Politike

Samiti i Tiranës, Varhelyi: BE do financojë planin e investimeve, 30 mld euro! Rama: Ambicia, 15 korriku të na gjejë të në Procesin e Berlinit, nën kujdesin e Unionit (Marrëveshjet në rajon)

VIDEO
Një nga një, kryeministri i Kosovës Albin Kurti, kryeministrja e Serbisë Ana Bërnabiç, kreu i qeverisë së Maqedonisë së Veriut Zoran Zaev, Bosnjë & Hercegovinës Zoran Tegeltija dhe ai i Malit të Zi, Zdravko Krivokapić kanë mbërritur në dyert e Pallatit të Brigadave, aty ku i ka pritur kryeministri Rama, veshur me ccitjane dhe me një xhaketë blu të errët. 
Featured image of article: Samiti i Tiranës, Varhelyi: BE do financojë planin e investimeve, 30 mld euro! Rama: Ambicia, 15 korriku të na gjejë të në Procesin e Berlinit, nën kujdesin e Unionit (Marrëveshjet në rajon) Foto nga Pallati i Brigadave

TIRANË– Tirana ka pritur sot gjashtë liderët e vendeve të Ballkanit Perëndimor që u drejtua nga kryeministri Edi Rama dhe komisioneri Oliver Varhelyi. Një nga një, kryeministri i Kosovës Albin Kurti, kryeministrja e Serbisë Ana Bërnabiç, kreu i qeverisë së Maqedonisë së Veriut Zoran Zaev, Bosnjë & Hercegovinës Zoran Tegeltija dhe ai i Malit të Zi, Zdravko Krivokapić kanë mbërritur në dyert e Pallatit të Brigadave, aty ku i ka pritur kryeministri Rama, veshur me çitjane dhe me një xhaketë blu të errët. 

Vetë Varhelyi tha se Bashkimi Europian do të financojë planin e investimeve në Ballkanin Perëndimor. Varhelyi ka treguar se vendet e Ballkanit Perëndimor kanë rënë dakort për marrëveshjen e heqjes së tarifave roaming mes vendeve. Sipas Varhelyi ky është vetëm një nga pikat, më pas do të mund të miratohen dhe lëvizja vetëm me karta identiteti, njohja e diplomave dhe heqjen e lejes për punë.


Oliver Varhelyi shtoi më tej se ky muaj ku po futemi është mjaft i vështirë. Nga ana tjetër, kryeministri Edi Rama është tërhequr nga sulmet e bëra drejt Bashkimit Europian të cilin e ka cilësuar përjashtuese ndaj vendeve të Ballkanit Perëndimor për ndihmën e dhënë gjatë pandemisë së Covid-19. Në konferencën e përbashkët me komisionerin Oliver Varhelyi, Rama tha se Bashkimi Europian e ka bërë të veten dhe tashmë e kanë në dorë vendet e BP për të bërë të tyren. Kreu i qeverisë tha më tej se uron që pesë korriku i vitit të ardhshëm t’i gjejë në tavolinë me Komisionin Europian.

Rama e ‘thumboi’ Komisionerin për Zgjerimin Oliver Varhelyi kur tha se maska në Shqipëri që prej 1 qershorit nuk është më e detyrueshme. Duke qeshur, kreu i qeverisë la të kuptohet se përtej pandemisë, duket se pranimi i Varhelyit për të hequr maskën është edhe një tjetër simbolikë.  Komisioneri i hoqi maskat e Brukselit në Tiranë”, -tha Rama duke buzëqeshur, dhe pohuar se qasja e Varhelyit është tjetër nga ajo e tij kur është në BE.

Ky Samit vjen vetëm 2 javë para vendimit të pritshëm në Bruksel për nisjen e negociatave për Shqipërinë dhe Maqedoninë e Veriut.

AXHENDA E SAMITIT TË TIRANËS

Vendndodhja: Pallati i Brigadave

09.30 – Takim Bilateral me Zoran Tegeltija, Kryetar i Këshillit të Ministrave të Bosnjës dhe Hercegovinës (FOTO + Kamera Zyrtare)

10.00 – Takim Bilateral me Olivér Várhelyi, Komisionerin Europian për Zgjerimin dhe Fqinjësinë e Mirë (FOTO + Kamera Zyrtare)

10.30 – Mbërritja e delegacioneve (FOTO + Kamerat e akredituara të vendosura në oborrin përpara hyrjes)

Olivér Várhelyi, Komisioneri Europian

Milo Đukanović, President i Malit të Zi

Brnabić, Kryeministër i Serbisë

Albin Kurti, Kryeministër i Kosovës

Për më shumë bëhu pjesë e grupit më viral në Facebook, Dosja.al

Zoran Tegeltija, Kryetar i Këshillit të Ministrave të Bosnjës dhe Hercegovinës

Zoran Zaev, Kryeministër i Maqedonisë së Veriut

Majlinda Bregu, Sekretar i Përgjithshëm i Këshillit për Bashkëpunim Rajonal

Emir Djikic, Drejtor i Sekretariatit të CEFTA

Ljuba Siljanoska, Zëvendës Drejtori i Sekretariatit të Përhershëm të organizatës së Traktatit të Komunitetit të Transportit

11.00 – Seanca Plenare (FOTO + Kamera Zyrtare)

