Aktualitet

Arrestohet pronari i UET, Henri Çili, mori 750 mijë euro prona e para në këmbim të lirisë së vrasësve të efektivit të RENEA-s,në pranga biznesmeni Fishta dhe 27 të tjerë

Ekskluzive
  • Dvorani: S’kam dijeni për çështjen e Alikove, s’e kam takuar Çilin
  • 750 mijë € dhe 2 pronat e biznesmenit Fishta, zbardhet DOSJA
  • Kontrolle në Lazarat, arrestohet Amarildo Aliko, sekuestrohen armë e municione
  • Kush është Arbjon Aliko, ekzekutoi Ibrahim Bashën, kërcënoi Ramën e ‘arrestoi’ Çilin
  • Ky është Amarildo Aliko, i vogli i familjes që u arrestua sot në Lazarat
  • Kryeprokurori Olsian Çela: Operacioni fryt i prokurorisë së pavarur
  • EMRAT/ Kush janë të arrestuarit e operacionit 'Mezhgorani'
  • VOA: Dyshohet se partnerja e Çilit, Pranvera ka përfituar dy apartamente nga Alikojt
  • Për kë do të LOBONTE Henri Çili? Liria e shtrenjtë e vrasësve të Ibrahim Bashës…
  • Policia s’po gjen dot ku fshihet “zyrtari i lartë”, mister identiteti i njeriut nga Shkodra
  • Arrestohet gjatë natës pronari i UET, Henri Çili, shoferi i tij, avokati Ilir Korbi, biznesmeni Sait Fishta dhe 27 persona të tjerë. Të arrestuarit akuzohen se kanë ndikuar tek gjyqtarët për të liruar Arbion dhe Alban Alikon. Ndaj Çilit rëndojnë akuzat për korrupsion, ushtrim të ndikimit të paligjshëm, falsifikim të dokumenteve dhe shpërdorim detyre.
    Featured image of article: Arrestohet pronari i UET, Henri Çili, mori 750 mijë euro prona e para në këmbim të lirisë së vrasësve të efektivit të RENEA-s,në pranga biznesmeni Fishta dhe 27 të tjerë Henri Çili, Ilir Korbi, Sait Fisha, Arbion, Alban Aliko dhe policia e gjirokastrës
    Përditësuar:

    TIRANËDosja.al zbulon ekskluzivisht se mbrëmjen e së enjtes u arrestua në Tiranë për llogari të Gjykatës së Gjirokastrës, pronari i Universitetit Europian të Tiranës, njëherazi dhe botuesi, Henri Çili. Bashkë me të, në prangat e Policisë kanë rënë  Drejtori Juridik i UET-së,  Ilir Korbi, biznesmeni shkodran, Sait Fishta, shoferi i Çilit (identiteti i të cilit ende nuk dihet) dhe 26 persona të tjerë. Urdhër-arrestet për ndalimin e tyre janë lëshuar nga Prokuroria e Përmetit, pasi akuzohen se ndikuan tek gjyqtarët për të liruar nga burgu dy nga anëtarët e grupit të Lazaratit, të dënuar për vrasjen e efektivit të RENEA-s, Ibrahim Basha.

    Dosja.al gjithashtu ka mësuar se disa nga të arrestuarit janë: Xhevair Sejati; Neuland Miçi; Skënder Toska; Armando Hajdinaj; Sidi Ramaj; Erment Beqaraj; Askerd Malkë; Elidon Alikollari; Lisandër Alikollari; Ervin Çela; Ali Hysa; Antonio (Saimir) Hasa; Entilon Kamberaj; Abaz Dani (Mesi); Shpresa Gjoci; Sait Fishta; Besnik Fishta; Henri Çili; Enri (Gazmir) Ajdinaj; Ilir Korbi; Liko Jazi; Amarildo Aliko; Eraldjan Hodo; Renato Riza Toska; Kejsi Kujtim Meço; Edmond Xaka; Kristina Bashi; Adriatik Braka.

    Dosja.al gjithashtu zbardhi dosjen hetimore, ku rezulton se Henri Çili ka marrë një sasi prej 750 mijë euro para dhe prona, nga babai i dy djemve Aliko, Adili, i cili gjithashtu është arrestuar për korruptim të një gjyqtari në Gjykatën e Lartë, për të nxjerrë nga burgu, dy rebelët e Lazaratit. Hetimet për Henri Çilin kanë filluar që në shtator 2019, rastësisht, gjatë përgjimeve që prokuroria po zbardhte për një grup që dyshohej se kultivonte kanabis.

    Botuesi është kapur në përgjime me babain e Arbjon dhe Alban Alikos, Adil Aliko, ku në këmbim të 750 mijë eurove do të arrinte të ndikonte tek relatori i çështjes në Gjykatën e Lartë, për lirimin e tyre. Nga hetimet ka rezultuar se emri i Çilit del edhe në kontrata që janë për dhurim pronash në zonën e Gjirokastrës, por edhe në transaksione bankare. Pjesë e përgjimeve është edhe avokati Ilir Korbi. Të njëjtat burime bëjnë me dije se dosja e rekursit të Arbjon Alikos është gjetur në banesën e shoferit të Henri Çilit. Ndaj Çilit rëndojnë akuzat për korrupsion, ushtrim të ndikimit të paligjshëm, falsifikim të dokumenteve dhe shpërdorim detyre. Gjithashtu, forca të shumta policore gjatë natës kryen kontrolle edhe në Universitetin Evropian të Tiranës, ku dhjetëra efektivë rrethuan godinën.

    Për më shumë bëhu pjesë e grupit më viral në Facebook, Dosja.al

    Ky operacion ka vijuar edhe në qytetin e Gjirokastrës mëngjesin e sotëm, ku Policia ka kryer kontrolle “blic” në fshatin Lazarat dhe deri më tani është arrestuar Amarildo Aliko, i afër i vëllezërve Aliko,  pasi në banesë i janë gjetur armë.

