Rajoni

“Takohemi nga afër për një foto”/ Arrestohet pedofili, “Dragoi i Instagramit” bindi minorenet që të bëheshin pjesë e “botës së modës” nën emrin Iliana, njëra e ‘hëngri’ karremin

Sipas mediave greke 29-vjeçari kishte krijuar një profil me emrin "Iliana" ku e konsideronte veten si një "menaxhere modelingu" me një tarifë prej 300 eurosh.
Featured image of article: “Takohemi nga afër për një foto”/ Arrestohet pedofili, “Dragoi i Instagramit” bindi minorenet që të bëheshin pjesë e “botës së modës” nën emrin Iliana, njëra e ‘hëngri’ karremin Foto ilustruese

GREQI- Autoritetet policore greke kanë vënë në pranga një pedofil 29-vjeçar, i cili ka abuzuar me të mitura që i ka njohur nëpërmjet rrjetit social Instagram. Sipas mediave greke, 29-vjeçari kishte krijuar një profil me emrin “Iliana” ku e konsideronte veten si një “menaxhere modelingu”,që me një tarifë prej 300 eurosh i shëndronte në modele. Arrestimi i tij u bë pasi prindërit e dy vajzave 12-vjeçare janë ankuar në polici. Ndërsa një vajza ra brenda presionit dhe këmbënguljes së tij për t’u takuar.

“Të takohemi nga afër për të bërë një foto?” ishte pyetja që i kishte drejuar pedofili 29-vjeçar një minoreneje.

Kur u arrestua, policia zbuloi se 29-vjeçari ishte arrestuar edhe një herë në vitin 2017 në Lamia për të njëjtin krim. Për të dëshmuar u thirrën vetëm prindërit e vajzave dhe ato jo pasi gjendja e tyre psikologjike ishte shumë e rënduar.

Policia deri tani nuk ka dhënë ndonjë informacion të saktë se kur ka filluar pedofilia dhe se sa viktima kanë rënë pre e 29-vjeçarit. Gjithashtu po me adresën “Iliana”, ka mundur që të kontaktojë me një minorene dhe të marrë foto dhe video nudo të saj duke këmbëngulur. Pas fotove dhe videove, ai ka kërkuar që të takohet nga afër me minorenen për ta fotografuar. Për ta bërë me të besueshme faktin nisi bisedë edhe me nje shoqe të vajzës.

Për më shumë bëhu pjesë e grupit më viral në Facebook, Dosja.al

Sipas autoriteteve policore pedofili ka kërkuar që të ndiqet nga një psikiatër pasi e ka konsideruar këtë si një “pasion të sëmurë”. Ndërsa në rajon, policia ka thënë se ai ka shfaqur një sjellje normale duke mos kryer një asnjë veprim dyshues madje edhe duke e pranuar fajin.

“E pranoj. Por unë dua që ju ta dini se unë kam një problem. Kam një problem me të miturit. Unë kam një moment që nuk mund ta kontrolloj. Unë kërkoj që kjo të shqyrtohet nga një specialist dhe një psikiatër të më shohë “, është shprehur 29-vjeçari.

Por sipas psikologëve pedofilët i përkasin një kategorie të veçantë personash, dhe se kanë aftësi shumë ndikuese te viktimat e tyre. Ata kanë një plan të mirëmenduar për të futur në grackë viktimat e tyre.

(I.A/dosja.al)

Shto Koment