12.30 – Foto Familjare (FOTO + Kamera Zyrtare)

12.30 – Konferencë për shtyp e Kryeministrit Edi Rama me Komisionerin Europian për Zgjerimin dhe Fqinjësinë e Mirë, Olivér Várhelyi (Regji Televizive + FOTO + Kamerat e akredituara)

13.00 – Drekë Pune (FOTO + Kamera Zyrtare 3 minuta)

15.00 – Firmosje e marrëveshjeve (Regji Televizive + FOTO + Kamera Zyrtare)

15.15 – Ceremonia e inaugurimit të Qendrës së Informimit Kulturor (FOTO + Kamera Zyrtare)

(f.m/Dosja.al)

  • 22:34

    PAMJET E PAPARA nga takimi i sotëm në TIRANË! Kurti pyet homologun: Po maskat? Rama e qetëson: Je në rregull

    Kryeministri Edi Rama ka ndarë momente të tjera nga takimi i liderëve të Ballkanit Perëndimor, të zhvilluar në Tiranë. Kreu i qeverisë ka ndarë foto-albumin e plotë me momente që nuk u panë nga takimi.

    Po ashtu ka përmbledhur në një video të gjithë politikanët që ka pritur sot, por kohën më të madhe ia la kryeministrit të Kosovës, Albin Kurtit. Në një moment dëgjohet kur Kurti e pyet për maskat, ndërsa Rama e qetëson.

    “Maskat? Je në rregull!,”-dëgjohet në video.

    POSTIMI I PLOTË: 

  • 22:33

    Rama nënshkruan marrëveshje me Zaev për kalimet kufitare, pritet të ngrihen pika për lehtësim të lëvizjeve

    Edi Rama dhe Zoran Zaev

    Kryeministri Edi Rama ka firmosur ditën e sotme një marrëveshje me homologun e tij nga Maqedonia e Veriut Zoran Zaev, për lehtësim të lëvizjeve në pikat kufitare. Rama ka nënshkruar marrëveshjen me Zaev, për ngritjen e pikave të përbashkëta të kalimit kufitar. Marrëveshja e nënshkruar ditën e sotme nga Rama dhe Zaev u miratua ditën e djeshme në mbledhjen e Këshillit të Ministrave

  • 21:15

    JANË PAJTUAR TANI! Rama i hedh dorën në qafë Kurtit, i qeshin të dy kameras, pas tyre i lumtur edhe Zoran Zaev

    Albin Kurti dhe Edi Rama

    Kryeministri Edi Rama ka publikuar një foto me homologun e tij të Kosovës, Albin Kurti, duke u përqafuar. Pas tyre, i qeshur dhe me dorën në shpatullat e Ramës, është kryeministri i Maqedonisë së Veriut, Zoran Zaev, i cili gjithashtu qesh. Foton, Rama e ka shoqëruar vetëm me një përshkrim të shkurtër; Shqipëri dhe Kosovë, pasi mesa duket të dy kanë lënë pas mosmarrëveshjet që kanë pasur në të shkuarën.

  • 21:06

    Qeveria Kurti: Deklarata e përbashkët e Samitit në Tiranë u tërhoq nga Rama

    Albin Kurti

    Zëdhënësja e Qeverisë së Republikës së Kosovës, Rozafa Kelmendi është shprehur se deklarata e përbashkët e Samitit të sotëm në Tiranë është tërhequr nga Kryeministri Edi Rama dhe jo nga Albin Kurti. Telegrafi shkruan se arsyeja e tërheqjes së deklaratës janë dallimet e mëdha që janë vërejtur mes Kosovës e Serbisë. “Lajmi për refuzimin e nënshkrimit të deklaratës së përbashkët nga Kryeministri i Republikës së Kosovës, Albin Kurti, është i pavërtetë. Deklarata është tërhequr nga vetë nikoqiri i takimit, pasi është vërejtur që ka dallime të mëdha mes Kosovës dhe Serbisë”, u shpreh Kelmendi. Ditën e sotme disa media serbe raportuan se ishte kryeministri i Kosovës, Albin Kurti ai që refuzoi nënshkrimin e deklaratës së

  • 20:38

    Mos nënshkrimi i deklaratës, mediat serbe: Kurti kërkoi që në të të shkruhej “Republika e Kosovës”

    Shkrimi

    Mediat serbe kanë shkruar se deklarata e përbashkët në Samitin e sotëm në Tiranë nuk u nënshkrua, pasi Albin Kurti kërkoi që në dokument të shkruhej “Republika e Kosovës”. Tajung shkruan se kjo deklaratë është shkruar disa ditë më parë, por që Kurti veteëm sot e ka bërë këtë kërkesë.  Artikulli i plotë: Deklarata e përbashkët, pas samitit të liderëve të Ballkanit Perëndimor në Tiranë, nuk u miratua sepse Kryeministri i Institucioneve të Përkohshme në Prishtinë, Albin Kurti, kërkoi në minutën e fundit që në dokumenti të shkruhej “Republika e Kosovës”.  Sipas burimit të Tanjug, ajo deklaratë është harmonizuar për ditë me radhë, por miratimi i saj u braktis sot. Kryeministrja Ana Brnabić tha sot se samiti i Ballkanit Perëndimor ishte më i vështirë nga sa priste dhe se më shumë arsye u zhvendosën në fushën e politikës sesa u diskutuan temat ekonomike.