    (f.g/j.v/dosja.al)

    • 17:58

      Policia s’po gjen dot ku fshihet “zyrtari i lartë”, mister identiteti i njeriut nga Shkodra që i dëgjonte fjalën Henri Çilit

      Henri Çili

      Botuesi dhe njëkohësisht pronari i Universitetit Europian të Tiranës, Henri Çili është arrestuar sot nga Policia së bashku me 27 persona të tjerë, pasi akuzohen se ndikuan tek gjyqtarët për të liruar nga burgu dy nga anëtarët e grupit të Lazaratit, të dënuar për vrasjen e efektivit të RENEA-s, Ibrahim Basha. Të gjithë të arrestuarit janë të përfshirë në dosje dhe kanë dijeni të plotë lidhur me veprimet e tyre e shkeljet ligjore që kanë bërë duke tentuar që të ndërhyjnë tek sistemi i gjyqësorit; duke dhënë ryshfet për ndërhyrjen apo më e pakta kanë qenë në dijeni të të gjithë ‘operacionit’ të kryesuar nga Çili e të sponsorizuar nga Adil Aliko. Por, duke marrë parasysh karrierën e Henri Çilit, ai është njohur vetëm si botues dhe nuk ka pasur ndonjëherë ndonjë post në sistemin e drejtësisë. Kush ka qenë sekseri që do të ndërhynte tek gjyqtarët për lirimin e dy djemve që qëlluan ndaj efektivëve të RENEA-s në Lazarat? Kush është “zyrtari i lartë” nga Shkodra që do të merrte shpërblimin e Adil Alikos në këmbim të lirimit të dy djemve të tij? Kur kanë dalë emrat e të gjithë të arrestuarve dhe të përfshirëve në ngjarje, kush është ky `zyrtar i lartë`, të cilin prokuroria dhe policia e mban sekret? Pse mbahet sekret emri i tij dhe përse nuk i janë vënë ende prangat? Fundja, ai është personi që do të lironte vërtet Arbjonin dhe Albanin se Çili nuk ka në dorë asgjë tjetër veç “fjalës” së mirë. Kur do të publikohet emri i tij dhe a do zbulohet hallka e fundit deri tek gjyqtari i dosjes? A ka kontakte ai me palët e përfshira?  A do të dalë para Vettingut të ‘frikshëm’ për të cilin foli edhe kryeministri Edi Rama gjatë prezantimit të platformës “Anti-Kap Ç’a kapësh?”

      Mbetemi ende në pritjen e një përgjigjeje…

    • 16:57

      Del FOTOJA/ Ja kush është kunati i Henri Çilit, ‘strumbullari’ i arrestimeve në Tiranë, çonte fjalë në Lazarat për lirimin e vëllezërve Aliko

      Publikohet fotoja e kunatit të Henri Çilit, Gazmir Ajdinaj ose siç njihet edhe me emrin e ndryshuar Enri Ajdinaj, i cili është personi që e takoi me Adil Alikon nga Lazarati. Personi që shikoni në foton e mëposhtme të publikuar nga Newsbomb duket vëllai i bashkëjetueses së botuesit Çilit, i cili është dënuar edhe më parë për kryerjen e veprave penale.

      Gazmir Ajdinaj

      Një telefonatë e Gazmir Ajdinajt, vëllait të partneres së Henri Çilit, Pranvera Ajdinajt dhe Adil Alikos, babait të dy djemve është pika e nisjes së pazarit pasi në bisedat e përgjuara nga prokuroria e Përmetit, Adili i kërkon ndihmë Gazmirit, për lirimin e djemve, duke i qarë hallin se i kërkohej 1 milionë euro. Në këtë moment, është kunati i Çilit që ndërhyn dhe ndërmjetëson një takim mes Alikos dhe Henri Çilin. Nga e gjithë afera edhe Ajdini nuk do të dilte pa u shpërblyer. “Kunati” i tij botues i kishte premtuar një pjesë nga 750 mijë eurot që do të merrte nga babai i Arbjonit dhe Alban Alikos.

    • 16:44

      Kush është Betim Shkupi, avokati që Henri Çili i besonte me sy mbyllur, me një prokurë në xhep firmoste për gjithçka

      Mëngjesi i ditës së sotme ka gdhirë me lajmin e arrestimit të botuesit Henri Çili dhe të mbi 27 personave të tjerë, të gjithë të përfshirë për të ndikuar e ndërhyrë në pushtetin e gjyqësorit. Kur kanë kaluar më shumë se 5 vite nga vrasja e efektivit Ibrahim Basha në Lazarat, babai i tyre Adil Aliko kërkon me ngulm lirimin e dy djemve të tij, Arbjonit dhe Albanit. “Pazari” më i mirë dhe më i lirë iu ofrua nga botuesi Çili, i cili në këmbim të shërbimeve të tij i kërkoi vetëm 750 mijë euro, të cilat edhe nëse nuk do të ishin “cash” do t’i pranonte edhe prona. I vendosur për lirimin e djemve të tij, Adili me vetëm një telefonatë ndaj biznesmenit shkodran Sait Fishta, të vënë në pranga së bashku me vëllain e tij Besnik Fishta, i ka dhuruar botuesit sipërfaqe toke dhe dy apartamente në Velipojë. Pronat kanë kaluar nga dera e noteres Shpresa Gjoci, e cila ka përpiluar një kontratë dhurimi që është firmosur më 10 janar 2020 në emër të Betim Shkupit, në emër dhe me dijeni të plotë të bashkëpunëtorit të tij të ngushtë, Henri Çilit. E ndryshe nga gjithë të përfshirët e tjerë në dojse, Betimi është ende i lirë.

      Por kush është Betim Shkupi, avokati i besuar i Çilit, të cilit botuesi i la pronat në ngarkim pa asnjë mëdyshje? Cila është lidhja mes tyre? Përse i besonte aq shumë Çili-Shkupit, aq sa i la të merrej me pronat e Velipojës për favoret nga Aliko i Lazaratit?

      Betim Shkupi është diplomuar për juridik dhe ka nisur karrierën e tij si avokat në vitin 2010, ndërsa aktualisht mban postin e administratorit të “European Education Initiative Holding” duke pasur kontroll 100% mbi aksionet e Universitetit Europian të Tiranës, ku Çili është pronar. Nga administratori i UET-së, nga 10 janari i këtij viti, ka pasur në “xhep” edhe prokurën nga Henri Çili në mënyrë që avokati të vepronte pa asnjë pengesë në emrin e tij për marrjen e dy pronave nga shoqëria “Fishta sh.p.k” në Velipojë, në pronësi të biznesmenit Sait Fishta. Ky i fundit dyshohet se ishte dakordësuar me Alikon që të hynte garantor tek Çili. Por edhe pse veprimet me provat janë kryer të gjtha me firmën e tij, si përfaqësues i botuesit, Shkupi është ende në liri duke administruar Universitetin në një prej ditëve më të vështira të tij.

