Politike

Basha kërcënon prokurorët dhe gjyqtarët e Elbasanit: E keni vendin para drejtësisë me Edi Ramën

Në një deklaratë për mediat Basha tha se ata gjyqtarë e kanë vendin para drejtësisë së bashku me Edi Ramën.
Featured image of article: Basha kërcënon prokurorët dhe gjyqtarët e Elbasanit: E keni vendin para drejtësisë me Edi Ramën Lulzim Basha, kreu i PD

TIRANË- Kreu i Partisë Demokratike, Lulzim Basha ka kërcënuar prokurorët dhe gjyqtarët që morën vendimin për zyrtarët e PD në këtë qytet duke i lënë në burg.

Në një deklaratë për mediat Basha tha se ata gjyqtarë e kanë vendin para drejtësisë së bashku me Edi Ramën.

PJESË NGA DEKLARATA

Dua t’u drejtohem, gjithashtu, të gjithë policëve, prokurorëve dhe gjyqtarëve të Elbasanit, të cilët sot vendosën të mbajnë të burgosur politikë njerëz të pafajshëm, ndërkohë që kanë vite që tolerojnë dhe mbrojnë krimet e Qazim Sejdinit dhe të bandave të Elbasanit:

Ju e dini shumë mirë se çfarë është ligji dhe drejtësia! Ju e dini shumë mirë se është kriminale që një prokuror dhe gjyqtar të braktisë ligjin dhe interesin publik për t’i shërbyer politikës dhe krimit.

Ju e dini, edhe ne e dimë. Të gjithë njerëzit e dinë.  Edi Rama mund t’ju ketë premtuar se do t’jua falë korrupsionin dhe shkeljet ligjore. Edi Rama mund t’ju ketë premtuar se do ta kaloni vetingun. Kurse unë dua t’ju premtoj se shpejt do ta shoqëroni Edi Ramën përpara drejtësisë. Prokurori dhe gjykatësi i korruptuar është funksionari më i rrezikshëm në shoqëri. As njerëzit dhe as unë nuk do ta harrojnë dhe tolerojmë krimin dhe korrupsionin tuaj.

(A.B. Dosja.al)

Shto Koment