  • 17:48

    ‘Duhet të takohemi më shpesh’/ Ç’tha Kurti në Samitin e Tiranës, ia ‘plasi’ në fytyrë kryeministres Brnabiç: Serbia të njohë Kosovën!

    Pamje nga takimi

    Kryeministri i Kosovës, Albin Kurti ka publikuar fjalën e plotë që ka mbajtur në Samitin e Ballkanit Perëndimor që po zhvillohet në Shqipëri. Në fjalën e tij, para homologes serbe, Ana Brnabiç, Kurti ka kërkuar njohjen e Kosovës nga Serbia. Ndërsa më pas ka parashtruar disa plane për të sjellë më pranë integrimin e rajonit në Bashkimin Europian duke mos i kursyer as kritikat.

    “Refuzimi i Serbisë për të njohur pavarësinë e Kosovës është një pengesë e vazhdueshme për bashkëpunimin rajonal. Kosova nuk mund të angazhohet me iniciativa të cilat janë përshtatur për të mohuar statusin e Kosovës si një shtet sovran, i pavarur; ne do të angazhohemi vetëm si të barabartë,”-mësohet se është shprehur Kurti.

    FJALA E PLOTË E KURTIT:

    I dashur Kryeministër i Shqipërisë, Z. Rama, i nderuar Komisioner i BE-së, Z. Várhelyi,
    Të nderuar liderë të vendeve fqinje dhe të rajonit, kryeministër Rama, faleminderit për organizimin e këtij samiti dhe për të bashkuar të gjithë ne, pasi me të vërtetë duhet të takohemi shpesh dhe flasim më shumë. E di që na është dhënë 5 minuta kohë për prezantimin tonë, kështu që do të përpiqem të jem i shkurtër në fjalën time. Vërejtjet e mia janë të ndara në tre pjesë, pjesa e fundit përfundon në një propozim për bashkëpunim në të ardhmen midis vendeve tona. Pjesa e parë është që Bashkimi Evropian të bëhet Evropë. Siç e dimë, shtatëdhjetë e një vjet më parë, mes vuajtjeve të mëdha, shkatërrimit, armiqësisë dhe mosbesimit të shkaktuar nga Lufta e Dytë Botërore, deklarata e Schuman u botua dhe lindi një ide e guximshme; ideja e bashkëpunimit përmes institucioneve të përbashkëta. Kjo ide lulëzoi dhe çoi në krijimin e tregut më të madh në botë të lirë, duke bashkuar më shumë se 500 milion njerëz në një Bashkim Evropian. Megjithatë, megjithëse është zgjeruar shumë, BE-ja sot nuk është Evropë. Shqipëria, Kosova, Mali i Zi, Maqedonia e Veriut, Bosnje-Hercegovina dhe Serbia mbeten jashtë BE-së. Ne jemi në Evropë, por BE nuk është ende Evropë. Pjesa e dytë, ku dua të përqëndrohem është fakti se është se modeli aktual i angazhimit tonë duhet të ndryshojë. Qasja aktuale e bashkëpunimit rajonal ndikohet negativisht nga mosmarrëveshjet politike, të cilat kanë penguar bashkëpunimin dhe kanë rritur dyshimet dhe pasiguritë për të ardhmen. Për të zgjidhur këto probleme, së pari duhet të pranojmë haptas burimin e tyre pa dyshime ose finesë.

    – Refuzimi i Serbisë për të njohur pavarësinë e Kosovës është një pengesë e vazhdueshme për bashkëpunimin rajonal. Kosova nuk mund të angazhohet me iniciativa të cilat janë përshtatur për të mohuar statusin e Kosovës si një shtet sovran, i pavarur; ne do të angazhohemi vetëm si të barabartë.

    – Brenda Marrëveshjes së Tregtisë së Lirë të Evropës Qendrore (CEFTA), Kosova vazhdimisht dhe në mënyrë të përsëritur trajtohet në mënyrë të pabarabartë dhe të padrejtë. Në formën e tij aktuale, CEFTA nuk mund ta përgatisë rajonin për pranimin në BE. Ne kemi nevojë për ta përmirësuar dhe përshpejtuar.

    – Brenda Këshillit të Bashkëpunimit Rajonal (RCC) për shkak të mosnjohjes nga Serbia, të gjitha iniciativat kanë mosmarrëveshje rreth terminologjisë. Duke pasur parasysh këto fakte, ne nuk mund të pretendojmë se iniciativat e ardhshme do të zgjidhin pengesat aktuale nëse nuk ndryshojmë kornizën tonë të tanishme të bashkëpunimit.