    • 16:37

      Për kë do të LOBONTE Henri Çili? Liria e shtrenjtë e vrasësve të Ibrahim Bashës…

      “Ju vdekshin fëmijët”… këto ishin klithmat e familjarëve të grupit të zjarrit më 20 nëntor 2018, ditë kur Gjykata e Apelit la në fuqi vendimet e Shkallës së Parë për të rinjtë e dënuar për vrasjen e 31-vjeçarit, Ibrahim Basha. Më shumë se 300 gëzhoja u gjetën në vendngjarje, mëngjesin e 24 qershorit 2015, një vit pasi hashashi ishte shkulur nga fshati rebel.

      Ibrahim Basha, efektivi i vrarë nga grupi i Alikove

      Sot, 5 vite më vonë, arrestohet një nga botuesit më të rëndësishëm të tregut mediatik shqiptar, por edhe botës së biznesit, Henri Çili.

      Henri Cili, botues

      I akuzuar si një nga përfituesit më të mëdhenj të ligjit për arsimin e lartë, Çili, sipas njoftimit zyrtar të policisë së Shtetit, akuzohet për 6 vepra penale, ku ajo më e rënda është korruptimi i një gjyqtari në gjykatën e Lartë, për të bërë të mundur lirimin e Arbion dhe Alban Alikos, djemtë e Adil Alikos, një biznesmen i njohur në Gjirokastër.

      Adil Aliko, Biznesmen

      Ishte kunati ai që u fut ndërmjetës për Çilin, ndërkohë që ky i fundit, mori 750 mijë euro para dhe prona, për t’ju dhënë lirinë vrasësve të një “Dëshmori të Atdheut”.

      Arbion Aliko, i dënuar me burgim të përjetshëm

      Me një lehtësi të habitshme, botuesi u bë pjesë e skemës, pa asnjë mëdyshje morale, se nga cila anë duhet të rreshtohej!

      Plumbat tejshpuan në orën 05:00 furgonin ku ndodhej Ibrahimi dhe kolegët e tij. Mjetet e varfëra të policisë shqiptare, ishin shumë më të dobëta se ato të një grupi të rinjsh, pjesë e një fshati që për më shumë se 15 vite u pasurua falë aktivitetit të paligjshëm të kultivimit të drogës.

      Asokohe, prokuroria raportoi se shumica e plumbave u qëlluan në ajër… Por një mjaftoi!

      Për më shumë bëhu pjesë e grupit më viral në Facebook, Dosja.al

      Një plumb, i mori jetën Ibrahim Bashës, djalit që donte dhe kishte prej kohësh ëndërr të bëhej pjesë e forcave RENEA. 31-vjeçari e donte uniformën më shumë se çdo gjë tjetër, duke i kushtuar shumë mund përgatitjes për ta veshur një ditë. Arbion Aliko u dënua me burgim të përjetshëm bashkë me Bajram Bocin, ky i fundit, ende në arrati. Ndërkohë që vëllai tjetër, më i vogël, Albani u dënua nga Apeli me 18 vite burg, ndërkohë në burg ngeli edhe Elson Kasma, Elvis Boci, Xhuljo Malo, Klodian Selimi, Oltion Proko, Dervish Gaba, Ruhan Hija, Iljaz Xhaferri.  Si autorë dhe organizatorë të grupit të zjarrit prokuroria akuzoi dy vëllezërit, Alban dhe Arbion Aliko.

      Alban Aliko, i dënuar

      Si u vra efektivi i mëngjesin e 24 qershorit 2015

      Ibrahim Basha u qëllua me një plumb në kokë më 24 qershor 2015 në hyrje të fshatit të Lazaratit. RENEA ishte njoftuar për një situatë problematike në Gjirokastër, ku ishin raportuar të shtëna me armë zjarri, rreth orës 05:00 të mëngjesit dhe menjëherë është nisur një grup efektivësh të forcave speciale. Pasi automjeti i RENEA ka hyrë për patrullim në fshat, i është bërë pritë dhe është ndeshur me breshëri armësh. Nga të shtënat efektivi i RENEA, Ibrahim Basha mori një plumb në kokë dhe humbi jetën në vend, ndërsa u plagosën edhe dy kolegë të tij, Jetmir Isaj dhe Perlat Shpati. Ngjarja tronditi mbarë opinionin publik pasi ndodhte në një kohë kur në Lazarat ishin shkatërruar grupet kriminale të drogës dhe ishte vendosur qetësia.

    • 15:16

      Dvorani: S’kam dijeni për çështjen e Alikove, dosjet nuk gjykohen dot

      Gjyqtari i Gjykatës së Lartë, njëherësh dhe kryetar i Këshillit të Emërimeve ë Drejtësisë, Ardian Dvorani, ka reaguar pas arrestimit të Henri Çilit dhe lakimit të emrit të tij si të përfshirë në këtë çëshje. Dvorani pas mbaroi seancën e pyetjeve në Komisionin Hetimor për shkarkimin e Metës, foli për mediat duke thënë se nuk e ka takuar Çilin në asnjë kafe. Më tej ai shtoi se nuk është në dijeni që mund të jetë lobuar në Gjykatën e Lartë për dosjen e Alikove, pasi ky institucion nuk është funksional dhe dosjet nuk mund të gjykohen dot.

      “Janë 35 mijë çështje që rezultojnë me relator gjyqtarin Ardian Dvorani, por ju e dini që kjo gjykatë është jofunksionale. Unë uroj që kjo të jetë një spekulim, unë nuk kam asnjë lidhje me këtë gjë, për mua është kategorike jo. E njoh Henri Çilin, por nuk e kam mik, vetëm jemi takuar disa herë në evente të ndryshme. Nuk ka asnjë lëvizje për atë dosje, pasi gjykata nuk është funksionale, nuk janë në dijeni as për ndonjë kërkesë për përshpejtim të kësaj çështjeje. Me zotin Çili nuk jam takaur asnjëherë në kafene, mbaj mend që jam përshëndetur shumë muaj më parë”, u shpreh Dvorani.

