Aktualitet

Protestë në Qafëzezë pas tërmetit/ Banorët: Lista e shtëpive për ndërtim, partiake. Isai: Gënjeshtër!

Protestë në Qafëzezë nga banorët që iu janë prishur shtëpitë nga tërmeti. Ata kanë akuzuar bashkinë e Kolonjës se ka bërë përzgjedhje partiake kur ka zgjedhur shtëpitë që do të ndërtohen. Reagon Erion Isai: Pretendimet e banorëve, të padrejta.
Featured image of article: Protestë në Qafëzezë pas tërmetit/ Banorët: Lista e shtëpive për ndërtim, partiake. Isai: Gënjeshtër! Banorët në protestë dhe Erion Isai

KPRÇË- Banorët e Qafëzezit janë ngritur në protestë për problemet dhe dëmet që ka shkaktuar tërmeti që prej datës 1 qershor. Ata shprehen se janë të pakënaqur nga ndihma që duhet të japë shteti në të tilla raste, duke theksuar se jetojnë dhe flenë në kasolle.

Banorët janë shprehur shqetësimin e tyre për punimet pas tërmetit, ku sipas tyre listat janë bërë në mënyrë selektive, në bazë të bindjeve politike.

“Rindërtimi i shtëpive është bërë në mënyrë partiake. Ata që janë të PS i kanë zgjedhur. Jemi në qiell të hapur. Po flemë në kasolle. Askush nuk mendon për ne. Lista është selektive me anë të partive. Jemi në situatë alarmante. 

Po na gënjejnë. Dimri po afron dhe s’kemi ku shkojmë. I lutemi Kryeministrit të vërë dorë dhe të na ndihmojë. Të ngrihet komision nga qeveria sepse pushteti këtu po na vjedh.”-janë shprehur banorët.

Për më shumë bëhu pjesë e grupit më viral në Facebook, Dosja.al

Disa orë pas protestës së tyre, ka ardhur edhe reagimi i kryebashkiakut të Kolonjës, Erion Isai, i cili ka hedhur poshtë pretendimet e tyre. Isai ka thënë: Pretendimet e banorëve janë të padrejta. Ka nisur puna në dy banesa nga katër me problematiket në fshat. 4 banesa do të ndërtohen nga e para dhe 20 të tjera do të rikonstruktohen.  Ndërsa 246 shtëpi janë me dëme të lehta në gjithë Kolonjën, të cilat do të trajtohen me dëmshpërblim. Banorë të cilët jetojnë në banesat e të afërmeve do marrin statusin e të pastrehëve nga Bashkia Kolonjë dhe do të përfitojnë bonus qeraje nga bashkia.

Tërmeti i 1 qershorit në qarkun e Korçës, dëmtoi  qindra banesa në fshatin Floq, Qafëzez dhe Vidohovë. E për këtë shkak prej më shumë se dy muajsh banorët jetojnë në çadra dhe kampe të improvizuara ku kushtet e jetesës janë majftë të vështira. Në muajin qershor, disa zona të Korçës u goditën nga një tërmet i fuqishëm, i cili solli edhe dëme materiale. Në total, në të gjithë fshtatrat 120 ishte numri i shtëpive të dëmtuara, nga të cilat 40 do ndërtohen nga themelet. Kur Rama bëri vizitën e parë në Floq pas rënies së tërmetit u premtoi banorëve se në fillm të vjeshtës ata do të kishin të rindërtuar shtëpitë e tyre.

(A.C;F.G/Dosja.al)

Shto Koment