Editorial

Astrea, Perëndesha e Virgjër e Drejtësisë, është ç’virgjëruar nga Politika!

Nuk mjaftuan as milionat e ndërkombëtarëve apo edhe gardianët EULEX dhe OPDAT, që të shëronin systemin tonë gjyqësor nga vesi i korrupsionit dhe nga varësia e tij nga politika.
Featured image of article: Astrea, Perëndesha e Virgjër e Drejtësisë, është ç’virgjëruar nga Politika!

TIRANË– Drejtësia e re, e shumëpritur, që do të shdërronte sitemin e padrejtësisë në atë të drejtësisë ku ligji është i barabartë për të gjithë, nuk po duket gjëkundi. Në mitologjinë Greke, drejtësia personifikohej nga perëndesha e virgjër Astrea’s, e cila u largua drejt qiellit kur njerëzit filluan të zhvasnin njëri-tjetrin dhe ligjin e bënte më i forti. Ajo u largua drejt qiellit, duke i’u betuar banorëve të Tokës se do të kthehej vetëm kur ata të jetonin në paqe dhe kur drejtësia të sundonte kudo. Nuk mjaftuan as milionat e ndërkombëtarëve apo edhe gardianët EULEX dhe OPDAT, që të shëronin sistemin tonë gjyqësor nga vesi i korrupsionit dhe nga varësia e tij nga politika. Ndërkombëtarët u përpoqën që ta fekondonin Astrean shqiptare me spermatozoidë antikorrupsion me metodën moderne “in vitro”, por pa sukses. Për të justifikuar milionat e derdhur nga taksapaguesit euro – amerikan, ndërkombëtarët e dorrëzuan Asterian te pushtetari i radhës për fekondim natural. Mjafton që në letra të kishin një drejtësi të re. E mësuar të prostituonte me politikanët e radhës sa herë që ndërrohej pushteti, edhe drejtësia e re nuk bëri përjashtim nga tradita. Mjaftoi një dokument konfidencial ku Presidentit të Republikës i propozohej nga ndërkombëtarët një “Pazar” në zgjedhjet e anëtarëve të Gjykatës Kushtetuese, për të parë që tyli i bukur antikorupsion prerë me delikatesë nga rrobaqepesit “OPDATEULEKS” të bjerë dhe ne të gjithë të shohim drejtësinë lakuriq. Një prostitutë e politikanëve dhe zarfave nën tavolinë.

Shashkat e Ambasadores dhe Rruspa mbi Teatrin e Drejtësisë.

Dy ditë më parë, Ambasadorja Kim, hodhi një shashkë tymuese, ku aludonte se aktorët politik po bëjnë pazare në kurriz të reformës në drejtësi. U vunë në radhë politikanët të akuzonin njëri-tjetrin për cilin politikan e kish Ambasadorja. U shpenzuan orë të tëra nëpër studio televizive për të nxjerrë “qimen nga qulli” që hodhi Ambasadorja Kim. Pyetja shtrohet: kush ka në dorë reformën? Opozita e Bashës ka vetëm çelësat e kashtës se është jashtë çdo pushteti. Presidenti Meta, me ndryshimet kushtetuese ka kompetencë të dekorojë veteranët, si dhe të vonoj vetëm ca ditë një ligj që miraton qeveriparlamenti. Madje kur nuk i përshtatet maxhorancës mund ta zëvendësojë me një notere buzë Lanës edhe me pëlqimin “ambasadorial”. Tani edhe gurin edhe arrën i ka në dorë vetëm qeveriu që mund të nxjerri ligje edhe nga FB. Kështu që Ambasadorja mund të na kursejë këtë lojë konspirative. Nëse nuk mund t’ia thotë ballazi, mjafton të komunikoj me K/ministrin me mesazhe në FB. Ne na mjaftoi rruspa mbi teatrin ku u shkelën një zinxhirr ligjesh, për të kuptuar se kush e ka “përdhunuar” virgjëreshën Astrea të drejtësisë.

Për më shumë bëhu pjesë e grupit më viral në Facebook, Dosja.al

Astrea dhe Opozita…

Mjafton të shohësh mënyrën antiligjore dhe arrogante se si rruspat e shtetit i morën shpirtin teatrit që as tërmeti nuk mundi dot, për të kuptuar se as opozita e as drejtësia nuk e frikësjnë as qeverinë, e as bashkinë. Nga ligji Fusha te ligji Kodra. Nga ligji Kodra te ligji Rruspa, qentë le të lehin, kadrinjtë le të çirren, revolucioni arroganto-fadromist vazhdon! Lëvizjet okulte të liderit Basha, shoqëruar me një buzëqeshje naive, fëminore, nuk i bindin shumë shqiptarët që janë një shoqëri maskiliste. Ata janë mësuar me prijës të fortë, burra të besës që dinë t’i vënë gjoksin furtunës edhe nëse “kundërshtarët” janë Ambasadorët e Fuqive të Mëdha. Që Perëndesha e Drejtësisë Astrea të kthehet në Shqipëri, Basha dhe gjithë ekipi i tij, duhet të tridhen nga testet e korrupsionit dhe t’i japin garanci se nuk do ta përdhunojnë ashtu siç bënë pushtetarët e mëparshëm.

Astrea po na vëzhgon nga lart. Ajo do të vijë edhe në Shqipëri kur ne do të respektojmë ligjin si të vetmin Shenjt!

Një Koment në “Astrea, Perëndesha e Virgjër e Drejtësisë, është ç’virgjëruar nga Politika!

  1. Kur eshte respektuar ndonjehere ligji dhe nuk eshte varur nga politika qysh nga krijimi (1912)?! ‘Astrea’ le te vazhdoje te vezhgoje e te prese qe paqja dhe drejtesia te vendosen ne Shqiperi. Ceshtja eshte nese ne shqiptaret jemi ne gjendje te bejme shtet si vendet perendimore? Ndoshta do te duhen edhe 100 vjet te tjera. Duke pritur asgje e mire nuk ndodh…

Shto Koment