    • 14:31

      Arrestimi i Henri Çilit, profesorati i UET: S’ka lidhje me veprimatarinë e universitetit

      Profesorët e Universitetit Europian të Tiranës kanë reaguar pas arrestimi të Henri Çilit, i cili ka në pronësi këtë universitet. Në reagim Senati Akademik shprehet se UET gëzon reputacion të lartë dhe vlerësim maksimal sa u përket standardeve të cilësisë, të njohura nga institucionet kombëtare dhe ndërkombëtare, prej të cilave është licensuar dhe akredituar dhe arrestimi nuk do ndikojë në punën e tyre. Më tej shtohet se arrestimi i Henri Çilit në organet e drejtësisë lidhet me dhënien e sqarimeve mbi Legal Studio sh.p.k, i cili është një entitet krejtësisht i pavarur nga Universiteti Europian i Tiranës.

      REAGIMI I PLOTË

      Në interes të informimit të drejtë publik, Senati Akademik i Universitetit Europian të Tiranës sqaron se ndalimi i z. Henri Çili nuk ka asnjë lidhje me veprimtarinë e UET dhe European Education Initiative shpk, që ka në pronësi këtë universitet. Si një institucion me përvojë 15 vjeçare në arsimin e lartë në Shqipëri, UET gëzon reputacion të lartë dhe vlerësim maksimal sa u përket standarteve të cilësisë, të njohura nga institucionet kombëtare dhe ndërkombëtare, prej të cilave është licensuar dhe akredituar, ligjërisht. Performanca ekselente i ka dhënë këtij Universiteti statusin e një aktori publik me rëndësi kombëtare dhe më gjerë, ndaj ne si anëtarë të Senatit Akademik reagojmë me indinjatë ndaj pasaktësive, spekulimeve ose dashakeqësive në raportimin e ngjarjes së sotme, duke sqaruar se thirrja e z. Cili në organet e drejtësisë lidhet me dhënien sqarime mbi Legal Studio shpk, i cili është një entitet krejtësisht i pavarur nga Universiteti Europian i Tiranës.

      UET është universiteti më i madh privat në vend, me numrin më të lartë të studentëve të regjistruar në ciklin e parë, Bachelor, për vitin akademik 2019-2020 dhe renditet i gjashti për numrin e studentëve, ndër të gjitha universitetet publike dhe private, në rang kombëtar. UET dhe shoqëria që e ka në pronësi, respektojnë të gjitha standardet e mirëadministrimit, sipas legjislacionit në fuqi në të gjitha aspektet dhe kanë marrëdhënie shumë korrekte me të tretët. Ky institucion u është nënshtruar standardeve më të larta ndërkombëtare në auditim financiar. Senati Akademik i UET garanton opinionin publik se i gjithë stafi akademik i Universitetit, mbi 100 pedagogë të brendshëm, profesorë dhe anëtarë të Akademisë së Shkencave mbeten të përkushtuar për të vijuar misionin e këtij institucioni të arsimit të lartë, në raport me studentët dhe shoqërinë.

    • 12:52

      Mega-operacioni ku u arrestua botuesi Henri Çili, Lleshaj falenderon Policinë: Përgëzime, provë në luftën kundër krimit të organizuar!

      Ministri i Brendshëm, Sandër Lleshaj ka përgëzuar operacionin “Mezhgoran” ku u arrestua edhe botuesi e pronari i Universitetit Evropian të Tiranës, Henri Çili. Përmes një reagimi në rrjetet sociale, Lleshaj thotë se policia dhe prokuroria dhanë provën sot se reforma në Drejtësi po jep rezultate, dhe se droga e krimi s’kanë vend në Shqipëri.

      Sandër Lleshaj: Policia dhe Prokuroria dhanë sot një tjetër provë të rëndësishme të seriozitetit në luftën e përbashkët kundër krimit të organizuar. Reforma në Drejtësi po sjell përditë rezultate. Droga dhe krimi nuk mund të kenë vend tek ne. Përgëzime për punën e Policisë dhe Prokurorisë 🇦🇱

       

    • 12:37

      Gjyqtar do të ishte DVORANI! Henri Çili takoi zyrtarin e lartë në një hotel, i kërkoi lirimin e vëllezërve të dënuar për vrasje (DETAJET)

      Dosja.al ka siguruar detaje të reja nga dosja hetimore në ngarkim të botuesit dhe pronarit të Universitetit Evropian të Tiranës, Henri Çili. Më herët, ne zbuluam sesi në një hotel të kryeqytetit, botuesi i njohur takoi një zyrtar të lartë të drejtësisë shqiptare, me të cilin diskutoi për gjyqin në ngarkim të Alban dhe Arbjon Alikos, të dënuar për vrasjen e Ibrahim Bashës. Por kush është gjyqtari i kësaj çështjeje?

      Siç edhe shihet nga të dhënat zyrtare, Alikot kanë bërë një rekurs për çështjen e tyre në Gjykatën e Lartë në 9 tetor të vitit 2019 dhe relator i çështjes është Ardian Dvorani. Dvorani është njëherazi edhe kreu i KED. Prej disa javësh, ai ka hyrë në një luftë të ftohtë me presidentin Ilir Meta.

      Relatori i ceshtjes se vellezerve Aliko
    • 12:30

      Arrestimi i Henri Çilit, drejtori Ardi Veliu në konferencë urgjente: Operacioni u shtri në disa qarqe, 6 muaj hetime, ja të arrestuarit!

      “Mezhgorani”, një fshat në krahinën e Labërisë është bërë sot emri kryesor i një mega-operacioni ku është arrestuar edhe botuesi dhe pronari i Universitetit Evropian të Tiranës, Henri Çili bashkë me 28 persona të tjerë. Kryepolici, Ardi Veliu ka dalë në një konference urgjente pas finalizimit të operacionit ku dha detaje mbi të arrestuarit, veprat penale për të cilat akuzohen, si dhe qarqet ku është shtrirë.  Veliu tha se hetimet kanë zgjatur 6 muaj dhe se operacioni është shtrirë në Tiranë, Fier, Shkodër, Gjirokastër e Durrës. Ndërkohë që për Çilin, ka konfirmuar akuzat përfshirë edhe atë të ushtrimit të ndikimit te gjyqtarët dhe prokurorët.

