Politike

DOKUMENTAT: PS dorëzon në Kuvend kërkesën për ngritjen e Komisionit Hetimor për ‘raportin Dick Marty’, në fokus, roli i shqiptarëve

Kërkesa për ngritje e Komisionit të Posaçëm hetimor nga 18 deputetë. Balla dorëzon kërkesën për Komision për hetimin e raportit të Dick Marty.
Featured image of article: DOKUMENTAT: PS dorëzon në Kuvend kërkesën për ngritjen e Komisionit Hetimor për ‘raportin Dick Marty’, në fokus, roli i shqiptarëve Taulant Balla, kreu i grupit te PS

TIRANË- Kreu i grupit parlamentar të Partisë Socialiste, Taulant Balla ka dorëzuar në Kuvend kërkesën e 18 deputetëve të partisë lidhur me ngritjen e Komisionit të Posaçëm Parlamentar për raportin e Dick Marty-t lidhur me luftën në Kosovë.

Në kërkesën e depozituar në Kuvendin e Shqipërisë shkruhet se Komisioni që do të ngrihet, do të administratojë dokumentacion përmbledhës për hartimin e një raporti lidhur me të gjitha gjetjet dhe proceset gjyqësore që janë zhvilluar në Shqipëri mbi çështjet e raportit të Marty-t. Komisioni për rreth 3 muaj do të hartojë një raport të detajuar përmbledhës dhe informues lidhur me të gjitha akuzat dhe hetimet që janë bërë nga drejtësia shqiptare, të dhëna që do t’i vihet në dispozicion institucioneve publike. 

“Kërkojmë ngritjen e një Komisioni të Posaçëm në Kuvend për administrimin e dokumentacionit dhe hartimin e një raporti përmbledhës dhe informues mbi gjetjet dhe konkluzionet që kanë nxjerrë verifikimet e e kryera nga institucionet përkatëse në Shqipëri mbi çështjet e raportit dhe anëtarit të APKiE Dick Marty mbi bashkëpunimin dhe rolin për të cilin pretendohet se kanë luajtur përfaqësues politikë shqiptarë ose institucione publike shqiptare, nëpërmjet veprimeve dhe mosveprimeve, në ndihmë të së ashtuquajturës veprimatari kriminale e drejtuesve të UÇK në territorin e Shqipërisë,”- thuhet në kërkesë.

Për më shumë bëhu pjesë e grupit më viral në Facebook, Dosja.al

Propozimi për ngritjen e Komisionit u bë nga numri 2 i socialistëve pak pas rikthimit të akuzave ndaj kreut të PD-së, Lulzim Basha si të përfshirë në hetimet kundër luftës së UÇK. Basha akuzohet nga Milaim Bellanica se i ka marrë kasetën me filmimet e masakrës së Krushës, ndërkohë që gazetari Dashamir Peza pretendon të kundërtën. Sipas tij, gjithçka e posedon BBC.

Gjithë vorbulla politike doli në sipërfaqe pas prangosjes së ish-zyrtarëve të UCK-së, Hashim Thaçi, Jakup Krasniqi, Kadri Veseli dhe Rexhep Selimi. Gjatë viteve 1998-99, ata akuzohen se kanë kryer qindra krime lufte në veri të Shqipërisë. 

(k.m/dosja.al)

Shto Koment