Politike

“Banda Ruçi përgjaku Levanin”, Berisha insiston për version e ngjarjes, policia s’reagon

Sipas Berishës banda Ruçi përgjaku Levanin dhe spitalin e Fierit sepse kishin narkpolicinë me vete.
Featured image of article: “Banda Ruçi përgjaku Levanin”, Berisha insiston për version e ngjarjes, policia s’reagon Sali Berisha

TIRANË- Ish-Kryeministri Sali Berisha ka komentuar ngjarjen e djeshme të ndodhur në Fier, ku mbetën të plagosur 5 persona.

Përmes një postimi në Facebook, Berisha se: “Banda Ruçi përgjaku Levanin dhe spitalin e Fierit sepse kishin narkpolicinë me vete!”. 

Postimi i plotë i Sali Berishës:

Banda Ruçi përgjaku Levanin dhe spitalin e Fierit sepse kishin narkpolicinë me vete!

Ajo është bandë e niveleve më të larta të narkoshtetit!

Të dashur miq, banda e pushtetarëve të krimit, banda Ruçi me kriminelët tashmë të njohur Ledi Ruçi dhe Qerem Braçi me të bijtë, përkatesisht djali dhe nipi me djemtë e tij i Gramoz Ruçit pergjakën mbrëmë Levanin dhe Fierin duke kulmuar me breshëritë e tyre në sallën e urgjencë të spitalit të Fierit.

Për më shumë bëhu pjesë e grupit më viral në Facebook, Dosja.al

Të gjtha këto, kriminelët e bandës Ruçi i realizuan sepse në të gjitha veprimet kriminale ata u asistuan nga narkoplicia e Edvin Mafisë, gjeneral Hashashit, Ardi Eskobarit.

Kështu, pas breshërive që shkrehu para dhjetra vetëve në lokal, krimineli Ledi Ruçi menjeherë pati në krah të tij narkopolicinë, e cila për të fshehur gjurmët e krimit i mori armën dhe ia dha një qytetari për ta zhdukur, pra në një farë mënyre bëri atë që ka bërë për këtë delinkuent Donika Avdyli, e cila dy vite më parë beri të pa qenë krimin e kriminel Ruçit dhe e liroi atë.
Ndaj dhe ajo me kerkesë të Avdyleve u shpërblye duke u emëruar në krye të krimeve të rënda dhe një çertifikatë lavdërimi në procesin e Dvoran apo Hallun vetingut.

Banda kriminale Ruçi përgjaku mbrëmë reanimacionin e Spitalit të Fierit sepse u ndihmua nga kriminelët me uniformë, të cilët i dhanë “padashje” armën e shtetit kriminelit Qerem Braçi nipit, supertrafikantit te njohur te Gramoz Ruçit për të vrarë sipas dëshmitareve në vendngjarje jo një por dy qytetarë në sallën e reanimacionit, njëri prej tyre mori dy plumba në shpatull dhe është në gjendje serioze në spital kurse për fatin e tjetrit askush nuk di gjë.

Banda kriminale Ruçi kreu krimet e saj të shëmtuara në Levan dhe sallën e reanimacionit në Spitalin e Fierit e ndihmuar ne çdo akt kriminal nga kriminelët me uniformë si Andon Marku etj, të cilët për të maskuar vrasjen në tentative me armën e narkoshtetit të dy personave në reanimacionin e spitalit prishen mbrëme filmimet e kamerave të spitalit të Fierit dhe sallës së urgjencave për të deklaruar me siguri sot ose nesër se ato nuk funksiononin prej kohësh.

Dënoj me ashpërsinë më të madhe aktet kriminale të shtetit kriminel dhe iu bëj thirrje qytetarëve të ngrihemi me guxim për të përmbysur sa me parë narkoshtetin e bandave të drogës të Edvin Mafisë dhe balozëve të tjerë të drogës dhe krimit! sb

Një ngjarje e rëndë është shënuar mbrëmjen e djeshme në Fier. 5 persona janë plagosur dhe tre janë arrestuar. Sherri mes dy grupeve ka nisur në Levan dhe përfundoi me përdorimin e armës brenda Urgjencës në Fier. Policia ka marrë në kontroll situatën dhe ka arrestuar autorët. Të plagosurit janë jashtë rrezikut për jetën.

Shto Koment