      Dosja.al gjithashtu ka mësuar se disa nga të arrestuarit janë: Xhevair Sejati; Neuland Miçi; Skënder Toska; Armando Hajdinaj; Sidi Ramaj; Erment Beqaraj; Askerd Malkë; Elidon Alikollari; Lisandër Alikollari; Ervin Çela; Ali Hysa; Antonio (Saimir) Hasa; Entilon Kamberaj; Abaz Dani (Mesi); Shpresa Gjoci; Sait Fishta; Besnik Fishta; Henri Çili; Enri (Gazmir) Ajdinaj; Ilir Korbi; Liko Jazi; Amarildo Aliko; Eraldjan Hodo; Renato Riza Toska; Kejsi Kujtim Meço; Edmond Xaka; Kristina Bashi; Adriatik Braka.

      NJOFTIMI I PLOTE:

      Policia e Shtetit Operacioni policor i koduar “Mezhgorani”. Gjatë orëve të para të mëngjesit të ditës së sotme, shërbimet e Policisë Gjyqësore në Departamentin e Policisë Kriminale, në bashkëpunim me Drejtoritë Vendore të Policisë Gjirokastër, Tiranë, Durrës, Fier, Shkodër, Drejtorinë e Forcës së Posacme Operacionale dhe FNSH-në, nën drejtimin dhe bashkëpunimin me Prokurorinë pranë Gjykatës Shkallës së Parë Përmet, pas një hetimi 6-mujor, në funksion të procedimit penal të regjistruar në vitin 2019, për veprat penale “Falsifikimi i kartëmonedhave”, finalizuan me sukses operacionin policor “Mezhgorani“.

      Si rezultat i punës hetimore e procedurale nga strukturat e Drejtorisë Vendore të Policisë Gjirokastër, në bashkëpunim me Departamentin e Policisë Kriminale, nën drejtimin e Prokurorisë së Rrethit Gjyqësor Përmet, duke aplikuar metodat speciale të hetimit u bë e mundur të dokumentohej aktiviteti kriminal për veprat penale “Prodhimi dhe shitja e narkotikëve”, “Ushtrimi i ndikimit të paligjshëm ndaj personave që ushtrojnë funksione publike” ‘’Falsifikimi i kartëmonedhave”, “Mbajtja pa leje e armëve të zjarrit dhe lëndëve plasëse”, “Organizimi i lotarive të palejuara”, “Pastrimi i produkteve të veprës penale”, “Fshehja e të ardhurave”, “Mashtrimi” dhe “Falsifikimi i dokumenteve”.

      Si rezultat i provave ligjore të administruara, gjatë orëve të para të mëngjesit të sotëm u bë ekzekutimi i urdhrave të ndalimit të lëshuara nga Prokurori i Çështjes në Prokurorinë e Rrethit Gjyqësor Përmet dhe konkretisht:

      Xh. S., 37 vjeç, banues në Përmet, i dyshuar për veprën penale “Prodhimi dhe shitja e narkotikeve”;

      N. M., 41 vjeç, banues në Tepelenë, i dyshuar për veprën penale “Prodhimi dhe shitja e narkotikeve”;

      S. T., 38 vjeç, banues në Përmet, i dyshuar për veprën penale “Prodhimi dhe shitja e narkotikeve”;

      A. H., 30 vjeç, banues në Tepelenë, i dyshuar për veprën penale “Prodhimi dhe shitja e narkotikeve”;

      S. R., 30 vjeç, banues në Tepelenë, i dyshuar për veprën penale “Prodhimi dhe shitja e narkotikeve”;

      E. B., 31 vjeç, banues në Përmet, i dyshuar për veprën penale “Prodhimi dhe shitja e narkotikeve”;

      A. M., 25 vjeç, banues në Përmet, i dyshuar për veprën penale “Prodhimi dhe shitja e narkotikeve”;

      E. A., 25 vjeç, banues në Përmet, i dyshuar për veprën penale “Prodhimi dhe shitja e narkotikeve”;

      L. A., 29 vjeç, banues në Përmet, i dyshuar për veprën penale “Prodhimi dhe shitja e narkotikeve”;

      E. Ç., 41 vjeç, banues në Tepelenë, i dyshuar për veprën penale “Prodhimi dhe shitja e narkotikeve”;

      A. H., 41 vjeç, banues në Shkodër, i dyshuar për veprën penale “Prodhimi dhe shitja e narkotikeve”;

      A. (S.) H., 37 vjeç, banues në Tepelenë, i dyshuar për veprën penale “Prodhimi dhe shitja e narkotikeve”;

      E. K., 33 vjeç, banues në Këlcyrë, i dyshuar për veprën penale “Prodhimi dhe shitja e narkotikeve”;

      A. D. (M.), 56 vjeç, banues në Krujë, i dyshuar për veprën penale “Prodhimi dhe shitja e narkotikeve”;

      Sh. Gj., 56 vjeçe, banuese në Tiranë, e dyshuar për veprën penale “Falsifikimi i dokumenteve”;

      S. F., 60 vjeç, banues në Tiranë, aktualisht me masë sigurie “Arrest në burg”, i dyshuar për veprat penale për veprat penale “Fshehja e të ardhurave”, “Pastrimi i produkteve të veprës penale ose veprimtarisë kriminale”, “Falsifikimi i dokumenteve” dhe “Mashtrimi”;

      B. F., 57 vjeç, banues ën Shkodër, i dyshuar për veprat penale “Fshehja e të ardhurave”, “Pastrimi i produkteve të veprës penale ose veprimtarisë kriminale”, “Falsifikimi i dokumenteve” dhe “Mashtrimi”;

      H. Ç., 45 vjeç, banues në Tiranë, i dyshuar për veprat penale “Fshehja e të ardhurave”, “ Pastrimi i produkteve të veprës penale ose veprimtarisë kriminale”, “Falsifikimi i dokumenteve”, “Mashtrimit”, “Ushtrimi i ndikimit të paligjshëm ndaj personave qe ushtrojnë funksione publike” dhe “Falsifikimi dokumenteve” në bashkëpunim.

      E. (G.) A., 34 vjeç, banues në Tiranë, i dyshuar për veprat penale “Pastrimi i produkteve të veprës penale ose veprimtarisë kriminale” “Mashtrimi”, “Prodhimi dhe shitja e narkotikeve” dhe “Armëmbajtja pa leje”.

