bashës me misionin e Bankës Botërore

TIRANË- Kreu i Partisë Demokratike, i shoqëruar me disa ish-deputetë ka pritur sot një delegacion nga Banka Botërore. Basha ka publikuar disa foto nga takimi dhe shkruan se ka diskutuar mbi projektet e BB dhe ekonominë shqiptare të zhytur në kolaps. Më tej kreu i opozitës shton se konsumi është në minimumin historik dhe rënia rekord e besimit në ekonomi nga qytetarët dhe biznesi e bën vitin 2020 akoma dhe më të vështirë se ai që lamë pas.

Takimi i Bashës me misionin e Bankës Botërore

“Gjatë takimit me znj. Maryam Salim, Drejtuesen e Misionit të Bankës Botërore dhe ekipin e saj, diskutuam mbi projektet e BB dhe ekonominë shqiptare të zhytur në kolaps. Sot zyrtarisht, 1 në 2 shqiptarë nuk plotëson kriteret minimale të mbijetesës. Konsumi është në minimumin historik. Rënia rekord e besimit në ekonomi nga qytetarët dhe biznesi e bën vitin 2020 akoma dhe më të veshtirë se ai që lamë pas.

Për më shumë bëhu pjesë e grupit më viral në Facebook, Dosja.al

Shqetësimi kryesor është te rritja pa kriter e borxhit publik, rritja e detyrimeve të prapambetura me 600 milionë euro, kriza ekonomike dhe rreziqet nga aferat korruptive të maskuara si PPP dhe koncesione korruptive. Kjo e shoqëruar edhe me aferën e të ashtuquajturës Korporatë e Investimeve e kanë kthyer Shqipërimë në vendin me ekonominë më të rrezikuar në rajon. Konfirmova angazhimin tim se për Partine Demokratike nuk ka betejë më të rëndësishme se lufta ndaj korrupsionit shtetëror, i cili po largon shqiptarët, po shkatërron ekonominë dhe po vret shpresën. Partia Demokratike është e angazhuar për ta ringritur ekonominë dhe rikthyer shpresën e besimin se vetëm me punë të ndershme e të drejtë, me konkurencë të lirë, me taksa të ulëta do ta kalojmë këtë krizë e do të krijojmë mundësi punësimi e zhvillimi për cdo shqiptar”, shkruan Basha në Facebook.

(A.B. Dosja.al)

Shto Koment