    – Për më tepër, korniza aktuale nuk adreson çështje që kanë të bëjnë me pjesëmarrjen demokratike, përballjen me të kaluarën, anti-korrupsionin, përgjegjësinë qeveritare, pavarësinë gjyqësore dhe liritë e medias. Kjo më sjell në pjesën e fundit, e cila është zgjidhja për të ecur përpara. Për të ecur përpara na duhet një kornizë e re për bashkëpunim. E bazuar në vlera të përbashkëta dhe një angazhim ndaj një sërë parimesh thelbësore, kjo kornizë e re do të quhet Marrëveshja e Tregtisë së Lirë të Evropës Juglindore – ose SEFTA. – SEFTA do të përfshinte vendet e Ballkanit Perëndimor si anëtarë të barabartë me të drejta të barabarta, bazuar në një marrëdhënie të veçantë me BE, të ngjashme me marrëveshjen e Zonës Ekonomike Evropiane (ZEE). – Pas krijimit të SEFTA, BE, përmes një marrëveshje me SEFTA, do të “lëshojë dorën” tek: lëvizja e lirë e mallrave, shërbimeve, personave dhe kapitalit – në të gjithë vendet e SEFTA.

    – Do t’i përgjigjej gjithashtu “Planit të Investimeve Ekonomike të Ballkanit Perëndimor” të BE-së, i cili kërkon të mobilizojë deri në 9 miliardë EUR në fonde në këtë dekadë.

    – Duke pasur parasysh mungesën e gatishmërisë dhe ekspertizës brenda rajonit, marrëveshja me BE-në do të parashikonte një mekanizëm mbikëqyrjeje, të drejtuar dhe operuar nën Bashkimin Evropian për të siguruar që të gjithë anëtarët të jenë në përputhje me marrëveshjen; kjo është thelbësore nëse do të kemi një treg të përbashkët që funksionon në mënyrë të drejtë dhe të drejtë. – Të dy BE dhe Ballkani Perëndimor mund të mbajnë një samit të veçantë në 2024 dhe 2027 për të vlerësuar nivelin e gatishmërisë për anëtarësim të plotë në BE.

    – Kosova është e etur të anëtarësohet në BE dhe të kontribuojë në rritjen e saj të vazhdueshme. Ne e mirëpresim mundësinë për të punuar ngushtë me të gjithë fqinjët tanë rajonalë në lehtësimin e pranimit tonë kolektiv në BE. Propozimi ynë është i guximshëm, por ashtu janë edhe ëndrrat e qytetarëve tanë. Ne jemi të bindur se nëse ecim së bashku në këtë rrugë, atëherë do të jemi në gjendje të adresojmë shumë sfida dhe të arrijmë objektivin tonë të përbashkët.

  • 16:42

    ‘Ai provokoi’, Brnabiç flet pas përplasjes me Kurtin: Ai e mori përgjigjen adekuate, Serbia është shtet sovran, Kosova jo

    Ana Brnabiç

    Kryeministrja e Serbisë, Ana Brnabiç tha se takimi brenda Samitit të Ballkanit Perëndimor në Tiranë ishte më i vështirë nga sa priste, duke deklaruar se ishte më shumë një hyrje në ngjarjet e ardhshme, duke përfshirë dialogun midis Kosovës dhe Serbisë, sesa diskutim për çështjet rajonale. Ajo foli me theks të veçantë për përplasjen që e pati me Kurtin. Brnabiç u tha gazetarëve se ajo u përpoq të përqendrohej në rezultate të mira dhe bashkëpunim në rajon dhe se “dikush tjetër” (duke iu referuar kryeministrit të Kosovës, Albin Kurti) transferoi bisedën në fushën e politikës. “Por nëse doni të flisni për politikë, atëherë ne jemi këtu për të thënë faktet, por gjithashtu se bashkëpunimi është i rëndësishëm”,- tha Brnabiç. E pyetur nëse ajo pati mundësi të fliste me kryeministrin e Kosovës, Brnabiç tha se Kurti provokoi. “Unë mendoj se kishte provokime dhe idetë e tij rreth asaj se si duhet të duket bashkëpunimi rajonal, por unë mendoj se ai mori një përgjigje adekuate dhe situatën faktike”, tha Brnabiç. Kur u pyet se cilat ishin ato ide dhe cila ishte përgjigjja, kryeministrja serbe tha se nuk ishte e sigurt se sa mund të fliste për këtë, sepse gjithçka po ndodhte pas dyerve të mbyllura. “Ai foli për mënyrën se si nuk është më e mundur të bashkëpunosh kështu por në një format tjetër në të cilin Kosova dhe Serbia janë partnerë të barabartë. Serbia është shtet sovran, Kosova jo, dhe është më mirë të lihen gjëra të tilla për dialog.”- tha Brnabiç. Për këtë përplasje, pas Samitit foli edhe kryeministri i Kosovës, Albin Kurti, i cili tha se gjithçka nisi pikërisht për çështjen e njohjes.

  • 16:42

    Kurti flet pas përballjes me Brnabiç: Nuk dëshironte të pranonte që Kosova është shtet i pavarur dhe sovran

    Albin Kurti

    Kryeministri i Kosovës, Albin Kurti ka pranuar se ka pasur përplasje me kryeministren serbe, Ana Brnabiç në Samitin për Ballkanin Perëndimor në Tiranë. Kurti tha se pikërisht për çështjen e njohjes, pati polemika me kryeministren serbe. “Nuk dëshironte të pranonte që Kosova është shtet i pavarur dhe sovran. Unë theksova që Serbia do të duhej të shkëputej duke u distancuar nga regjimi i Millosheviqit dhe trashëgimia e tij. Njohja e pavarësisë së Kosovës është e vlefshme edhe për vetë Serbinë, që në këtë mënyrë mban veten peng. Kosova e ka shpallur prej 13 vitesh pavarësinë nga Serbia, është koha e fundit që Serbia të shpallë pavarësinë nga Kosova”, tha Kurti. Ai ritheksoi edhe një herë nevojën për njohjen e pavarësisë së Kosovës nga ana e Serbisë, në kushtet kur të dy shtetet marrin pjesë në këtë nismë.

