Politike

Basha: Dështimi për të hetuar për 26 jetë të humbura për shkak papërgjegjshmërisë së autoriteteve, inkurajon papërgjegjshmëri të tjera

Basha ka thënë se edhe pas një viti nuk është bërë asnjë ndërtim dhe se familjet për shkak se nuk jetojnë dot në çadra shkojnë dhe futen brenda banesave që janë gati për t'u prishur.
Featured image of article: Basha: Dështimi për të hetuar për 26 jetë të humbura për shkak papërgjegjshmërisë së autoriteteve, inkurajon papërgjegjshmëri të tjera Lulzim Basha

TIRANË- Kryetari i Partisë Demokratike, Lulzim Basha, ka thënë se hetimet për viktimat që kanë humbur jetën për shkak të tërmetit janë lënë në harresë.

I ftuar në emisionin “Log” Basha ka thënë se edhe pas një viti nuk është bërë asnjë ndërtim dhe se familjet për shkak se nuk jetojnë dot në çadra shkojnë dhe futen brenda banesave që janë gati për t’u prishur. Basha thotë se Rama ka treguar neglizhencë idhe  papërgjeshmëri ndaj mijëra familjeve duke shtuar se një fatëkeqësi tjetër natyrore mund të marrë sërish jetë njerëzish.

Për më shumë bëhu pjesë e grupit më viral në Facebook, Dosja.al

“Shumë prej këtyre familjeve në këtë të ftohtë nuk qëndrojnë dot në çadra, disa prej tyre nuk kanë ku të shkojnë, çfarë bëjnë? Futen në shtëpitë që janë gati për tu shembur, gati për tu shembur, një furtunë një shi largqoftë një tjetër fenomen natyror s’ka nevojë të jetë largqoftë i përmasave të 26 nëntorit mund të marrë jetë të pafajshme, çdo ditë çdo orë, pashë para disa ditësh një program të ABC, një lajm të abc që tregonte pallatin e një apo më falni të një tjetër media, pallatin e famshëm të Durrësit, kompleksin e famshëm të Durrësit, ku kryeministri shkoj me mikun e tij Aleksandër Vuçiç për t’i treguar pasojat e tërmetit dhe ku u bë bujë e madhe që do të prishej do të rindërtohesh edhe banorët sot një vit pas asaj vizite thonë jo vetëm që nuk kanë ngjarë gjë por kanë hequr edhe shiritin dhe ne kemi frikë për fëmijët, nuk ka një shirit rrethues, të paktën mos të afrohen aty ndërkohë që pamjet tregonin që tullat ishin gati për të rënë, pra ky është një monument i neglizhencës i harresës i papërgjeshmërisë ndaj mijëra familjeve edhe kjo është dramë e mijërave familjeve, nuk është dramë e çdo shqiptari në mënyrë të drejtpërdrejtë por indirekt po se të gjithë kemi të njohur, familjar, kushërinj të cilët në këtë moment që flasim janë duke rijetuar dramën e 26 nëntorit për shkak të kësaj neglizhence dhe këtu drejtësia do të bënte punë, drejtësia ka edhe rol frenues siç ka raport me aferën e inceneratorëve për të frenuar vjedhjen e mëtejshme të lekeve, që lekët të shkojnë aty ku duhet edhe në raport me tërmetin duke bërë drejtësi për 26 viktimat e Thumanës ku shteti është përgjegjës për këto jetë të humbura do të çonte një sinjal. Se në fund të fundit asgjë tjetër, jo morali dhe etika, por natyra njerëzore mund te thoshte ore mund të shkoj edhe unë një ditë para drejtësisë nëse nuk marr masa. Edhe do të mobilizonte kryepleqtë, do të mobilizonte krerët e njësive administrative, do të mobilizonte krerët e institucioneve vendore dhe vetë qeverinë që të paktën ata që akoma për shkak të neglizhencës së qeverisë janë në çadra të mos përsërisin gabimin fatal me neglizhencë dhe nxitje shtetërore dhe të futen në banesa që nesër mund t’i bien mbi kokë. Kjo nuk po ndodh, por megjithatë unë këtë thirrje kam ndaj banorëve. E bëj kur shkoj i vizitoj mos u fusni në banesat e dëmtuara pavarësisht se çfarë iu thonë. E di që është e vështirë. Dimri ka trokitur është e vështirë por mos u fusni në banesat e dëmtuara. Kujtoni fatin e 26 viktimave të Thumanës dhe bëni gjithçka ju lutem për të shmangur një fatalitet tjetër për ju dhe familjet tuaja.” – ka thënë ai.

(A.k.dosja.al)

Etiketa:

Shto Koment