      I. K., 38 vjeç, banues në Tiranë, i dyshuar për veprat penale “Pastrimi i produkteve të veprës penale ose veprimtarisë kriminale”, “Falsifikimi i dokumenteve”, “Mashtrimi”, “Ushtrimi i ndikimit të paligjshëm ndaj personave që ushtrojnë funksione publike” dhe “Falsifikimi dokumenteve” në bashkëpunim;

      L. J., 56 vjeç, banues në Patos, i dyshuar për veprat penale “Falsifikim te dokumenteve”dhe “Mashtrimi”;

      A. A., 20 vjeç, banues në Lazarat, i dyshuar për veprat penale “Armëmbajtja pa leje”;

      E. H., 33 vjeç, banues në Tiranë, i dyshuar për veprat penale “Armëmbajtja pa leje”;

      R. T., 32 vjeç, banues në Tiranë, i dyshuar për veprat penale “Përkrahja e autorit ne krim” dhe “Moskallëzim krimi”;

      K. M., 40 vjeçe, banuese në Tiranë, e dyshuar për veprat penale “Përkrahja e autorit ne krim” dhe “Moskallëzim krimi”;

      E. X., 32 vjeç, banues në Fushë Krujë, i dyshuar për veprat penale “Përkrahja e autorit në krim” dhe “Moskallëzim krimi”;

      K. B., 24 vjeç, banuese në Tiranë, e dyshuar për veprat penale “Përkrahja e autorit ne krim” dhe “Moskallëzim krimi”;

      A. B., 20 vjeç, banues në Ballsh, i dyshuar për veprat penale “Organizimi i lotarive pa lejuara”dhe “Moskallëzim krimi”;

      Gjithashtu, në kuadër të operacionit janë shpallur në kërkim 6 persona dhe ka nisur procedimi penal në gjendje të lirë për 12 shtetas të tjerë, për vepra të ndryshme penale që kanë lidhje me procedimin.

      Më parë është bërë arrestimi i shtetasve:

      E. B, banues në Shkodër, arrestuar më datë 23.12.2019, për veprën penale “Prodhimi dhe shitja e narkotikëve kryer në bashkëpunim”, aktualisht me masë sigurie “Arrest në burg”;

      S. S, banues në Përmet, arrestuar më datë 18.10.2019, për veprën penale , aktualisht me masë sigurie “Arrest në burg”;

      Z. B., banues në Shkodër, arrestuar më datë 31.10.2019, për veprën penale “Prodhimi dhe shitja e narkotike”, aktualisht me masë sigurie “Arrest në shtëpi”;

      I. R., banues në Shkodër, arrestuar më datë 23.12.2019, për veprën penale “Prodhimi dhe shitja e narkotike”, aktualisht me masë sigurie “Arrest në burg”;

      F. R, banues në Tepelenë, arrestuar më datë 22.02.2020, për “Armëmbajtje pa leje”, aktualisht me masë sigurie “Arrest në burg”;

      E. A., banues në Tiranë, arrestuar më datë 23.02.2020, për veprën penale “Armëmbajtje pa leje”, aktualisht me masë sigurie “Arrest në burg”;

      D. D., banues në Përmet, arrestuar më datë 23.02.2020, aktualisht me masë sigurie “Arrest në burg”;

      Këtyre personave ne 4 episode te ndryshme kohore iu është bërë e mundur t’i sekuestrohet sasia prej 128 kg lëndë narkotike cannabis sativa, droga të forta në formë dozash heroine dhe kokaine, 2 kallëpe lëndë plasëse tritol, shuma parash prej 10 million lekësh, shuma prej 7500 euro, 3500 euro të dyshuara të falsifikuara, 7 automjete, dokumente të dyshuara të falsifikuara dhe kontrata noteriale të ndryshme.

      Në kuadër të operacionit, sot më datë 28.02.2020 u bë ekzekutimi i vendimit të Gjykatës së Rrethit Gjyqësor Përmet për kontrollin e 61 banesave, 10 ambienteve Njësi Shërbimi, kontrollin e 33 automjete dhe gjatë ekzekutimit të këtij vendimi u sekuestruan:

      3 pushkë automatike me silenciator, 2 automatik kallashnikov, 8 kallëpe lende plasëse tritol, 620 fishekë, 2 granata difensive, 71 krehër fishekësh, 13 automjete te markave te ndryshme, 40 telefona celular, dokumente noteriale, kontrata, certifikata pronësie të ndryshme dhe një sasi lënde narkotike cannabis sativa.

      Në këtë operacion u angazhuan 15 grupe të reparteve të FNSH Shkodër Fier e Tiranë, Forca e Posacme Operacionle në Policisë e Shtetit dhe shërbimet e DVP Gjirokastër, Tiranë, Durrës, Elbasan, Fier e Shkodër.

      Nga ana jonë u kryen veprimet procedurale dhe materialet i kaluan Prokurorisë pranë Gjykatës së Shkallës së Parë Përmet, në ngarkim të shtetasve të mësipërm, për veprat penale “Prodhimi dhe shitje narkotikeve “Mbajta pa leje e armëve luftarake dhe municioneve”, “Pastrim i produkteve të veprës penale apo veprimtarisë kriminale, “Ushtrimi i ndikimit të paligjshëm”, Falsifikimi i kartëmonedhave”, Falsifikimi i dokumenteve”, “Moskallëzim i krimit”, “Përkrahja e autorit të krimit”, “Mashtrimi”, “Fshehje te ardhurave”, Organizimi i lotarive te palejuara”, “Shpërdorim detyre”

      Operacioni është në vijim e për këtë arsye nuk mund të bëjmë me dije detaje që cenojnë vijimësinë e operacionit.

      Policia e Shtetit është e angazhuar dhe e vendosur për të luftuar pa kompromis, krimin e organizuar dhe krimin në përgjithshësi, ndaj fton qytetarët që të denoncojnë në Komisariatin Dixhital dhe në numrin 112, çdo rast të paligjshmërisë në cilëndo fushë që ajo shfaqet, duke u garantuar reagim të shpejtë profesional e anonimat të sigurt për qytetarët.

    • 12:04

      Iu fal Henri Çilit për të liruar djemtë, arrestohet edhe Adil Aliko/ Biznesmeni nga Lazarati dha 750 mijë euro për të liruar djemtë nga burgu

      Adil Aliko

      Adil Aliko, babai i Alban dhe Arbion Alikos, i njohur në Gjirokastër si një biznesmen me lidhje të ngushta politike me të dy kampet, PS e PD, është arrestuar. Pas prangosjes së pronarit dhe botuesit të Universitetit Evropian të Tiranës, Henri Çili, edhe Aliko është prangosur nga Policia e Gjirokastrës, për akuzën e korrupsionit dhe ndikimit të paligjshëm.

