Aktualitet

Autostrada Tiranë- Durrës për më shumë se 3 muaj me një korsi, ARRSH: Bllokohet aksi nga ish Dogana deri në Vorë

një aks i autostradës Tiranë-Durrës, nga ish Dogana deri  në Vorë,  që prej ditës së nesërme deri më 17 korrik të këtij viti do të bllokohet pasi do të ri-konstruktohet sistemi i ndriçimit.
Featured image of article: Autostrada Tiranë- Durrës për më shumë se 3 muaj me një korsi, ARRSH: Bllokohet aksi nga ish Dogana deri në Vorë Autostrada Tiranë-Durrës

Tiranë- Një aks i autostradës Tiranë-Durrës, nga ish Dogana deri  në Vorë,  që prej ditës së nesërme deri më 17 korrik të këtij viti do të bllokohet pasi do të ri-konstruktohet. Arsyeja e këtij bllokimi është vendosja e sistemit të ndriçimit.

Njoftimi i plotë:

Autoriteti Rrugor Shqiptar dhe Policia e Qarkullimit Rrugor informojnë se, duke nisur nga dita e Mërkurë datë 8 Maj 2019 ora 08:00 në mëngjes deri në datë 17.07.2019, në kuadër të projektit “Mirëmbajtja dhe Siguria Rrugore Bazuar në Rezultate”, financim i Qeverisë së Shqipërisë dhe Bankës Botërore, do të realizohen punime në rrugë si më poshtë vijon:
– Rehabilitim i sistemit te ndriçimit në Autostradën Tiranë-Durrës, nga Km 0+000 deri në Km 14+750, Segmenti rrugor: ish Dogana-Qafë Kashar-Vorë.
Qarkullimi i mjeteve në pjesën ku do të kryhen punimet do të jetë me shpejtësi të reduktuar, lëvizja e mjeteve do të drejtohet në 1 korsi (Punimet kryhen vetëm gjatë njërit drejtim të rrugës) dhe do të realizohet në përputhje me sinjalistikën e vendosur sipas Planit të Menaxhimit të Trafikut të miratuar.

Punonjësit e Autoritetit Rrugor Shqiptar, Policisë së Qarkullimit Rrugor dhe kompanisë së mirëmbajtjes do të jenë në terren për mbarëvajtjen e ndërhyrjes dhe orientimin e trafikut sipas planit të menaxhimit të miratuar.

ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve dhe bizneseve te zonës gjatë procesit të ndërhyrjes në këtë segment rrugor, respektimin në mënyrë rigoroze të sinjalistikës provizore të vendosur, rregullat e qarkullimit rrugor, si dhe udhëzimet e Policisë Rrugore në terren.

J.V/Dosja.al

Shto Koment