Politike

Basha anulon festimet për ditën e themelimit të PD: Fondi shkon për të prekurit nga tërmeti

Sipas një njoftimi nga zyra e shtypit të PD, solidariteti me të dëmtuarit nga tërmeti dhe mbështetja maksimale për ta është mënyra më e mirë për të përkujtuar data të rëndësishme që shënojnë ngjarjet e Dhjetorit 1990, nga Lëvizja Studentore tek shpallja e pluralizmit dhe lindja e Partisë Demokratike.
Featured image of article: Basha anulon festimet për ditën e themelimit të PD: Fondi shkon për të prekurit nga tërmeti Lulzim Basha

TIRANË- Aktivitetet e planifikuara  për 11 dhjetorin, ditën e themelimit të Partisë Demokratike janë anuluar. Ky vendim është marrë nga Basha dhe të gjitha fondet e përcaktuara për këto aktivitete se bashku me kontribute të anëtarëve dhe simpatizantëve të saj do të shkojnë në ndihmë të personave të goditur nga tërmeti i 26 Nentorit.

Sipas një njoftimi nga zyra e shtypit të PD, solidariteti me të dëmtuarit nga tërmeti dhe mbështetja maksimale për ta është mënyra më e mirë për të përkujtuar data të rëndësishme që shënojnë ngjarjet e Dhjetorit 1990, nga Lëvizja Studentore tek shpallja e pluralizmit dhe lindja e Partisë Demokratike.

Më tej shtohet se që prej tërmetit të 26 nëntorit Partia Demokratike ka anuluar disa aktivitete kombëtare per t’ju përkushtuar me të gjitha mundësitë dhe burimet e saj njerëzore situatës pas tërmetit në terren pranë njerëzve në emergjencë.

Për më shumë bëhu pjesë e grupit më viral në Facebook, Dosja.al

Më herët Partia Demokratike anuloi aktivitetet për 28 nëntorin, kreu i demokratëve anulloi vizita te parashikuara jashtë vendit ndërsa në Ditën e Rinisë me 8 dhjetor, të rinjtë e Forumit Rinor e kthyen në ditë solidariteti duke mbledhur dhe shpërndarë ndihma për familjet e goditura nga tërmeti.

(A.B. Dosja.al)

Shto Koment