Sport

Arrestime dhe të shpallur në kërkim, Policia e Shtetit vepron shpejt për dëmet në “Air Albania”

Ky zakon i turpshëm i tifozëve nëpër stadiume duhet të marrë fund
Featured image of article: Arrestime dhe të shpallur në kërkim, Policia e Shtetit vepron shpejt për dëmet në “Air Albania” Stadiumi “Air Albania”

Stolat e thyer në “Air Albania Stadium” gjatë ndeshjes Kukësi-Tirana janë bërë tema e javës në sportin shqiptar dhe me të drejtë. Veprimet e shëmtuara të disa tifozëve kanë vënë në lëvizje Policinë e Shtetit, e cila njofton se ka arrestuar 3 shtetas deri tani, ndërkohë që janë proceduar penalisht 6 të tjerë. 9 të tjerë njoftohet se janë shpallur në kërkim. Edhe në ndeshjen Partizani-Bylis ka patur probleme të tilla.

NJOFTIMI I POLICISË – Shkatërruan stolat e stadiumit “Air Albania” dhe hodhën sende të forta në fushë gjatë dy ndeshje të futbollit më datë 21 e 22 shkurt, vihen në pranga 3 shtetas, shpallen në kërkim 9 të tjerë, si dhe 6 procedohen penalisht.

Më datë 22.02.2020, në orën 17:00, në stadiumin “Air Albania” është zhvilluar ndeshja e futbollit ndërmjet skuadrave të Partizani dhe Bylisit dhe më datë 21 shkurt është zhvilluar ndeshja midis ekipeve Tirana-Kukësi. Gjatë zhvillimit të ndeshjeve, disa tifozë të këtyre skuadrave kanë hedhur sende të forta në fushë dhe kanë thyer stolat e stadiumit.

Pas veprimeve të shpejta hetimore të kryera nga ana e Seksionit për Hetimin e Krimit në Komisariatin e Policisë Nr. 1 Tiranë, për ngjarjet e ndodhura, është bërë i mundur zbulimi, kapja dhe arrestimi në kushtet e flagrancës, për veprat penale “Veprime të dhunshme në aktivitetet Sportive” dhe “Shkatërrimi i pronës”, i shtetasve:

Për më shumë bëhu pjesë e grupit më viral në Facebook, Dosja.al

G. M., 39 vjeç, K. B, 26 vjeç, tifozë të skuadrës së Bylisit, si dhe L. G, 35 vjeç tifoz i skuadrës së Tiranës. Gjithashtu u shpallën në kërkim 9 tifozë të skuadrës së Tiranës dhe konkretisht shtetasit E.M, J.S, A.T, M.H, M.B, A.S, E.S, G.M dhe F.SH. Po në vijim të veprimeve u proceduan penalisht në gjendje të lirë edhe 6 tifozë të Tiranës konkretisht shtetasit J.K, A.LL, E.Z, T.A, A.R dhe D.T

Nga tërësia e veprimeve procedurale të kryera nga ana e Policisë ka rezultuar se këta shtetas kanë kryer veprime të dhunshme gjatë zhvillimit të ndeshjeve duke dëmtuar stolat dhe hedhur sende të forta në fushën e futbollit “Air Albania”, Tiranë. Vijon puna për kapjen e personave të shpallur në kërkim dhe identifikimin e personave të tjerë të përfshirë në këto veprime të kundërligjshme. Materialet proceduriale i kaluan Prokurorisë së Rrethit Gjyqësor Tiranë, për veprat penale “Veprime të dhunshme në aktivitetet Sportive” dhe “Shkatërrimi pronës”.

M.P. / Dosja.al

Shto Koment