Aktualitet

Arrestimi i Agim Kajmakut/ Policia: Ndalimi i tij u bë në një spital privat, po merrte ndihmë mjekësore

Policia njofton se 49-vjeçari është arrestuar në një spital privat në Tiranë, ku po merrte ndihmë mjekësore.
Featured image of article: Arrestimi i Agim Kajmakut/ Policia: Ndalimi i tij u bë në një spital privat, po merrte ndihmë mjekësore Agim Kajmaku

TIRANË- Policia e Shtetit ka njoftuar se ish-kreu i bashkisë së Vorës, Agim Kajmaku është arrestuar në një spital privat në Tiranë. Sipas policisë 49-vjeçari po merrte ndihmë mjekësore në këtë spital.

Njoftimi i Policisë:

Nga specialistët e Seksionit për Hetimin e Korrupsionit në Drejtorinë Vendore të Policisë Tirane u krye ekzekutimi i urdhrit të prokurorit, për ndalimin e shtetasit në kërkim: A. K., 49 vjeç, banues në Tiranë. Ndalimi i këtij shtetasi u bë pasi Prokuroria e Rrethit Gjyqësor Tirane ka dërguar urdhrin e ekzekutimit të datës 09.11.2019, bazuar në vendimin e Gjykatës së Rrethit Gjyqësor Tiranë, e cila i ka caktuar masën e sigurimit personal “Arrest në burg”, për veprat penale “Falsifikimi i vulave, i stampave ose i formularëve”, “Falsifikimi i dokumenteve zyrtare” dhe “Kryerja e funksionit pas dhënies fund të tij”. Ekzekutimi i vendimit penal është bërë në ambientet e një spitali privat në Tiranë, ku aktualisht ky shtetas po trajtohet me ndihmë të specializuar mjekësore.

Për më shumë bëhu pjesë e grupit më viral në Facebook, Dosja.al

Materialet do t’i kalojnë për ndjekje të mëtejshme Prokurorisë së Rrethit Gjyqësor Tiranë.

Agim Kajmaku është arrestuar ditën e sotme pas thuajse një viti në arrati. Ish-kryebashkiaku i Vorës u arrestua në një spital privat në Tiranë, ku u paraqit në gjendje të rëndë nga diabeti. Tani ai pritet të përballet me drejtësinë pasi akzuohet për: falsifikim, shpërdorim detyre dhe kryerje të funksionit përtej mandatit. Gjykata për të ka dhënë masën e sigurisë “arrest me burg”.

J.V/Dosja.al 

Etiketa:

Shto Koment