  • 15:14

    ‘A dëshiron të na pushtosh sërish?’/ E FORTË! Samiti i Ballkanit Perëndimor, Kurti dhe Brnabiç, kryeministrja serbe provokon: Mendoni se mund të okupojmë territorin tonë? Kosova nuk është shtet

    Kryeministri i Kosovës, Albin Kurti, i cili është në Samitin e Ballkanit Perëndimor në Tiranë, ku po merr pjesë edhe homologia serbe Ana Brnabiç, kërkoi sot që marrëveshja e CEFTA-s të ripërcaktohet, në të cilën Kosova të trajtohej si shtet. Sipas Tanjug, Kurti gjithashtu i bëri thirrje Serbisë që të njohë Kosovën si shtet të pavarur.

    Kryeministrja serbe, Ana Bërnabiç u përgjigj duke thënë se formati aktual funksionon mirë dhe se nuk ka asnjë argument ligjor për të ndryshuar asgjë.

    Sepse Kosova është pjesë e Serbisë”,- tha ajo. Brnabiç tha se Kosovën nuk e njohin pesë anëtare të BE-së dhe nuk është as anëtare e OKB-së, ndaj dhe nuk ka kuptim që të ketë status. Replikës së homologes serbe, Kurti iu përgjigj me një pyetje: “Çfarë do të bësh, a dëshiron të na pushtosh sërish?”.

    Ndërsa Brnabiq u përgjigj: Pra ju mendoni se do të okupojmë territorin tonë?

    CEFTA është një marrëveshje e tregtisë së lirë në të cilën marrin pjesë tetë vende të rajonit të Ballkanit Perëndimor: Kosova, Shqipëria, Maqedonia, Mali i Zi, Serbia, Bosnja dhe Hercegovina, Kroacia dhe Moldavia.

  • 15:07

    Samiti i Liderëve të BP, Albin Kurti: Të futemi në BE si rajon i përbashkët, Serbia ta njohë pavarësinë e Kosovës

    Albin Kurti

    Kryeministri i Kosovës, Albin Kurti tha se ka ardhur koha që Serbia të njohë Kosovën, pasi kjo po pengon zgjidhjen në problemeve të vendit. Teksa foli para mediave pas mbajtjes së samitit,  Kurti tha se ka propozuar që vendet e Ballkanit Perëndimor të futen në Bashkimin Europian si një rajon i përbashkët, sa i përket ekonomisë dhe tregëtisë. Ai theksoi se Bashkimi Europian nuk quhet Europë pa pranuar vendetet të cilat aspirojnë të anëtarësohen.

    Fjala e Albin Kurtit: 

    Populli i Kosovës është shteti më pro-europian dhe jemi të zotuar të zbatojmë reformat e shumë fishta. Probleme tona kombëtare vijnë pas mungesës së njohjes së shtetit të Kosovës nga Serbia. Nuk mjafton vetëm tregu i përbashkët, por nevojiten vlerat e Bashkimit Europian. Na nevojiten investimet në ekonomia, drejtësia, sundimi i ligjit, etj. Bashkimi Europian nuk është Europë pa u plotësuar me 6 vendet e ballkanit Perëndimor. Kosovës duhet t’i pranohet realiteti aktual dhe të pranohet nga të gjitha shtetet. Është koha e fundit që Serbia ta shpallë pavarësinë e Kosovës. E dhashë edhe një propozim si mund të ecim përpara dhe ky është modeli i marrëveshjes europiane, që ne të hyjmë si rajon i përbashkët në BE sa i përket Ekonomisë dhe Tregtisë që në fund të kësaj të dekade të ishim të gatshëm të hynim në BE. Nuk ka më më minishengen, por procesi i Berlinit Republika e Shqipërisë dhe e Kosovës nuk shkon të kenë dallime sa i përket politikës së jashtme. Qeveria e Kosovës dhe e Shqipërisë dë të kenë shumë komunikim të dendur, jo vetëm në politikën e jashtme.

  • 14:05

    ‘Po të shkojmë ne atje…’/ Rama shpjegon stemën e samitit: E shihni atë traun atje, ai është BE, fijet janë lidhur…


    Kryeministri Edi Rama, në përfundim të konferencës me komisionerin për Zgjerimin Oliver Varhelyi shpjegoi dhe stemën që kishin pas tyre. Rama tha se trau është BE ndërsa pjesët anash saj janë fijet. Kreu i shtetit tha se jemi në rrugën e duhur për të ndryshuar historinë.

    Rama: E shihni atë traun atje, ai është BE. Fijet janë lidhur por është githë kjo rrugë për tu bërë. Cfarëdo që të bëjnë ata që janë te trau, po t’ju shkojmë ne atje me standartet me vlerat parimin, funksioon, por na takon ne. Kini besim jemi në rrugën e duhur, në këtë rrugë jemi me fat se ajo që ka ndryshuar në historinë tonë, mes shekujsh para se të shfaqej BE dhe kur u shfaq BE është pikërisht BE që na ka dhënë traun atje per të lidhur fijet se ishim me fije.

