Aktualitet

Babai i la jetimë, ja ç’po ndodh me fëmijët e ish-gjyqtares Hafizi

Nënkryetarja Ruseti tha se Bashkia e Tiranës iu ka gjetur fëmijëve të ish-gjyqtares së ndjerë një shtëpi dhe iu mbulon të gjithë qiranë. Sipas saj, fëmijët e Hafizit janë shumë të mbarë, të sjellshëm dhe shumë të mirë në mësime dhe për to kujdeset shumë tezja e tyre.
Featured image of article: Babai i la jetimë, ja ç’po ndodh me fëmijët e ish-gjyqtares Hafizi Fildeze Hafizi dhe fëmijet e saj

TIRANË- Nënkryetarja e re e Bashkisë së Tiranës, Anisa Ruseti, ka folur sot në rubrikën “Opinion”, në News 24”, për fëmijët e ish-gjyqtares së vrarë nga ish-bashkëshorti i saj, Fildes Hafizi.

Nënkryetarja Ruseti tha se Bashkia e Tiranës iu ka gjetur fëmijëve të ish-gjyqtares së ndjerë një shtëpi dhe iu mbulon të gjithë qiranë. Sipas saj, fëmijët e Hafizit janë shumë të mbarë, të sjellshëm dhe shumë të mirë në mësime dhe për to kujdeset shumë tezja e tyre.

“Rasti që na ka prekur më shumë, por nuk është rasti i vetëm. Detyra jonë është t’i ndjekim të gjitha këto raste. Te ky rast unë jam përfshirë emocionalisht. Fëmijët janë shumë të mbarë, të urtë, të sjellshëm dhe shumë mirë me mësime. Për ta kujdeset tezja e tyre.

Për më shumë bëhu pjesë e grupit më viral në Facebook, Dosja.al

Jemi në kontakt gjatë gjithë kohës. Kanë mbaruar shkollën dhe unë mezi pres të vazhdojnë vitin tjetër. Ne iu mbulojmë qiranë plotësisht, sepse ata nuk mund të qëndronin në shtëpinë e prindërve të tyre, për shkak të kujtimeve. Ata janë në një shtëpi ngjitur me tezen e tyre. I kemi nën monitorim të vazhdueshëm”, tha Ruseti.

Ish-gjyqtarja Fildes Hafizi, nënë e dy fëmijëve, u vra nga ish-bashkëshorti i saj, Fadil Kasemi, i cili e qëlloi me armë në makinën e saj. Ngjarja tronditi mbarë opinionin publik dhe solli reagime të ashpra, ndërsa vrasësi po përballet me drejtësinë.

(Marrë nga BalkanWeb)

Shto Koment