      Aliko, nuk është një emër i panjohur për drejtësinë shqiptare. Jo më larg se një vit më parë, ai u ndalua pasi, bashkëshortja e tij, R.P, e denoncoi atë për dhunë. Gjithashtu, Aliko, është pronar i disa kompanive në Gjirokastër.

      Bizneset e Adilit

      Me një aktivitet të zgjeruar në fushën e peshkimit, ndërtimit, hidrocentraleve, produkteve industriale e bujqësore, ai është arrestuar tashmë si pjesë e skemës së ndikimit të paligjshëm mbi drejtësinë.

      Bizneset e Adil Alikos

      Më herët, Dosja.al, zbardhi detaje nga dosja hetimore, sesi Adil Aliko në bashkëpunim me Gazmend Ajdinajn, e Sait Fishtën, dha 750 mijë euro cash dhe prona për të liruar nga burgu dy djemtë e tij, të dënuar me vrasjen e Ibrahim Bashës.

      Bizneset e Adil Alikos
    • 11:48

      Arrestimi i Henri Çilit/Kryeprokurori Olsian Çela: Operacioni fryt i prokurorisë së pavarur

      Henri Çili dhe Olsian Çela.

      Prokurori i Përgjithshëm, Olsian Çela e ka quajtur fryt i punës së një prokurorie të pavarur operacionin, ku u arrestua pronari i Universitetit Europian të Tiranës, njëherazi dhe botuesi, Henri Çili.

      “Këto janë frytet e prokurorisë, puna e prokurorisë, zbatimi i ligjit, reforma në drejtësi, këto janë rezultatet.”, është shpreh kryeprokurori për mediet.

    • 11:25

      FOTO/ Ky është Amarildo Aliko, i vogli i familjes që u arrestua mëngjesin e sotëm në Lazarat

      Dosja.al sjell foton e të riut Amarildo Aliko, i arrestuar mëngjesin e sotëm në Lazarat, në kuadër të operacionit ku u prangos edhe botuesi Henri Cili. Amarildo, kushëriri i dytë i Albanit dhe Arbion Alikos, dy vëllezërve të dënuar për vrasjen e efektivit, Ibrahim Basha, u arrestua pasi iu gjetën në një banesë në Lazarat, pranë saj, një makinë, tre armë automatike model 56 ( kallash), një granatë, një pushke 20-she e mijëra fishekë.

      Amarildo Aliko, i arrestuar
    • 10:42

      750 mijë € dhe 2 pronat e biznesmenit Fishta, zbardhet DOSJA që prangosi botuesin Henri Çili, vëllai i të dashurës hyri mik tek Adil Aliko (PËRGJIMET)

      Henri Cili, Pranvera Ajdinaj, partnerja dhe Adil Aliko, babai i dy djemve

      Dosja.al zbulon skemën sesi botuesi dhe pronari i Universitetit Europian të Tiranës, Henri Çili do të ndikonte tek gjykata e Lartë për të siguruar lirinë e Arbjon dhe Alban Alikos, të dënuar për vrasjen e efektivit të RENEA-s në vitin 2015 në Lazarat. Sipas të dhënave paraprake, burimet i thanë Dosja.al, se Çili kishte dakordësuar me Adil Alikon, babain e dy djemve të dënuar si pjesë e grupit të zjarrit për vrasjen e Ibrahim Bashës, se në këmbim të tokave dhe parave do të arrinte të ndikonte tek relatori i çështjes në Gjykatën e Lartë. Emri i botuesit u zbulua pas nisjes së hetimit në muajin shtator 2019, për një grup nga Lazarati dhe përmeti, të cilët akuzoheshin për trafik dhe prodhim narkotikësh.

      Një telefonatë e Gazmir Ajdinajt, vëllait të partneres së Henri Cilit, Pranvera Ajdinajt dhe Adil Alikos, babait të dy djemve është pika e nisjes së pazarit që përfundoi me arrestimin e mbi 12 personave. Në bisedat e përgjuara nga prokuroria e Përmetit, Adili i kërkon ndihmë Gazmirit, për lirimin e djemve, duke i qarë hallin se i kërkohej 1 milionë euro.

      Në këtë moment, është kunati i Cilit që ndërhyn dhe ndërmjetëson një takim mes Alikos dhe Henri Çilin. Burime për Dosja.al sqaruan se takimi është zhvilluar më 7 dhjetor 2019 dhe biseda është përgjuar dhe filmuar nga prokurorët.

      Aliko do t’i jepte Cilit një sasi prej 750 mijë euro, një pjesë nga të cilat do të jepej cash, dhe pjesa tjetër do të ishte pronë. Më 10 janar 2020,  Çili i ka dhënë një prokurë për të vepruar në emrin e tij, Betim Shkupit për marrjen e dy pronave në formë dhurimi nga shoqëria “Fishta sh.p.k” në Velipojë, në pronësi të biznesmenit Sait Fishta, i cili dyshohet se ishte dakordësuar me Alikon që të hynte garantor tek Çili.

      Gjithashtu, burime i sqaruan Dosja.al se pasi mori dy pronat, Cili ka falenderuar kunatin duke shtuar se do t’i jepte edhe shëprblim.

      Ndërkohë që më datë 3 shkurt 2020, Çili ka kontaktuar me drejtorinë e Kadastrës Shkodër, që i ka kërkuar sa më shpejt të regjistrojë pronat. Pasi ka marrë paratë dhe pronat, Çili ka takuar një nga emrat më të rëndësishëm të drejtësisë shqiptare, në një hotel në Tiranë, takim i përgjuar ky nga prokuroria

    • 10:37

      Erion Braçe: Ibrahim, gjaku yt s’do bëhet para për batakçinjtë, s’do të të shesë kurrë kush ty!

      Erion Braçe, zv.km dhe Henri Cili, pronari i UET

      Zv.kryeministri Erion Braçe ka komentuar arrestimin e botuesit Henri Çili, me akuzën se tentoi të kishte ushtruar ndikim tek një gjyqtar për të liruar nga burgu anëtarët e bandës së Lazaratit. Përmes një reagimi në Instagram, Braçe kujton efektivin e vrarë në Lazarat në vitin 2015, Ibrahim Basha, të cilit i thotë se “gjaku yt nuk do të bëhet kurrë para e pasuri për batakçinjtë”. Braçe shigjeton edhe opozitën, që sipas tij, ulëret për drejtësi, dhe shitësit e saj i ka nëpër listat e deputetëve.

