Politike

‘Atë 19-ën ku ta kesh!’/ Kush është Pandeli Majko, ‘senatori’ socialist që nga ministër humbi karrigen e deputetit, si e dogji skema e Ramës për zgjedhje…

Pas ardhjes në pushtet të Partisë Socialiste në vitin 2013, Majkos iu besua detyra si ministër i Diaporës, me 'misionin' për të mundësuar votën e emigrantëve shqiptarë që jetojnë jashtë territorit të vendit. Por nuk ia doli! Në përballje me kryekomisionerin Ilirjan Celibashi, edhe në zgjedhjet e fundit parlamentare, emigrantët nuk arritën të votonin. 
Featured image of article: ‘Atë 19-ën ku ta kesh!’/ Kush është Pandeli Majko, ‘senatori’ socialist që nga ministër humbi karrigen e deputetit, si e dogji skema e Ramës për zgjedhje… Pandeli Majko

TIRANË- Ish-kryeministri i vendit, Pandeli Majko nuk do të jetë deputet i legjislaturës së re të Kuvendit. I vendosur në vendin e 19-të në listën e Partisë Socialiste të Tiranës, Pandeli Majko nuk ka arritur që të kapë numrin e mjaftueshëm të votave personale për të thyer herësin, duke humbur postin si deputet.

Ministri i Diapsorës lindi në Tiranë, më 15 nëntor 1967 në Tiranë, e ka mbaruar studimet e larta në Fakultetin e Inxhinierisë Mekanike dhe atë të Drejtësisë. Karriera e tij politike nisi si kryetar i Forumit Rinor të PS, nga viti 1992-1995 për t’u bërë më pas njeriu më i rëndësishëm i vendit në kohë të vështira.

Përgjatë viteve 1998-1999, Majko mori postin e kreut të qeverisë, të cilin e rimori për 8 muaj edhe në vitin 2002. Duke luajtur një rol të rëndësishëm gjatë luftës së Kosovës dhe bombardimeve të NATO-s në Serbi për të sjellë fundin e përplasjeve. 

Pas ardhjes në pushtet të Partisë Socialiste në vitin 2013, Majkos iu besua detyra si ministër i Diaporës, me ‘misionin’ për të mundësuar votën e emigrantëve shqiptarë që jetojnë jashtë territorit të vendit. Por nuk ia doli! Në përballje me kryekomisionerin Ilirjan Celibashi, edhe në zgjedhjet e fundit parlamentare, emigrantët nuk arritën të votonin. 

Ndërsa kryeministri Edi Rama, mendonte në seli, strategjinë sesi të merrte maksimumin e mandateve në çdo qark, duke vënë në zonën e rrezikut veten dhe socialistët e tjerë. Të gjithë “senatorët”, veç Erion Braçes, u vunë në rreziku por e pësoi vetëm Majko. Fatmir Xhafaj, Gramoz Ruçi dhe vetë Rama ia dolën që të bënin një vend për vete. 

Për më shumë bëhu pjesë e grupit më viral në Facebook, Dosja.al

Po si e komentonte asokohe vendin e caktuar nga Rama në listë?

Një nga logot rezervë të fushatës, kam ‘atë 19 ku ta kesh!’. Sa më shumë të punosh aq më shumë taksohesh, si taksa progresiste,”-thoshte Majko.

Deri më tani nuk ka asnjë koment nga vetë Majko lidhur me lënien jashtë Kuvendit pas një jete në politikë. Veçse këtë herë nuk mund të përdorë me justifikimin e dhëmballës…

(k.m/dosja.al)

Një Koment në “‘Atë 19-ën ku ta kesh!’/ Kush është Pandeli Majko, ‘senatori’ socialist që nga ministër humbi karrigen e deputetit, si e dogji skema e Ramës për zgjedhje…

  1. Na plasi shume, nje m.t ka bere pas 2002-shit. Thjesht si ai vaji i dikurshem i partise qe perdorej edhe si vajguri. Mire qe doli se ngeli ne Parlament. Te pakten tani ka kohe te pajtohet me familjaret e tij

Shto Koment