Kulture

Arti në zî, shuhet aktorja e mirënjohur shqiptare Marika Kallamata, ‘gjyshja e përrallave’ që la mbresa

Homazhet do të mbahen nesër, në ambientet e "arTurbinës", nga ora 11:00-13:00.
Featured image of article: Arti në zî, shuhet aktorja e mirënjohur shqiptare Marika Kallamata, ‘gjyshja e përrallave’ që la mbresa Marika Kallamata
Përditësuar:

TIRANË– Marika Kallamata, aktorja e mirënjohur shqiptare është ndarë nga jeta duke lënë një boshllëk në artin shqiptar. Lajmin e hidhur e ka bërë të ditur ministrja e kulturës, Elva Margariti.

Me anë të një statusi në rrjetet scoiale, Margariti shkruan se aktorja, e njohur ndryshe si ‘gjyshja e përrallave’ ka ikur nga kjo botë. Më tej, Margariti bën me dije se homazhet do të mbahen nesër, në ambientet e “arTurbinës”, nga ora 11:00-13:00.

“Ndonëse ka luajtur dhjetëra role në teatër e kinema, ajo do të mbetet për ne, përherë, gjyshja e përrallave.
Marika Kallamata, aktorja e mrekullueshme, gruaja me pamje të paqtë e zë të ngrohtë, u nda prej nesh, duke lënë pas jo vetëm një galeri të pasur rolesh, kujtimesh të dashura, për të gjithë ata që e njohën nga afër, por edhe timbrin e ngrohtë: Na ishte seç na ishte…!
🙏U prehsh na paqe e dashura jonë, që na e përkunde fëmijërinë me mijëra fantazi! Homazhet do të mbahen nesër, në ambientet e “arTurbinës”, nga ora 11:00-13:00,”- shkruan Margariti në statusin e saj. 

Aktorja e ndjerë, Marika Kallamata u lind në Fier më 17 nëntor 1930, dhe është është nderuar me titullin “Artiste e Merituar”. E njohur ndryshe si ‘gjyshja e përrllave’, Kallamata mbahet mend për më shumë se 60 role, në të cilat ajo ka ruajtur individualitetin e saj.

Për më shumë bëhu pjesë e grupit më viral në Facebook, Dosja.al

Ndër rolet më të sukseshëm përmendim: Ortensia, Aspasia, Mara, Fallxhesha, Nina, Ana, Nekija, etj.

Kallamata doli në pension, në tetor 1985, por Marika nuk u shkëput nga skena. Në vitin 2004 ajo u ngjit me kolegët e saj në skenë pas shumë vitesh, në dramën “Streha e të harruarve”.

(f.m/dosja.al)

Shto Koment