Politike

Balla mbledh grupin e PS-së, jep porositë: Marrëveshja e arritur në Këshillin Politik të përshpejtohet, në 23 korrik të kalojë në seancë plenare

  • PD flet për listat e hapura: S’jemi kundër por nuk bëhet 1 vit para zgjedhjeve!
  • Dosja.al ka mësuar detaje nga takimi me dyer të mbyllura dhe bëhet me dije se PS do të votojë marrëveshjen e arritur me opozitën jashtëparlamentare.
    Featured image of article: Balla mbledh grupin e PS-së, jep porositë: Marrëveshja e arritur në Këshillin Politik të përshpejtohet, në 23 korrik të kalojë në seancë plenare Mbledhje e Grupit Parlamentar të PS (Foto ilustruese)

    TIRANË- Grupi Parlamentar i PS ka zhvilluar sot një takim ku kanë diskutuar për Reformën Zgjedhore. Dosja.al ka mësuar detaje nga takimi me dyer të mbyllura dhe bëhet me dije se PS do të votojë marrëveshjen e arritur me opozitën jashtëparlamentare.

    Sipas burimeve nga mbledhja mësohet se marrëveshja e dakordërsuar në Këshillin Politik për Kodin Zgjedhor të kalojë javën e ardhshme në Komisionin e Ligjeve dhe do jetë gati për seancën e 23 Korrikut.

    Ka qenë Balla ai që ka kërkuar të përshpejtohet votimi i kësaj marrëveshje dhe u ka thënë deputetëve se duhet respektuar dhe opozita parlamentare me kërkesat e saj për Reformën Zgjedhore.

    Për më shumë bëhu pjesë e grupit më viral në Facebook, Dosja.al

    Të mos humbasim asnjë ditë kohë. Të çojmë përpara marrëveshjen e dakordësuar. Duhet miratuar drafti i reformës zgjedhore. Me plotësimin e afateve sipas procedurës parlamentare do të prezantohet në kohë në Komisionin e Ligjeve. Në datën 23 Korrik ne do të kemi vullnetin për të votuar Kodin Zgjedhor të ri sipas marrëveshjes.  Ndërkohë, respektojmë vendimin e opozitës parlamentare në kërkesat e saj për përmirësimin e reformës zgjedhore në Shqipëri”, mësohet të ketë thënë Balla në takim.

    Nga ana tjetër, Partia Demokratike ka kthyer përgjigje zyrtarisht lidhur me ftesën që kryeministri Edi Rama u bëri pak ditë më parë për organizimin e një tryeze tre palëshe për arritjen e një marrëveshjeje për Reformën Zgjedhore. PD ka bërë me dije se ajo nuk është kundër ndryshimit të sistemit zgjedhor, por thekson se një ndryshim i tillë kërkon një reformim të plotë të sistemit kushtetues dhe që sipas tyre nuk mund të ndodhë në këtë moment. Sipas tyre, nëse reforma kushtetuese ndryshohet nga ajo që e quajnë “parlamenti i krimit”, ndryshimi i sistemit s’do të jetë gjë tjetër veçse pazar mesa palëve.

    (A.B. Dosja.al)

    Shto Koment