  • 13:54

    “Po e lë ta thotë komisioneri…” Varhely jep LAJMIN E MADH: Është arritur marrëveshja pa tarifa roaming në të gjithë Ballkanin Perëndimor, gjëra të tjera na presin

    Komisioneri Oliver Varhelyi ka treguar se vendet e Ballkanit Perëndimor kanë rënë dakort për marrëveshjen e heqjes së tarifave roaming mes vendeve. Sipas Varhelyi ky është vetëm një nga pikat, më pas do të mund të miratohen dhe lëvizj vetëm me karta identiteti, njohja e diplomave dhe heqjen e lejes për punë.

    Pjesë nga biseda:

    Edi Rama: Kemi një lajm të mirë për ne, por po ia lë komisionerit që ta thotë.

    Oliver Varhelyi: Këta udhëheqës kanë bërë përparime. Duhet të arrijmë atje ku duam deri në korrik. Ne po shikojmë edhe rezultatet e para. Është marrëveshja pa tarifa roaming në të gjithë Ballkanin Perëndimor. Është një arritje shumë e madhe. Do të ketë gjëra të tjera si lëvizja vetëm me karta identiteti, njohja e diplomave dhe heqja e lejes për punë.

  • 13:51

    ‘Po hyjmë në muaj të vështirë’/ Varhelyi: Kemi marrëveshje në BE për financimin e planit të IPA 3


    Komisioneri për Zgjerim, Oliver Varhely u shpreh ditën e sotme në konferencën e përbashkët me Ramën, se bashkëpunimi mes vendeve të Ballkanit Perëndimor do të sjellë një plan prej 30 mld eurosh investime, plan i cili do të financohet nga BE.

    “Jam i kënaqur që shoh që ndoshta ky do jetë fillimi i fundit të krizës së pandemisë dhe se do të fillojmë që t’i rikthehemi mënyrave të mëparshme dhe të kryhen takime të tjera kaq të rëndësishme në formë fizike dhe të shtyjmë përpara punën. Ne e shohim një angazhim dhe përkushtim të udhëheqësve për të krijuar tregun e përbashkët rajonal, nuk kemi arritur aty ku dëshirojmë , por duhet të arrijmë atje deri në korrik, kur të kemi samitin e radhës. Po shikojmë rezultatet e para që po ndryshojnë jetë qytetareve me marrëveshjen për lëvizjen pa tarifën Roaming, kjo është një arritje e madhe, do ketë të tjera që të lëvizin me ID, njohja e diplomave, heqja e lejes për punë, pra të gjithë këto gjëra do të bëjnë që bashkëpunimi në Ballkanin Perëndimorë t’i shërbejë qytetarëve. 30 mld euro në formë investimesh në rajon, ky nuk ka për të funksionuar nëse rajoni nuk funksionon si një i tërë, ky plan investimesh do japë rezultatet e veta nëse ky rajon punon në këtë treg rajonal. Nga ana ime, ne kemi një marrëveshje në BE për financimin e këtij plani, kemi arritur marrëveshje me Këshillin dhe PE për programin e fondeve të paraaderimit, mekanizëm që do të financohet ky plan. Kemi disa çështje në tryezë, duam që të organizohet konferenca ndërqeveritare me Shqipërinë dhe Maqedoninë e Veriut dhe kemi këtë Samit të sotshëm që të tregojmë rezultatet, ky vit mund të jetë për Ballkanin Perëndimor”, tha Varhelyi.

  • 13:44

    Samiti i Tiranës/ Rama: 5 korriku i vitit që vjen të na gjejë të ulur në Komisionin Europian. Tërhiqet: BE e bëri të veten, na takon ne tani

    Kryeministri Edi Rama është tërhequr nga sulmet e bëra drejt Bashkimit Europian të cilin e ka cilësuar përjashtuese ndaj vendeve të Ballkanit Perëndimor për ndihmën e dhënë gjatë pandemisë së Covid-19. Në konferencën e përbashkët me komisionerin Oliver Varhelyi, Rama tha se Bashkimi Europian e ka bërë të veten dhe tashmë e kanë në dorë vendet e BP për të bërë tyren. Kreu i qeverisë tha më tej se uron që pesë korriku i vitit të ardhshëm t’i gjejë në tavolinë me Komisionin Europian.

