Sport

Barcelona bën detyrën ndaj Napolit, Bayern e kthen ndeshjen në “lojë fëmijësh”, gjermanët dhe spanjollët “përplasin brirët” në fazën e ardhshme

Bayern dhe Barcelona kanë prerë një biletë për fazën cerekfinale të Champions League. Gjermanët fituan bindshëm 4:1 ndaj Chelsea, ndërsa Barcelona bëri detyrën ndaj Napolit, duke shënuar tre herë në portën e itallianëve dhe duke pësuar vetëm një gol.
Featured image of article: Barcelona bën detyrën ndaj Napolit, Bayern e kthen ndeshjen në “lojë fëmijësh”, gjermanët dhe spanjollët “përplasin brirët” në fazën e ardhshme Lewndowski dhe Messi

CHAMPIONS LEAGUE-Barcelona ka kaluar në cerekfinale të Champions League. Spanjollët mundën 3:1 Napolin në fortesën e tyre “Campnou”. Seria e golave u hap nga Lenglet në minutën e 10′.

Pas 13 minutash ka dyfishuar ylli i katalanasve, Lionel Messi. Argjentinasi do të gjente rrugën e rrjetës edhe 7 minuta më vonë, por arbitri e vlerësuar të pavlefshëm golin, për prekje të topit me dorë.

Në fund të pjesës së parë, Messi fiton penallti pas ndërhyrjes së gabuar të Koullibally, e cila kthehet më pas në gol nga Suarez. Vetëm pak minuta më vonë, Napoli shkurton diferencën me Insigne po nga pika e bardhë e panellatisë. Në pjesën e dytë, Napoli provon të surprizojë katalanasit me Milik, por goli i polakut anulohet për pozicion jashtë loje. Rezultati i përgjithshëm i dy përballjeve është 4-2, pasi ndeshja e parë në Itali përfundoi në barazim 1-1.

Në Gjermani Bayern kalon me lehtësi anglezët e Chelsea. Gjermanët dominuan ndeshjen gjatë gjithë kohës, duke shënuar plot 4 herë në portën e anglezëve. Festivali i golave u hap nga Lewandowski në minutën e 10′ me penallti, ndërsa 14 minuta më pas dyfishon Perisic.

Për më shumë bëhu pjesë e grupit më viral në Facebook, Dosja.al

Chelsea provon të rrezikojë portën e gjermanëve, por goli i Hudson-Odoi në minutën 28 anulohet për pozicion jashtë loje. Vetëm 1 minutë nga fundi i kohës së rregullt, Abraham shkurton diferencën për blutë e Londrës. Në pjesën e dytë, Bayern shënon edhe dy herë të tjera me Tolisso dhe Lewandowski, duke vulosur shifrat në 4-1.

Me rezultatin e përgjithshëm 7-1, Bayern kalon bindshëm mes 8 më të mirave të Europës, duke u konfirmuar si një kandidat serioz për të ngritur trofeun. Në fazën e ardhshme, Bayern dhe Barcelona do të gjejnë njëra-tjetrën.

(g.sh./dosja.al)

Shto Koment