      REAGIMI I ERION BRACES:

      #IBRAHIMBASHA
      Sherbyes i Shtetit dhe i ligjit!
      NUK DO TE HARROJ KURRE KUSH TY!
      NUK DO TE SHESE KURRE KUSH TY!

      Ti do te jesh perhere #DESHMORIATDHEUT!
      Gjaku yt nuk do te behet kurre
      para e pasuri per batakcinjte!

      Bravo #PROKURORISESEREPUBLIKES e bravo #POLICISESESHTETIT!

      I neveritur nga llumi qe do #DREJTESINE per ta blere e shitur, i neveritur nga llumi politik qe uleret kunder #REFORMESNEDREJRESI, por bleresit e shitesit i ka ne liste deputetesh, i neveritur nga llumi me firme e vule qe noterizon blerjen e shitjen e drejtesise.

    • 10:26

      Dyshohet se i mori para e prona babait të Arbjon Alikos, vrasësit të Ibrahim Bashës, për çfarë po hetohet Henri Çili

      Henri Çili dhe Arbjon Aliko

      Detaje të reja kanë dalë nga arrestimi i botuesit Henri Çili. Dosja.al mëson se Prokuroria ka përgjime mes Henri Çilit dhe babait të Arbjon Alikos, Adil Aliko, ku negociohet për lirimin nga burgu këtij të fundit. Burimet bëjnë me dije se babai i vëllezërve Aliko i kishte premtuar tokë dhe para Çilit, në këmbim të lirimit të të birit. Nga hetimet ka rezultuar se emri i Çilit del edhe në kontrata që janë për dhurim pronash në zonën e Gjirokastrës, por edhe në transaksione bankare. Arbjon Aliko është dënuar me burgim të përjetshëm për vrasjen e Ibrahim Bashës.

    • 10:00

      Kush është Arbjon Aliko, që ekzekutoi mes Lazaratit Ibrahim Bashën, kërcënoi Ramën dhe ‘arrestoi’ Henri Çilin

      Henri Çili dhe disa bashkëpunëtorë të tij kanë rënë në pranga. I dënuar përjetë, Aliko ka dërguar çështjen e tij në Gjykatën e Lartë dhe për këtë gjë mendohet se është i përfshirë dhe botuesi Çili. Lidhja mes tyre është bërë nga babai i të burgosurit, Adil Aliko, të cilit i është premtuar se do i lironin djalin nëse do bashkëpunonte me personat që tashmë janë arrestuar.

      Arbjon Aliko dhe efektivë policie

      Po kush është Arbjon Aliko dhe pse është dënuar ai?

      Arbjon Aliko, një nga të dënuarit e grupit të Lazaratit, si autori i sulmit ndaj policisë në vitin 2015 dhe ekzekutimin e efektivit të RENEA-s, Ibrahim Basha, është duke vuajtur dënimin e përjtetshëm në burgun e Drenovës. Aliko njihet si një nga personat që hapi zjarr mbi Policinë gjatë aksionit ku u sekuestruan tonelata të tëra droge.

      Por emri i Alikos është përmendur nga media dhe në korrik të vitit të kaluar, ku nga burgu ai bëri një denoncim të fortë. Në atë kohë ai shprehej se në burgun e Drenovës që pas zgjedhjeve të 30 Qershorit, mbi të dënuarit po bëhet presion dhe ka sjellje çnjerëzore ndaj tyre. Aliko denoncon se të burgosurit po shtypen nga ana e drejtorit, ndërsa u janë shkurtuar dhe oraret e dënimeve.

      Po ashtu ai bëri dhe një kërcënim për Edi Ramën, duke thënë se qeverisja e tij është diktaturë dhe nuk e pranonte këtë gjë. “Po nxisin revolta të qëllimshme, sot kemi të dalë të gjithë nga qelitë dhe do të protestojmë”, thotë i dënuari. Ai kërkoi që të merreshin masa pasi sipas tij kur të kërciste kallashi do ishte shumë vonë.

    • 9:27

      Detaje nga arrestimi/ Henri Çili në përgjime me babain e Arbjon Alikos, i dënuar për vrasjen e Ibrahim Bashës, çfarë u gjet në banesën e shoferit

      Henri Çili dhe Arbjon Aliko

      Detaje të reja kanë dalë nga arrestimi i botuesit Henri Çili. Dosja.al mëson se Henri Çili është arrestuar në banesën e tij në orët e para të mëngjesit të sotëm pas një urdhër-arresti nga Prokuroria e Përmetit, pasi akuzohet se ka ndikuar tek një gjyqtar për të liruar nga burgu bandën e Lazaratit.

      Hetimet ndaj Çilit kanë nisur që muajin shtator të vitit 2019 dhe mësohet se ka përgjime mes Henri Çilit dhe babait të Arbjon dhe Alban Alikos, Adil Aliko, ku negociohet për lirimin nga burgu të këtyre dy të fundit. Po kështu, është arrestuar edhe shoferi i Henri Çilit dhe dosja e rekursit të Arbjon Alikos është gjetur në banesën e këtij të fundit. Alban dhe Arbjon Aliko janë dënuar me burg për vrasjen e ish-efektivit të Policisë, Ibrahim Bashës.

    • 9:24

      Del emri i të arrestuarit të tretë, bashkë me Henri Çilin në pranga ka rënë dhe një biznesmen

      Sait Fisha

      Dosja.al mëson detaje të reja nga arrestimi i botuesit dhe analistit Henri Çili. Bashkë me të është arrestuar dhe Sait Fishta, i cili është biznesmen në veri të Shqipërisë dhe ka qenë kandidat për deputet.

    • 9:12

      U arrestua bashkë me Henri Çilin, kush është avokati që akuzohet se ka ndikuar tek gjyqtarët për të liruar bandën e Lazaratit (FOTO+EMRI)

      Ilir Korbi

      Ilir Korbi me profesion avokat, është një nga personat e tjerë që u arrestua mbrëmjen e djeshme për llogari  të Gjykatës së Gjirokastrës, pasi akuzohet se ka ndikuar tek gjyqtarët për të liruar bandën e Lazaratit. Korbi është Drejtori Juridik në Universitetin Europian të Tiranës dhe njëkohësisht edhe pedagog.

    Shto Koment