    “I falenderoj të gjithë kryetarët e shtetit të qeverive të pranishëm nga të gjitha vendet e Ballkanit Perëndimor. Por më shumë falenderoj komisionerin që ndërroi axhendën e tij për të ardhur këtu. Jemi mbledhur për të shtyrë përpara një proces që nuk ka rëndësi çfarë thotë njëri e tjetri, por rëndësi ka që të çojë përpara njehsimin e Europës në rajonin tonë. Ky proces është i mbështetur dhe nga një plan financiar në kuadrin e një plani investimesh të BE-së që për nga volumi i fondeve të vëna në disponim, për infrastrukturë hekurdhore, rrugore e portuale, të gjithë sektorit të energjisë, të digjitalizimit. Kjo përbën lëvizjen më të madhe historikë të Bashkimit Europian. Ishte një kënaqësi sepse më në fund takimi nuk ishte virtual. Ne kemi mundësi që t’i mirëpresim pa masa shtrënguese, besoj se edhe komisioneri e delegacioni nga Brukseli ndjehen mirë që maskat e Brukselit i hoqën në Tiranë. Planët e punëve janë konkrete. Është një nga ato momente që duhet të pranojmë se Bashkimi Europian të veten e ka bërë, ne na takon të bëjmë tonën. Mbetemi të palëkundur se projekti ai i atij që unë e quaj shengeni Rajonal,dikush tjetër e quan mini-shengen, dikush tjetër mund të mos e thërrasë më fare në emër, s’ka rëndësi. Rendësi ka që është diçka që do na sjellë përfitime si rajon. Procesi i Berlinit shpresoj të kalojë në Komisionin Europian me dëshirën që 5 korriku të jetë i fundit që bëhet në formatin e deritanishëm dhe ai i vitit të ardhshëm të bëhet me praninë e vendeve të Ballkanit. Ambicia është që avancimi rajonal me 4 liritë e BE-së të njihen edhe në vetë vendet brenda unionit. Të lëvizin lirshëm brenda nesh edhe pse nuk jemi pjesë e BE-së,”- tha Rama. 

  • 13:44

    "Komisioneri hoqi maskat e Brukselit në Tiranë", Rama bën batutë me Varhelyin: Tani na takon neve të bëjmë tonën!

    Kryeministri Edi Rama e njoftoi Komisionerin për Zgjerimin Oliver Varhelyi se maska në Shqipëri që prej 1 qershorit nuk është më e detyrueshme. Por përtej pandemisë, duket se pranimi i Varhelyit për të hequr maskën është edhe një tjetër simbolikë. “Komisioneri i hoqi maskat e Brukselit në Tiranë”, -tha Rama duke buzëqeshur, dhe pohuar se qasja e Varhelyit është tjetër nga ajo e tij kur është në BE. Komisioneri njihet për qëndrimet e ashpra në raport me qeverinë Rama dhe zhvillimet politike në Shqipëri.“Më në fund takimi nuk ishte virtual sepse ne kemi mundësinë që t’i mirëpresim miqtë tanë pa masa shtrënguese. Besoj se edhe komisioneri, edhe delegacioni nga Brukseli, ndihet mirë që maskat e Brukselit i hoqi në Tiranë. Tashmë gjërat janë konkrete, planet e punëve janë konkrete. Bashkimi Evropian dhe KE e kanë bërë të veten. Tani na takon neve të bëjmë tonën.”,-tha Rama. 

  • 13:20

    KOSOVË dhe SERBI! Liderët mbërrijnë njëri pas tjetrit, Rama i ‘’rreh shpatullat” Kurtit, Ana Brnabiç heq maskën sa sheh kryeministrin e Shqipërisë

    Albin Kurti dhe Ana Brnabiç kanë mbërritur njëri pas tjetrit në Pallatin e Brigadave në Tiranë ku po mbahet Samiti me liderët e Ballkanit Perëndimor. I pari ka mbërritur Kurti, i cili është future brenda teksa Rama duket se ‘i rrëh shpatullat’. Ndërsa pas tij, futet Ana Brnabiç. Kjo e fundit, mjaft e qeshur, heq maskën sapo takohet me kryeministrin e Shqipërisë, Edi Rama. Më pas të dy futen brenda.

  • 12:23

    Momenti PIKANT! Oliver Varhelyi tregohet i rregullt, tenton të hyjë me maskë në Pallatin e Brigadave, Rama ia heq

    Komisioneri Oliver Varhelyi është treguar mjaft i rregullt. Ditën e sotme ai ka mbërritur në Pallatin e Brigadave me maskën anti-Covid të vendosur në fytyrë. Por, sapo ka takuar kryeministrin Rama, Varhelyi është përshtatur me ambientin. Vetë kreu i Qeverisë është kapur nga kamerat kur i kërkon komisionerit që ta heqë maskën dhe ky i fundit bindet.

  • 11:22

    “Përzë” gazetarët? Rama: U kërkoj mediave të na lënë të vazhdojmë punën

    Kryeministri Edi Rama ka mbajtur fjalën hapëse në Pallatin e Brigadave, aty ku kanë nisur punimet e mbajtjes së Samitit të Tiranës, pjesë e të cilit janë bërë dhe liderët e Ballkanit Perëndimor. Teksa përshëndeti të pranishmit, Rama tha më pas se më mirësjellje  ukërkoi gazetarëve që ta linin të vazhdonte punën. Në një farë mënyre, ‘përzuri’ mediat.

    “Përpara se sa të nisim seancën e punë, ju falenderoj shumë që pranuat ftesën në një kohë kaq të shkurtër. Jam i lumtur që t’ju uroj të gjithëve mirëseardhjen në Tiranë. Kjo është një shenjë e qartë e vullnetit tonë për të marrë një autorësi rajonale të zbatimit të planit të BE-së, ekonomik dhe të investimeve për Ballkanin Perëndimor. I jam dhe shumë mirënjohës dhe komisionerit që e nisi dhe e prmovoi këtë plan të madh si një instrument kyç që do të nandihmojë të rimëkëmbemi në një epokë post-pandemike. Të na çojë apo të shkojmë drejt rritjes së qëndrueshme. Faleminderit dhe do t’i kërkoja me mirësjellje medias që të na lërë të vazhdojmë punën. Si fillim do të doja t’i jepja fjalën komisionerit për të krijuar….”- tha Rama.

