Aktualitet

Arrestohen në flagrancë 6 shtetas, 2 prej tyre të shpallur në kërkim

Gjashtë persona janë arrestuar nga Policia e Tiranës për vepra të ndryshme penale, ndërsa dy të tjerë janë shpallur në kërkim.
Featured image of article: Arrestohen në flagrancë 6 shtetas, 2 prej tyre të shpallur në kërkim

TIRANË– Policia e Tiranës ka arrestuar në flagrancë 6 shtetas, 2 prej tyre të shpallur në kërkim.

Vjedhje, lëndë narkotike, mashtrim dhe kallëzim i rrëmë në polici janë veprat penale për të cilat do të akuzohen shtetasit e arrestuar.

Policia bën me dije së do të vijojë operacioni për parandalimin dhe goditjen e paligjshmërisë.

Për më shumë bëhu pjesë e grupit më viral në Facebook, Dosja.al

Njoftimi i policisë:

Forcat e posaçme “Shqiponjat”, në bashkëpunim me Seksionin për Hetimin e Narkotikëve, bënë arrestimin në flagrancë të shtetasit O. (M).B., 36 vjeç, pasi në rrugën “Irfan Tomini”, gjatë kontrollit fizik, iu gjetën dhe iu sekuestruan një sasi lënde narkotike e dyshuar kokainë dhe një sasi lënde narkotike kanabis. Nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit E. T., 38 vjeç, pasi më datë 19.11.2020, ka vjedhur automjetin në pronësi të shtetasit E. B. Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit P. C., 45 vjeç, i shpallur në kërkim për veprat penale “Vjedhja” , “Mashtrimi në sigurime“ dhe “Kallëzimi i rremë”. Nga Seksioni i Kërkimit në DVP Tiranë, në bashkëpunim me Komisariatin e Policisë Rrugore, u bë kapja dhe ndalimi i shtetasit A. S., 50 vjeç, të cilin Gjykata e Shkallës së Parë Tiranë e ka dënuar me 1 muaj burgim, për veprën penale “Drejtimi i automjetit në mënyrë të parregullt”. Specialistët e Qarkullimit Rrugor bënë arrestimin në flagrancë të shtetasve: E. K., 30 vjeç, pasi në rrugën “Besim Alla”, u kap duke drejtuar mjetin në gjendje të dehur, në masën 0.74 mg/l. L. Ç., 42 vjeç, pasi duke drejtuar mjetin në gjendje të dehur në masën 0.65 mg/l, ka aksidentuar këmbësorin me iniciale V. Gj, 36 vjeç, i cili ndodhet në spital, jashtë rrezikut për jetën. Materialet i kalojnë Prokurorisë pranë Gjykatës së Shkallës së Parë Tiranë, për veprime të mëtejshme.

Shto Koment