Politike

Balluku: Gjatë drejtimit të AlbControl nuk hoqa nga puna asnjë të PD-së apo LSI-së! Një prej tyre është shef shtabi i PD në Shkodër

Teksa ishte në një lidhje me 'Skype', ministrja tha se njëri nga djemtë që punojnë në Rinas është shef shtabi i një nga deputetëve të PD në Shkodër. 
Featured image of article: Balluku: Gjatë drejtimit të AlbControl nuk hoqa nga puna asnjë të PD-së apo LSI-së! Një prej tyre është shef shtabi i PD në Shkodër Belinda Balluku
Përditësuar:

TIRANË– Ministrja Belinda Balluku tha mbrëmjen e djeshme në emisionin ‘Opinion’ se nuk ka hequr nga puna asnjë person që ka qënë me partinë Demokratike apo LSI-në. Teksa ishte në një lidhje me ‘Skype’, ministrja tha se njëri nga djemtë që punojnë në Rinas është shef shtabi i një nga deputetëve të PD në Shkodër.

DEKLARATA:

Nuk kam hequr nga puna asnjë të PD dhe asnjë të LSI. Njëri nga djemtë aty është shef shtabi i njërit nga deputetët në Shkodër për PD. Hape FB e Sali Berishës. Është organizuar nga njerëz të angazhuar politikisht. Greva financiare ka datën e gjyqit, e ka më datë 9. Dy javë para zgjedhjeve është politike sepse drejtohet nga persona që kanë funksione politike në këtë fushatë.

Për më shumë bëhu pjesë e grupit më viral në Facebook, Dosja.al

Aeroporti i Rinasit ka pezulluar ditën e djeshme të gjitha fluturimet, ndërkohë që anulimi vijon dhe ditën e sotme. Shkak është bërë mosplotësimi i kërkesave të kontrollorëve. Ministrja Belinda Balluku ka hequr të gjitha përgjegjësitë nga shteti, ndërsa ka ngritur alarmin për “puç shteti”. Presidenti Ilir Meta ka kërkuar zgjidhje nga qeveria, ndërsa kryeministri Edi Rama i ka kërcënuar punonjësit e ‘Albcontrol’ me burg. Në letrën e publikuar nga Dosja.al të nënshkruar nga punonjësit thuhej se ata kanë nevojë për një periudhë tre ose katër ditore rikuperimi pasi ndihen të lodhur dhe të stresuar nga mungesa financiare për shkak të pandemisë.

(a.b)/dosja.al

Shto Koment