Aktualitet

Arrestohet një person për armëmbajtje pa leje, ishte autor i një vjedhjeje në një pikë karburanti

Vihet në pranga një 38-vjeçar që dispononte armë zjarri pa leje.
Featured image of article: Arrestohet një person për armëmbajtje pa leje, ishte autor i një vjedhjeje në një pikë karburanti Foto Ilustruese
Përditësuar:

BERAT– Vijon puna për goditjen e paligjshmërisë në fushën e armëmbajtjes pa leje.

Vihet në pranga një 38-vjeçar që dispononte armë zjarri pa leje.

Nga hetimet paraprake ky shtetas dyshohet dhe si autor i një vjedhjeje të ndodhur më parë.

Njoftimi i policisë:

Në vijim të punës për parandalimin, evidentimin dhe goditjen e paligjshmërisë, specialistët e krimeve në Komisariatin e Policisë Berat, në bazë të informacioneve të marra se një shtetas, në fshatin Kutalli, Dimal, dispononte armë zjarri në banesë, kanë organizuar punën dhe kanë ushtruar kontroll në banesën e shtetasit M. B.

Për më shumë bëhu pjesë e grupit më viral në Facebook, Dosja.al

Gjatë kontrollit të banesës, Policia gjeti dhe sekuestroi në cilësinë e provës materiale 1 armë zjarri automatik, një krehër dhe 7 fishekë.

Gjatë veprimeve hetimore paraprake rezultoi se shtetasi M. B., 38 vjeç, është autor i dyshuar i vjedhjes së një shume parash në një pikë karburanti, në datën 22.04.2021.

Materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme.

(d.a/dosja.al)

Shto Koment