Politike

AXHENDA e takimeve/ Avdullah Hoti i kthen vizitën Ramës, vjen nesër në Tiranë. Nga Meta tek Basha, ja kë takon

Nesër paradite kryeministri i Kosovës, Avdullah Hoti do të zhvillojë një takim me homologun e tij, Edi Rama dhe më pas të dy do të zhvillojë një konferencë për mediat.
Featured image of article: AXHENDA e takimeve/ Avdullah Hoti i kthen vizitën Ramës, vjen nesër në Tiranë. Nga Meta tek Basha, ja kë takon Edi Rama dhe Avdullah Hoti

TIRANË– Kryeministri i Kosovës, Avdullah Hoti do të zhvillojë vizitën e tij të parë zyrtare në Shqipëri. Nesër paradite Hoti do të zhvillojë një takim me homologun e tij, Edi Rama dhe më pas të dy do të zhvillojë një konferencë për mediat.

Më pas, Hoti do të ndalojë edhe në zyrën e presidentit Ilir Meta, kryeparlamentarit Gramoz Ruçi, kryebashkiakut të Tiranës, Erion Veliaj dhe në fund do të “zbarkojë” në zyrën e kryedemokratit Lulzim Basha.

Kjo është vizita e parë zyrtare e Hotit si kryeministër i Kosovës, pasi u zgjodh nga parlamenti disa javë më parë. Emërimi i tij në krye të kabintetit erdhi pas mocionit të mosbesimit që u votua për qeverinë e Albin Kurtit, disa muaj pas zgjedhjeve parlamentare në Kosovë.

Axhenda e plotë e kryeministrit Hoti:

10:00- Pritja e kryeministrit Avdullah Hoti nga kryeministri Edi Rama. VENDI: Pallati i Brigadave

11:15- Konferencë e përbashkët për shtyp e Kryeministrit të Kosovës, Avdullah Hoti dhe Kryeministrit të Shqipërisë, Edi Rama.

Për më shumë bëhu pjesë e grupit më viral në Facebook, Dosja.al

13:10 –Takim me Presidentin e Republikës së Shqipërisë, Ilir Meta. VENDI: Presidencë – Salla Skënderbe

14:00 -Takim me Kryetarin e Kuvendit të Shqipërisë, Gramoz Ruçi. VENDI: Zyra e Kryetarit të Kuvendit

14:45 -Takim me Kryetarin e Bashkisë së Tiranës, Erion Veliaj. VENDI: Zyra e Kryetarit të Bashkisë

15:30 –Takim me Kryetarin e Partisë Demokratike, Lulzim Basha. VENDI: Zyra e Kryetarit të PD

(k.m/dosja.al)

Shto Koment