  • 11:28

    “Përzë” gazetarët? Rama: U kërkoj mediave të na lënë të vazhdojmë punën

    Edi Rama dhe Albin Kurti

    Kryeministri Edi Rama ka mbajtur fjalën hapëse në Pallatin e Brigadave, aty ku kanë nisur punimet e mbajtjes së Samitit të Tiranës, pjesë e të cilit janë bërë dhe liderët e Ballkanit Perëndimor. Teksa përshëndeti të pranishmit, Rama tha më pas se më mirësjellje  ukërkoi gazetarëve që ta linin të vazhdonte punën. Në një farë mënyre, ‘përzuri’ mediat.

    “Përpara se sa të nisim seancën e punë, ju falenderoj shumë që pranuat ftesën në një kohë kaq të shkurtër. Jam i lumtur që t’ju uroj të gjithëve mirëseardhjen në Tiranë. Kjo është një shenjë e qartë e vullnetit tonë për të marrë një autorësi rajonale të zbatimit të planit të BE-së, ekonomik dhe të investimeve për Ballkanin Perëndimor. I jam dhe shumë mirënjohës dhe komisionerit që e nisi dhe e prmovoi këtë plan të madh si një instrument kyç që do të nandihmojë të rimëkëmbemi në një epokë post-pandemike. Të na çojë apo të shkojmë drejt rritjes së qëndrueshme. Faleminderit dhe do t’i kërkoja me mirësjellje medias që të na lërë të vazhdojmë punën. Si fillim do të doja t’i jepja fjalën komisionerit për të krijuar….”- tha Rama.

  • 11:16

    Veshur me çitjane dhe xhaketë ngjyrë blu të errët, si po i pret kryeministri Rama liderët e Ballkanit në Pallatin e Brigadave, del në shkallë sapo mbërrijnë

    Kryeministri Edi Rama nuk ka hequr dorë nga paraqitja e tij e zakonshme, edhe në pritjen e liderëve të Ballkanit që ka bërë sot. Veshur me çitjanet dhe me një xhaketë ngjyrë blu të errët, Rama ka dalë në shkallët e brigadave sa herë që ka mbërritur një nga të ftuarit. Ai u ka shtrënguar duart dhe i ka shoqëruar deri në dhomën ku do të bëhen punimet.

  • 11:10

    Takon Ramën para nisjes së Samitit/ Varhelyi: Do të diskutojmë zbatimin e Planit Ekonomik të Investimeve

    Oliver Varhelyi, Edi Rama

    Ditën e sotme në Pallatin e Brigadave do të zhvillohet Samiti i Krerëve të Ballkanit Perëndimor. Komisioneri për Zgjerimin e BE-së, Oliver Varhelyi është sot në Tiranë, pasi pritet të mbahet samiti rajonal me drejtuesit e Ballkanit Perëndimor. Në një shënim në Twitter, Varhelyi ka postuar një foto me Ramën.

    Varhelyi bën me dije se: “Para Samitit të Tiranës me liderët e Ballkanit Perëndimor u takova me kryeministrin Edi Rama. Ne sot do të diskutojmë zbatimin e Planit Ekonomik të Investimeve, të paraqitur për rajonin nga Komisioni Europian, si dhe të shikojmë përpara për Samitin e Procesit të Berlinit me liderët e rajonit, në 5 korrik”.

  • 10:56

    Mbërrin Varhelyi në Pallatin e Brigadave! Rama i del para në shkallë, i shtrëngon dorën

    Oliver Varhelyi ka mbërritur në Pallatin e Brigadave. Kryeministri Edi Rama i ka dalë para në shkallë dhe e ka pritur Komisionerin Europian për Zgjerimin. Në videon e publikuar nga Dosja.al shihet momenti kur Rama i shtrëngon dorën Varhelyi.

  • 9:01

    Albin Kurti niset drejt Tiranës, merr ‘bekimet në Prizren: Busulla jonë historike

    Albin Kurti, kryeministri i Kosovës është nisur drejt Tiranës, aty ku do të bëhet bashkë me liderët e Ballkanit Perëndimor. Në një postim në Facebook, Kurti ka publikuar një foto ku shihet se ka ndaluar në Prizren, në kuadër të përvjetorit të Lidhjes së Prizrenit.

    “Jemi nisur herët në mëngjes për në Tiranë, ku do të takohemi me udhëheqësit e shteteve të rajonit. Por sot është data e kryengjarjes së kombit tonë, përvjetori i Lidhjes që u mblodh në 10 qershor 1878 në Prizren. Ishte e domosdoshme të ndaleshim në Prizren për ta nderuar Lidhjen e veprimtarët e saj, gegë e toskë e të të gjitha bindjeve politike e feve, që vendosën të bëhen bashkë për mbrojtjen e njerëzve e trojeve të Atdheut. Pas homazheve, vijuam rrugën për në Shqipëri, duke e patur përherë të qartë se cila është busulla jonë historike, ajo që na e tregon udhën e mbarë,”- shkruan kryeministri i Kosovës.

Shto Koment